Xo̱jo̱o̱n Sandiyaá 4:4 - Xo̱jo̱n eén Néná

⁴ ¡Jún xota̱ xi jmí tsi kixi̱ timatji̱ngijnú Néná! A yàjínjnú jún nga xota̱ xi ndyi̱tsꞌèntjó nii̱ kui nga̱sondiee̱, kondraa̱ Néná síndoni. Ta̱ꞌya xota̱ní xi mejeén nga amingoo̱ kui nga̱sondiee̱ ka̱ma, kondraa̱ Néná tjítsꞌén yojoo̱.

Xo̱jo̱o̱n Sandiyaá 4:4 ပူးပေါင်းရင်းမြစ်များ

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Xo̱jo̱n Salmoo̱ 21:8

Ndse̱ boá xi sa̱ꞌínkjié ngayeje kondra̱a̱, ndse̱ kixi̱ boá xi sa̱ꞌínkjié ngayeje xi chꞌoo̱ ji.

Xo̱jo̱n Salmoo̱ 50:18

Nga tsi ye ji ngo xota̱ xi chejé, miyí má ji nga ki̱a̱ ꞌmitji̱ngíi̱, ko̱jo nga xota̱ xi ndyi̱tsꞌèntꞌaa̱ kjo̱a̱ xkjín, ki̱a̱ niꞌínkamaje̱ ji.

Xo̱jo̱n Salmoo̱ 73:27

Ngatꞌa̱ kju̱i̱e̱ boá kui xota̱ xi sa̱ꞌínkjii̱n yojoo̱, jí boá xi si̱ꞌinkjie ji ngayeje xi kje̱ꞌe ne ko̱e̱je̱tji̱ngi, kó ku̱i̱ꞌíjñámasiee̱n ji.

Matioo̱ 12:39

Sꞌe̱ Kjisoo̱, bi̱ katsó: –Kui xota̱ xi ndajín ko̱jo xi ndyi̱tsꞌèntꞌaa̱ kjo̱a̱ Néná ndyi̱míꞌá ngo chi̱bo̱a̱, ta̱nga jmí chi̱bo̱a̱ ko̱e̱ꞌéjiín, ta̱kuítsí chi̱bo̱a̱a̱ nda̱ chji̱ni̱e̱ꞌe̱én Néná xi ꞌmí Jonaa̱.

Matioo̱ 16:4

Kui xota̱ xi ndajiín ko̱jo xi ndyi̱tsꞌèntꞌaa̱ kjo̱a̱ Néná ndyi̱míꞌá ngo chi̱bo̱a̱, ta̱nga jmí chi̱bo̱a̱ ko̱e̱ꞌéjiín, ta̱kuítsí chi̱bo̱a̱a̱ nda̱ chji̱ni̱e̱ꞌe̱én Néná xi ꞌmí Jonaa̱. Sꞌe̱ Kjisoo̱ índomasien kui jaá, kó kijí.

Matioo̱ 6:24

Nde ngojín xota̱ xi jó ndi̱a̱ sa̱ꞌínseén, ngatꞌa̱ ngo chꞌo ka̱maa̱, kó xi ingoo̱ tjó ka̱maa̱, ko̱jo tsi ngo ndasen ka̱maa̱, kó xi ingoo̱ ndasénjín ka̱maa̱. Ka̱májín mosoo̱ Néná, ko̱jo mosoo̱ kjo̱a̱cho̱o̱n ka̱majnú.

Rkaa̱ 19:27

Kó kui xota̱ xi kondra̱na xi kamámejénjiín nga re ka̱ma an, ndibájo̱jnúꞌun kꞌi̱e̱e̱, kó ngindyikón án ti̱chásénjnú nga si̱ꞌankꞌiénjnú.”

Juaa̱ 15:19

Tsi kui nga̱sondiee̱ ndokjo̱a̱nijnú, sa̱ꞌíntjójnú xotaa̱ kui nga̱sondiee̱, xikótsꞌèn tsꞌéntjó xota̱ tsi̱ꞌe̱, ta̱nga kuijín nga̱sondiee̱ ndokjo̱a̱nijnú, ngatꞌa̱ án xí jaꞌajinjnúꞌun ngi̱jii̱n xotaa̱ kui nga̱sondiee̱, kuíni nga xotaa̱ kui nga̱sondiee̱ tsꞌenchꞌójnú.

Juaa̱ 17:14

An jè katsjáa̱ ée̱n, kó xotaa̱ kui nga̱sondiee̱ katsꞌénchꞌó, ngatꞌa̱ jmí tsi kui nga̱sondiee̱ chji̱a̱ni, xikoó án, nga ti̱ jmí tsi kui nga̱sondiee̱ chjiá an.

Juaa̱ 7:7

Ka̱májiín xotaa̱ kui nga̱sondiee̱ sa̱ꞌínchꞌójnú jún, ta̱nga chꞌórií an, ngatꞌa̱ xiyàa̱ nga ndajín ndyi̱tsꞌèn.

Xota̱ Roma̱ 5:10

Ngatꞌa̱ tsi kjiꞌanga kondraa̱ Néná kamá ñá, akjandajo̱ Néná ta̱ngatꞌaa̱ nga kꞌien ndií, kó kuíni nga, nga nda yaꞌaná Néná, kuí xí kꞌo̱xiéꞌáná ngotꞌe̱ ꞌne̱ nga tikón ndií.

Xota̱ Roma̱ 8:7

Ngatꞌa̱ kjo̱a̱niꞌánkjoó xota̱ nga̱sondiee̱, kondraa̱ Néná tikón, ngatꞌa̱ mejénjiín ti̱nde ka̱májiín sa̱ꞌínkjatjosón kjo̱a̱kitii̱ Néná.

1 Xota̱ Korinto̱ 1:20

Mí chjínií nda̱ kjínkoón kui nga̱sondiee̱. Mí chjínií nda̱ chji̱ni̱e̱kjo̱a̱kitii̱ kui nga̱sondiee̱. Mí chjínií nda̱ xi maa̱ fotí kjo̱a̱a̱ ngayeje nii̱ kui nga̱sondiee̱. Ngatꞌa̱ Néná boá xi katsꞌéntsobéjii̱n kjo̱a̱kjínkoón xotaa̱ kui nga̱sondiee̱.

1 Xota̱ Korinto̱ 1:21

Ngatꞌa̱ ngi̱jin kjo̱a̱kjínkoón Néná índa, nga jmí tsi kjo̱a̱kjínkoón xota̱ nga̱sondiee̱ xi sku̱i̱e̱ni Néná, ta̱sá Néná tsja kamaá nga tsꞌaxiéꞌá xota̱ xi sꞌijii̱n kui ni xi kjo̱a̱tsobé kjimaa̱ xotaa̱ kui nga̱sondiee̱.

Xota̱ Ngalasia̱ 1:10

Ngatꞌa̱, a kjo̱a̱ndaa̱ xotaa̱ xí tsꞌénmongase an, axa̱ kjo̱a̱ndaa̱ Néná boá. Axa̱ xotaa̱ xí tsꞌéntsjàa̱ kjo̱a̱tsja. Ngatꞌa̱ tsi mejénna nga xotaa̱ xi tsja ka̱maa̱ ni xi sa̱ꞌin an, ja̱ ngiti̱ mosoo̱ Kristoo̱jín ka̱ma an tsobo̱a̱.

Xo̱jo̱o̱n Sandiyaá 1:27

Kjo̱a̱yandikoón Néná xi tsjie ko̱jo xi jmíjiín ni xi ndándí ngindyi̱ko̱n Néná xí Na̱ꞌmii̱, kuí boá xi̱ꞌbi̱: Nga ko̱si̱ko̱jó kjiꞌanga kjo̱a̱ꞌatio kjo̱a̱ni̱ma̱ xota̱ xi xꞌi̱a̱a̱n, ko̱jo ínchjín kꞌán xi je kꞌien xi̱ꞌii̱n, ko̱jo nga ki̱a̱jín nijan si̱ꞌandándí yojoná kjo̱a̱a̱ ni xi ndajín xi tjiín kui nga̱sondiee̱.