Xo̱jo̱o̱n Sandiyaá 4:2 - Xo̱jo̱n eén Néná

² Jún mejénjnú ngo ni, kó sakójínjnú, niꞌánkꞌiénjnú xingi̱jnú, kó ma ontakonjnú, kó nga sakójínjnú, bixkánjnú, kó niꞌánjnú kjo̱a̱xchán. Ta̱nga sa̱kójínjnú ni xi mejénjnú ngatꞌa̱ jmí tsi Néná xi ndyi̱chjiáꞌájnúu̱.

Xo̱jo̱o̱n Sandiyaá 4:2 ပူးပေါင်းရင်းမြစ်များ

Énkjínkón 1:19

Nga fetꞌani, bo̱a̱ kjiꞌi ni xi maa̱ xota̱ xi xki̱ꞌáto̱o̱n, kui xi ta̱ngatꞌanii̱ kui nii̱ nga fesón.

Eklesiastee̱ 4:8

Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Juaa̱ 16:24

Ngaskande ngotꞌe̱, kji̱e̱ ngo ni xi ngajona chjiáꞌájnú, chji̱a̱ꞌajnú, kó ko̱e̱ꞌéjnú, tsi̱ꞌe̱ nga ka̱mando̱jo kjo̱a̱tsjajnú.

Juaa̱ 4:10

Sꞌe̱ Kjisoo̱, bi̱ katsó: –Tsi yera ji kjo̱a̱ndaa̱ Néná, ko̱jo tsi yera ji ꞌyání xi bi̱ tjítsoó: “Chií ndáfoa te̱ꞌéní”, jira̱ xi chji̱e̱ꞌèe̱, kó kuí xí tsja̱á ndáfoa xi tsjaá kjo̱a̱mindyion xotaa̱.

Xo̱jo̱o̱n Sandiyaá 1:5

Kó tsi tjín jún xi chajaa̱ kjo̱a̱kjínkón, ngatíꞌaá Néná, kó Néná tsja̱á, ngatꞌa̱ Néná tsjaá ngayeje xotaa̱ tsie ni xi machjieén, kó jmíjín xi tsꞌenchꞌó nga tsjaá.

Xo̱jo̱o̱n Sandiyaá 5:6

Jún jè akjangitaꞌinjnú jé xota̱ xi kixi̱ xi jmí jéjiín, kó bo̱a̱ tsꞌén kiniꞌánkjiesónjnú kui xotaa̱ xi nde kamájiín tsꞌaxiéꞌá yojoo̱ nga bo̱a̱ kamátaꞌin.

1 Xo̱jo̱o̱n Juaa̱ 3:15

Ngayeje xota̱ xi chꞌoo̱ xota̱ xi ngasee̱, xota̱ xi tsꞌenkꞌién ini̱ma̱ boá xi̱ꞌba̱, kó jún jè yàjnú nga nde ngojín xota̱ xi tsꞌenkꞌién ini̱ma̱ xi kꞌuieé kjo̱a̱mindyion ngatsjéni̱xtjii̱n Néná.