Xo̱jo̱o̱n Sandiyaá 3:2 - Xo̱jo̱n eén Néná

² Ngayeje ñá niꞌán ni xi bo̱a̱jín kjiꞌi, ta̱nga tsi ngo nda̱ xi chiíjín ku̱i̱chji̱a̱ ngo én xí ndajínkjiꞌi, kuí boá xi̱ꞌba̱ xi je kamá xi chjiéngá ka̱ma, kó ka̱maa̱ nga nda ku̱i̱ꞌíꞌniuú nga kjo̱jo ngayeje yojoo̱.

Xo̱jo̱o̱n Sandiyaá 3:2 ပူးပေါင်းရင်းမြစ်များ

Joo̱b 15:13

Ánní nga Néná tiniꞌínxchínje̱ kon ji, kósꞌe̱ ta̱xkiya tindokjo̱e̱ ji.

Xo̱jo̱n Salmoo̱ 34:13

Ngata̱ boeꞌéndièjíi̱n najen nga ni xi ndajiín ku̱i̱chji̱a̱, ko̱jo ngata̱ boeꞌéndièjíi̱n ndso̱ꞌbe nga éndísó ku̱i̱chji̱a̱.

Xo̱jo̱n Salmoo̱ 39:1

An bi̱ kixian an: Skóo̱n ni xi sa̱ꞌin an, tsi̱ꞌe̱ nga sa̱ꞌinjéjín an najén án, kokjo an ndso̱ꞌba án tji̱e̱nga xota̱ xi ꞌniú ndajiín ki̱a̱ síndo ngindyikón án.

Énkjínkón 10:19

Xota̱ xi tsie chji̱a̱a̱, tsꞌénjé boá, ta̱nga xi bóxioó tsꞌoa, xota̱ kjínkón boá.

Énkjínkón 13:3

Xota̱ xi koo̱n ni xi chji̱a̱, ti̱kuíní yojoo̱ xi tsꞌénkoón, ta̱nga kui xi ta̱xkiya chji̱a̱a̱, ti̱kuíní yojoo̱ xi sa̱ꞌínchaja.

Énkjínkón 20:9

Nde ngojín xota̱ xi ka̱ma bo̱a̱ ka̱tso̱ nga je katsꞌéntsjie ini̱ma̱a̱ ko̱jo nga jmíjéjiín.

Énkjínkón 21:23

Xota̱ xi koo̱n tsꞌoa ko̱jo na̱je̱n, jmíni̱xtjin kꞌuieé kjo̱a̱xti.

Eklesiastee̱ 7:20

Ta̱nga nga ja̱koxi̱, jmíjín kui nga̱sondiee̱ ngo xota̱ xi kixi̱, xi sa̱ꞌín ni xi ndaa̱, ko̱jo xi jmíni̱xtjin sa̱ꞌínjé.

Lebitiko̱ 13:39

ta̱xkiya chiꞌin tsí bo̱a̱ xi̱ꞌba̱ xi katsoboaá tji̱xin yojoo̱, kó chjiéngá kꞌuiyá nga tsjie kui xotaa̱.

Matioo̱ 12:34

¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa.

Matioo̱ 12:37

Ngatꞌa̱ kjo̱a̱a̱ én xí kandokjo̱e̱ boá nga ka̱makixi̱ni ji, kó ta̱ngatꞌanii̱ ée̱n nga ka̱majeé.

Xota̱ Roma̱ 3:10

Xikó tsꞌén kjitꞌa xo̱jo̱n eén Néná: Nde ngojín xota̱ xi kixi̱ ngindyi̱ko̱n Néná.

Xota̱ Roma̱ 7:21

Kó kuíni nga, nga ndatsi mejénna ni xi nda sa̱ꞌin an, kꞌi̱e̱ be an kui kjo̱a̱kitii̱, nga ni xi ndajiín an tikónjinna.

1 Xota̱ Korinto̱ 9:27

ta̱sá tsꞌéntsjàa̱ kjo̱a̱ni̱ma̱ yojona, kó tsꞌèe̱n kjo̱a̱ꞌniú tsi̱ꞌe̱ nga sa̱ꞌínkjatjosón ni xi mejénna nga sa̱ꞌín, ngatꞌa̱ tsi ta̱ xcha̱ja an ngije ja̱bo̱a̱ je ini̱jmìi̱ xota̱ xi ngasee̱.

Xota̱ Ngalasia̱ 3:22

Ta̱nga xo̱jo̱n eén Néná tsó, nga ngayeje xotaa̱ ngi̱yaa̱ jeé síndoyáꞌniú, tsi̱ꞌe̱ nga kui xi sꞌijii̱n Jesukristoo̱, Néná tsja̱á ni xi katsóyàtjón nga tsja̱á xi sꞌijii̱n kui.

Xota̱ Ngalasia̱ 5:17

Ngatꞌa̱ ni xi mejeén yojojnú kondra̱ tikónnii̱ ni xi mejeén A̱si̱énni̱xtjii̱n Néná, kó ni xi mejeén A̱si̱énni̱xtjii̱n Néná kondra̱ tikónnii̱ ni xi mejeén yojojnú, kó nga jó kui nii̱ satíkjo, kuí nii̱ xi tsjandièjín nga chje̱ꞌéjin ni xi ndaa̱ ndatsi mejénná si̱ꞌán.

Xota̱ Kolosa̱ 1:28

Kristo̱ xi̱ꞌbi̱ xi ndyi̱ꞌbíni̱jmìjne̱, kó ndyi̱botíxomajne̱ ngayeje xotaa̱, kó ndyi̱bokoyájne̱ nga ndyi̱niꞌánkjiénjne̱ ngayeje kjo̱a̱kjínkón xi tsja̱ajne̱ Néná, tsi̱ꞌe̱ nga kui xotaa̱ xi ka̱ma xikoó xota̱ xi sꞌijii̱n Kristoo̱ xikótsꞌèn mejeén Néná.

Xota̱ Kolosa̱ 4:12

Tinde xò bo̱a̱ tsó nda̱ xi ꞌmí Epafraa̱, xi nda̱ nangijnú ma, xi ti̱ mosoo̱ Kristoo̱ nga, kui nda̱a̱ ngatsjéni̱xtjin nga ngayeje ini̱ma̱a̱ nga tsꞌénmíꞌatjéjnú jún nga chji̱a̱a̱ Néná, tsi̱ꞌe̱ nga ꞌniú ku̱i̱ndyiajnú nga ka̱mando̱jo kjin kjinjnú nga si̱ꞌánjnú ngayeje ni xi mejeén Néná.

Xota̱ Ebreo̱ 13:21

míꞌáa̱ kui Néná xi tsjáná kjo̱a̱xioó nga kui xi sa̱ꞌín nga xota̱ xi nda ka̱majnú, ko̱jo nga si̱ꞌánjnú ni xi mejeén kui nga ka̱ma, kó nga ngatꞌaa̱ Jesukristoo̱ nga ko̱síko̱jójnú nga ni xi tsja maa̱ ngindyi̱ko̱n kui xi si̱ꞌánjnú. ¡Ngatꞌieé kjo̱a̱je Jesukristoo̱ ngatsjéni̱xtjin! Bo̱a̱ kjiꞌi.

Xo̱jo̱o̱n Sandiyaá 1:26

Tsi tjín xí sꞌijii̱n nga ꞌniú bendikón Néná, ta̱nga tsi májiín ꞌbíꞌniuú na̱je̱n nga chji̱a̱, ti̱kuíní xi tsꞌénꞌboṉcha̱jo ini̱ma̱a̱, kó kjo̱a̱a̱ nga ꞌniú bendikón Néná tjítsoó yojoo̱, nde jmí ni chjíjiín kui nii̱.

Xo̱jo̱o̱n Sandiyaá 1:4

Kó bo̱a̱ tsꞌén kjiꞌanga ndyi̱niꞌánchíkjo̱a̱jnú, ndyi̱boeꞌéndièjnúu̱ kui kjo̱a̱chiyákjo̱a̱a̱ nga sa̱ꞌín ndo̱jò xaá ngi̱jin ini̱ma̱jnú, tsi̱ꞌe̱ nga ka̱majnú jún xi chjiéngá ka̱majnú, kó nga ka̱ma xcha̱ nda ndajnú ngi̱yaa̱ kjo̱a̱sꞌijii̱n Néná, kó nga ngojín ni xcha̱jàjnú.

Xo̱jo̱o̱n Sandiyaá 2:10

Ngatꞌa̱ ta̱ꞌya xota̱ní xi tsꞌénkjátjosón ngayeje kjo̱a̱kitii̱, ta̱nga tsi tjítsꞌénkjátjosónjín ngo ndiè chií kui kjo̱a̱kitii̱, sa̱kójérií kjo̱a̱a̱ ngayeje ni xi tjítꞌa kui kjo̱a̱kitii̱.

1 Xo̱jo̱o̱n Peé 3:10

Ngatꞌa̱ bi̱ tsó xo̱jo̱n eén Néná: Xi mejeén tjó sa̱ꞌín kjo̱a̱mindyioo̱n, kó mejeén sku̱i̱e̱ ni̱xtjin xi nda, nga koo̱n na̱je̱n, nga chꞌójín tsꞌén ku̱i̱chji̱a̱, kó nga koo̱n tsꞌoa nga jmí éndísó ku̱i̱chji̱a̱jín.

1 Xo̱jo̱o̱n Peé 5:10

Kó ngije ikitjatiójnú chií kjo̱a̱ni̱ma̱ chiboa ni̱xtjin, kui Néná xí tsi̱ꞌe̱ ngayeje kjo̱a̱ndaa̱, kui xi Jesukristoo̱ katsꞌénkjién nga tsíchji̱a̱ná, tsi̱ꞌe̱ nga sa̱kóná kjo̱a̱je xi fejiín, kui nga tsꞌén xi chjiéngá ka̱majnú, nga tsjangaꞌniújnú, ꞌniú ngatꞌijñájnú, ko̱jo nga tsjandièjín nga jó nga ján kꞌuijñaá ini̱ma̱jnú.