Xota̱ Ebreo̱ 1:2 - Xo̱jo̱n eén Néná

² Kó ngotꞌe̱ ꞌne̱, kui ni̱xtjin xi kjifetꞌaa̱, Néná katsangiya ndií, kó kuí xí katsꞌénkjién nga tsíchji̱a̱joná, kó kuí boá xi katsꞌénkꞌasꞌiee̱n ngayeje nii̱, ko̱jo ta̱ngatꞌanii̱ kui nga Néná katsꞌénda ngayeje nga̱sondiee̱ ko̱jo ndiꞌakꞌajmii̱.

Xota̱ Ebreo̱ 1:2 ပူးပေါင်းရင်းမြစ်များ

Jenesii̱s 49:1

Kó Jakoo̱b tsíchji̱a̱a̱ ngayeje ndií tsi̱ꞌe̱ nga ka̱matikó, ngatꞌa̱ kamámejeén ka̱tso̱yaa̱ ni xi sꞌe̱ ka̱ma nga kjo̱chó ni̱xtjin, kó bi̱ katsoó:

Xki̱ 24:14

Jè tsꞌénfí an, ta̱nga ngindiee̱ nga kjuín án, xiyaá ni xi xota̱ Israee̱l jaskan sa̱ꞌínjo̱ xota̱ na̱xi̱ńdá xí tse̱.

Matioo̱ 13:39

kó kondra̱ xi ítji̱e̱ kui xka̱a̱, kuí xí xindajín ndiabloo̱, ni xi kamáxchaá, kuí boá xi nga fetꞌaa̱ nga̱sondiee̱, kó já xí jaꞌáꞌyá kui ni xi kamáxchaá, kuí boá xi ndítsjiee̱ Néná.

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

Matioo̱ 21:38

Ta̱nga kui já xí ndyi̱tsꞌènxájin kui ngi̱ndiee̱, nga kamábe ndií ndi̱a̱a̱ kui ngi̱ndiee̱, bi̱ katsoó xkjín: «Kuí xi̱ꞌbi̱ xi tsi̱ꞌe̱ ka̱ma ngayeje kui ngi̱ndiee̱, ta̱sá si̱ꞌankꞌién, ki̱a̱ ka̱maa̱ nga tsa̱ñá ka̱ma ngayeje kui nii̱.»

Matioo̱ 26:63

Ta̱nga Kjisoo̱ jmí ni katsójín. Kósꞌe̱ chináꞌmi xi ꞌniú nkꞌa xaá, bi̱ katsoó: –Ngiboanéná xi tikoón, nga tꞌíyéjne̱ tsi ji xi Kristoo̱, ndií Néná.

Matioo̱ 28:18

Kó Kjisoo̱ kijíkóntiñaa̱, sꞌe̱ bi̱ katsoó: –Jè katseꞌéna xá nga kotixomáa̱ ngayeje ni xi tjín ndiꞌakꞌajmi jàn ko̱jo ni xi tjín tꞌanangii̱.

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

Markoo̱ 1:1

Bi̱ tsꞌén ꞌbítsi̱ya éntjatsi̱e̱ xi chji̱a̱ kjo̱a̱a̱ Jesukristoo̱, xi ndií Néná.

Markoo̱ 12:6

Kisꞌijñaa̱ ingo xi fetꞌa xi katsangiya: Ndí tsi̱ꞌe̱, kui xi achichí tjoó kó katsangiyaa̱ kui jaá, ngatꞌa̱ bi̱ katsó: “Kui jaá sku̱i̱e̱ndikón ndína.”

Markoo̱ 12:7

Ta̱nga kui já xí ndyi̱tsꞌènxájin kui ngi̱ndiee̱ ja̱kꞌi̱e̱ ja̱ngaján, bi̱ katsoó xkjín: “Kuí xi̱ꞌbi̱ xi tsi̱ꞌe̱ ka̱ma ngayeje kui ngi̱ndiee̱, ta̱sá si̱ꞌankꞌién, ki̱a̱ ka̱maa̱ nga tsa̱ñá ka̱ma ngayeje kui nii̱.”

Juaa̱ 1:10

Kui nga̱sondiee̱ kisꞌijña, kó kui nga̱sondiee̱ kamánda ngatꞌaa̱ kui, kó xotaa̱ kui nga̱sondiee̱, kamábejín tsi kui.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 1:3

Kuí ngatꞌaa̱ nga kamánda ngayeje ni xi tjiín, kó tsi kuijín xi bo̱a̱ katsꞌén, nde ngojín ni xi tjiín xi kamánda.

Juaa̱ 13:3

Kjisoo̱ ja̱bo̱a̱ jè be nga Na̱ꞌmii̱ katsjaá ngi̱ya tsja ngayeje nii̱, kó nga Néná jatjoni, ko̱jo nga ti̱ kuii̱ ko̱e̱je̱kon nginií,

Juaa̱ 13:32

Tsi ta̱ngatꞌanii̱ kui nga xcha̱ kjo̱a̱jee̱ Néná, ja̱ ti̱ Néná ko̱kó kjo̱a̱jee̱ kui, kó Néná tsá sa̱ꞌín kui nii̱.

Juaa̱ 15:15

Ngiti̱ moso̱jín xiánjnúꞌun, ngatꞌa̱ mosoo̱ bejín ni xi tsꞌén ndi̱a̱ xi tsi̱ꞌe̱, ta̱nga amingo̱ kixianjnúꞌun, ngatꞌa̱ ngayeje ni xi katsóyàna Na̱ꞌmina, jè kixiyajnúꞌun.

Juaa̱ 16:15

Ngayeje ni xi tjiín Na̱ꞌmina tsa̱ꞌa̱n boá, kuíni nga bo̱a̱ kixian an nga nina skjíbé, kó ka̱tso̱yàjnú.

Juaa̱ 17:2

xikótsꞌèn katseꞌéní xá nga án kotixomáa̱ xotaa̱, ko̱jo tsi̱ꞌe̱ nga an tsjàa̱ kjo̱a̱mindyion ngatsjéni̱xtjii̱n ngayeje xota̱ xi ji katseꞌée̱.

Juaa̱ 3:16

Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 3:25

Sꞌe̱ já xí xota̱ tsi̱ꞌe̱ Juaa̱ ko̱jo ngo nda̱ jundío̱ askjoyá kjo̱a̱a̱ xikótsꞌèn sa̱ꞌíntsjie yojoo̱ xotaa̱ ngindyi̱ko̱n Néná.

Juaa̱ 5:26

Ngatꞌa̱ Na̱ꞌmii̱ ta̱kó tikón, kó ti̱ bo̱a̱ ti̱ tsꞌén katsjaá kjo̱a̱nda ndií nga ta̱kó tikón.

Juaa̱ 5:27

Kó ti̱ katsjaá xá, tsi̱ꞌe̱ nga ka̱ma ka̱tso̱yà tsi nda ko̱jo tsi ndajín ndyi̱tsꞌèn xotaa̱, ngatꞌa̱ kuí boá xi ndií nda̱ xi̱ꞌii̱n.

Juaa̱ 9:29

Jè yàjne̱ ji̱n nga Néná tsíchji̱a̱jo Moisee̱, ta̱nga kjo̱a̱a̱ kuii̱ yàjínjne̱ ñá kjindibáni.

Ni xi kamá 10:36

Néná xí katsangiyaa̱ eén xota̱ Israee̱l nga katsóyà éntjatsi̱e̱e̱ kjo̱a̱xioó ngatꞌaa̱ Jesukristoo̱, nga kui xi Ndi̱a̱ xi tsa̱ñá.

Ni xi kamá 2:17

Bi̱ ka̱ma nga kju̱i̱e̱tꞌa ni̱xtjii̱n, tsó Néná, skjitjónjón an A̱si̱énni̱xtjinna ngayeje xota̱, ndí xíꞌínjnú ko̱jo ndí ínchjínjnú ku̱i̱chji̱a̱ xikoó chji̱ni̱e̱ꞌénna, jákjíndí xo̱ngòjnú kjín to̱ko̱ya ni ko̱ko̱ó, kó xota̱ xi xchaá ngi̱jin ńjñaá ko̱e̱ꞌéchinii̱.

Xota̱ Roma̱ 1:4

Ta̱nga nga jaꞌáꞌyaá Jesukristoo̱ ngi̱jii̱n xota̱ xi je jesoón, ta̱ngatꞌanií A̱si̱énni̱xtjii̱n Néná, kó akó nga ja̱koxi̱ nga kui xi ndií Néná xí tjiín ngaꞌniuú.

Xota̱ Roma̱ 8:17

Kó tsi ñá xí ndií Néná, ja̱ ti̱ sa̱kóná ni xi tsi̱ꞌe̱, kó nijan sa̱kóná kui nii̱ ko̱jo Kristoo̱, ta̱nga chjiéngá ku̱i̱tja̱tiójo̱ kjo̱a̱ni̱ma̱a̱ Kristoo̱, tsi̱ꞌe̱ nga nijan sa̱kóná kjo̱a̱jee̱ Néná.

1 Xota̱ Korinto̱ 2:7

Én xí ndyi̱ndokjo̱a̱jne̱ kjo̱a̱kjínkoón Néná xi jmíjín xi bee boá, kjo̱a̱kjínkón xi tjiꞌmaá, tsi̱ꞌe̱ nga ko̱jo ñá, ka̱ma kꞌuiéná kjo̱a̱je xi íjñanda Néná ndeskande ngindiee̱ nga katsꞌénda nga̱sondiee̱.

1 Xota̱ Korinto̱ 8:6

Ta̱nga ñá jè ya nga ta̱ ngo tsí má Néná xí tikón, xi Na̱ꞌmii̱, xi katsꞌénda ngayeje ni xi tjiín, kó kuí tsi̱ꞌe̱ ñá, kó ta̱ ngo tsí má Ndi̱a̱ná, kui xi Jesukristoo̱, kó ta̱ngatꞌanii̱ kui nga Néná katsꞌénda ngayeje nii̱, kó ta̱ngatꞌanii̱ Jesukristoo̱ nga tindyión ñá.

Xota̱ Ngalasia̱ 4:4

Ta̱nga nga jatjosón kui ni̱xtjii̱n, Néná katsangiya ndií, xi ngo xota̱chjo̱on katsennii̱, kó kui ndií kjo̱a̱kitii̱ tikónjin ndeskande koó nga katsen,

Xota̱ Éfeso̱ 1:10

Kjiꞌanga kjo̱chó ni̱xtjin xi íjñá, Néná sa̱ꞌíndo̱jo ni xi índa nga ku̱i̱ꞌítikó ngi̱jii̱n Kristoo̱ ngayeje ni xi tjín ndiꞌakꞌajmii̱, ko̱jo ni xi tjín tꞌanangii̱.

Xota̱ Éfeso̱ 3:9

Kó nga boko cha̱n cha̱a̱n ngayeje xotaa̱ kókjiꞌi ni xi índa, kui ni xi tjiꞌmaá ndeskande kui ni̱xtjin jàn kui Néná xí katsꞌénda ngayeje ni xi tjiín.

Ndeuteronomio̱ 18:15

»Kjo̱chó ni̱xtjin nga Néná kjo̱a̱ꞌájin ngo nda̱ ngi̱jii̱n jún xi ka̱ma chji̱ni̱e̱ꞌe̱én xikoó an. Kjiꞌanga kixindyión ki̱a̱ na̱xi̱ Oree̱b, jún bo̱a̱ kiꞌmíjnúꞌun nga kamámejénjínjnú ko̱nda̱ꞌyájnúu̱ nda̱a̱ Néná, ti̱nde kamámejénjínjnú nga xcha̱jnú kui ndiꞌí nínga tsíchji̱a̱ Néná, ngatꞌa̱ kamámejénjínjnú akayajnú. Ja̱ ndakjiꞌi, ja̱ Néná tsja̱ajnú ngo nda̱ chji̱ni̱e̱ꞌén xi je kichjiáꞌájnúu̱, kó ngayeje ni xi ka̱tso̱jnú chjiéngá ko̱nda̱ꞌyáꞌénjnúu̱.

Ndeuteronomio̱ 31:29

Jé be nda nda an, nga ngije kꞌien an, ngiti̱ ko̱nda̱ꞌyáꞌénjínjnúu̱ Néná, kó ngiti̱ kongintjíngíjínjnú kjo̱a̱bokoyá xi je katsjajnúꞌun. Kuíni nga jún achichí kjo̱a̱ni̱ma̱ ku̱i̱tja̱tiójnú, ngatꞌa̱ Néná kiniꞌánxtíjnúu̱».

Ndeuteronomio̱ 4:30

Tsi ngi̱jii̱n kjo̱a̱ni̱ma̱jnú ko̱jo nga je nda̱ kjimajnú, kó tsi ko̱nda̱ꞌyáꞌén nginíjnúu̱ Néná,

Xota̱ Ebreo̱ 1:5

Néná bi̱ katsoó ndií: Jí xí ndína ji, án xí Na̱ꞌmíi̱ an, ngotꞌe̱. Kó kui nii̱ jmí tsi ngo ndítsjie xi bo̱a̱ katsoó. Kó Néná ti̱ bi̱ ti̱ katsó kjo̱a̱a̱ ndií nga: Án xí Na̱ꞌmii̱ kui ka̱ma an, kó kuí xí ndína ka̱ma kui.

Xota̱ Ebreo̱ 1:8

Kó Néná nga chji̱a̱ kjo̱a̱a̱ ndií, bi̱ tsó: Ji Ne, ta̱ kjiꞌání nga ji xi ko̱ti̱xome, kixi̱ sa̱tíxoma ngi̱ndie nínga botíxome ji.

Xota̱ Ebreo̱ 11:3

Ta̱ngatꞌanii̱ kjo̱a̱sꞌijinná nga makjínná nga Néná katsꞌénda nga̱sondiee̱, nga katsꞌénkjién eén, kó kuíni nga ni xi ya ngotꞌe̱, ni xi yàjiín xí kamándani nga kisꞌijña.

Xota̱ Ebreo̱ 2:3

kótsꞌèn ka̱máná nga ku̱i̱yóo̱ kui kjo̱a̱botíjeé, tsi si̱ꞌansénjáa̱n kui kjo̱a̱ꞌnaxiéꞌá xi bo̱a̱ tsꞌén jee̱. Ngatꞌa̱ ti̱kuíní Ndi̱a̱ Kjisoo̱ xi tjón katsóyà kui én xí ꞌboxiéꞌáná, sꞌe̱ jaskan xota̱ xi tsintꞌieé akóná nga ja̱koxi̱ kui nii̱.

Xota̱ Ebreo̱ 3:6

ta̱nga Kristoo̱, nga kui xi ndií Néná, kixi̱ tsꞌén xaá nga botixómaá ndiꞌaa̱ Néná, kó kui ndiꞌaa̱ ñá boá, bo̱a̱ ka̱ma tsi ꞌniú sꞌi̱jinná ko̱jo tsi ka̱maꞌniátakón nga tsja ka̱máná nga xchiyàa̱ ni xi tsja̱aná Néná.

Xota̱ Ebreo̱ 4:14

Kuíni nga ꞌniú ku̱i̱ndyión nga kongíntji̱ngí kui kjo̱a̱sꞌijin xi timatji̱ngí, ngatꞌa̱ tikónna ngo chináꞌmi xi ꞌniú nkꞌa xaá xi jaꞌatjoón ndiꞌakꞌajmii̱, kó kuí boá xi Kjisoo̱, ndií Néná.

Xota̱ Ebreo̱ 5:8

Kó ndatsi ndií Néná kuí, tsie kjo̱a̱ni̱ma̱ jaꞌatio nga kamaá kandaꞌyáꞌén.

Xota̱ Ebreo̱ 7:28

Kjo̱a̱kitii̱ katsjáxaá chináꞌmi xi ꞌniú nkꞌa xaá xi niꞌin kamaá nga katsꞌénkjatjosón ni xi katsꞌénkjó Néná. Jaskan ngije katseꞌé kjo̱a̱kitii̱, Néná katsjá tsꞌoa nga tsja̱á ngo chináꞌmi xi ꞌniú nkꞌa xaá, kó kuí boá xi ndií, kui xi ngatsjéni̱xtjin kamá xi chjiéngá ka̱ma.

Xota̱ Ebreo̱ 7:3

Melkisendee̱k kisꞌiejiín na̱ꞌmi ko̱jo na̱an ko̱jo xota̱ xi xchá, ti̱nde katsenjín ti̱nde kꞌienjín, yàjín ñá kjindibáni, kó xá chináꞌmii̱ tikón ngatsjéni̱xtjin, xikoó kui xi tsi̱ꞌe̱ ndií Néná.

Xota̱ Ebreo̱ 9:26

Tsi bo̱a̱ kamá, Kristoo̱ achichíra̱ kjín ndi̱yà kꞌien, ndeskande koó nga kijítjatsꞌee̱n kui nga̱sondiee̱, ta̱nga ngotꞌe̱ ꞌne̱, ngije kjifetꞌaa̱ ni̱xtjii̱n, Kristoo̱ ta̱ ngo tsí ndi̱yà jeꞌe, nga ti̱ kuii̱ katsjá yojoo̱ nga kiniꞌánkꞌién tsi̱ꞌe̱ nga kjo̱a̱ꞌáxín jeé.

1 Xo̱jo̱o̱n Peé 1:20

Néná índa ndeskande koó ngindiee̱ nga kamánda nga̱sondiee̱ nga bo̱a̱ kjiꞌi ni xi ka̱maa̱, ta̱nga kui ni̱xtjin xi kjifetꞌaa̱ tjibóko ta̱ngatꞌanii̱ nganda tsa̱jún.

2 Xo̱jo̱o̱n Peé 3:3

Tjón kui nii̱ xi ꞌniú tjajintakónjnú, nga ni̱xtjin xi kju̱i̱e̱tꞌaa̱, kꞌuié xota̱ xi kꞌuíndo xikótsꞌèn mejeén ini̱ma̱a̱ nga kꞌuíndo, kó ko̱jno̱kie ni xi je akakoyájnú,

Xo̱jo̱o̱n Jundaa̱ 1:18

nga bi̱ katsó: “Nga kju̱i̱e̱tꞌa ni̱xtjii̱n, kꞌuié xota̱ xi ko̱jno̱kie ni xi tsi̱ꞌe̱ Néná, kó ki̱a̱ kꞌuíndojin ni xi ndajín xi mejeén sa̱ꞌín.”