Xo̱jo̱o̱n Jundaa̱ 1:7 - Xo̱jo̱n eén Néná

⁷ Xikó katsꞌén kui ndítsjiee̱, ti̱ bo̱a̱ ti̱ katsꞌén xota̱ na̱xi̱ńdáꞌniú Sondoma̱ ko̱jo Ngomorra̱, ko̱jo kui xota̱ na̱xi̱ńdá xí síndotꞌaa̱ kui ngi̱ndiee̱, nga ta̱xkiya katsꞌéntsjajo̱ yojo ndikoón, nga kondra̱ kijínii̱ ni xi íjñá Néná, kuíni nga jaꞌatio kjo̱a̱ni̱ma̱ nga kamájénií ngi̱jii̱n ndiꞌí xi jmíni̱xtjin kꞌo̱o̱. Bo̱a̱ kamá, tsi̱ꞌe̱ nga kui nii̱ xi chi̱bo̱a̱ kamáná ñá.

Xo̱jo̱o̱n Jundaa̱ 1:7 ပူးပေါင်းရင်းမြစ်များ

Jenesii̱s 13:13

Ta̱nga xota̱ xi chji̱a̱ni na̱xi̱ńdáꞌniú Sondoma̱ achichí nga ndajín kamá, kó achichí jé katsꞌén kondra̱a̱ Néná.

Jenesii̱s 18:20

Kósꞌe̱ Néná bi̱ katsoó Abraa̱n: —Achichí ni xi ndajínkjiꞌi xi je tjíꞌmí kjo̱a̱a̱ xota̱ na̱xi̱ńdáꞌniú Sondoma̱ ko̱jo Ngomorra̱, kó jeé jè ꞌniú kjima je ngase,

Jenesii̱s 19:5

Kó kui jaá ꞌniú askjandáyaá Loo̱t nga bi̱ katsoó: «Loo̱t ñá síndo kui jáxíꞌín xi jeꞌekoón kui ni̱xtji̱e̱e̱n. ¡ꞌNa̱xié ji! ¡Ngatꞌa̱ mejénjne̱ nga kui tsjayójojojne̱!»

Kjo̱a̱chaꞌaá 4:6

Ngatꞌa̱ kamátsié ngase ni xi ndajiín ki̱a̱ na̱xi̱ńdáꞌniú Jerusalee̱n, ta̱bo̱a̱jiín jé xí katsꞌén xotaa̱ ki̱a̱ na̱xi̱ńdáꞌniú Sondoma̱, kui ngi̱ndiee̱ ta̱niján má kiniꞌánkjié, kó jmí tsi xota̱ nga̱sondiee̱ xi bo̱a̱ katsꞌén.

Matioo̱ 10:15

Kó ja̱koxi̱ ni xi xiánjnúꞌun nga kui na̱xi̱ńdaá ni̱xtjin nga ka̱majeé xotaa̱, jé xí sa̱ko̱ó ta̱nisién tsie ngase ta̱bo̱a̱jiín jé xí sa̱ko̱ó na̱xi̱ńdáꞌniú Sondoma̱ ko̱jo na̱xi̱ńdáꞌniú Ngomorra̱.

Matioo̱ 11:24

Ta̱nga xiyàjnúꞌun nga kjiꞌanga kjo̱chó ni̱xtjin nga ka̱majé, tsie ngase jé sa̱kójnú jún, ta̱bo̱a̱jiín xota̱ na̱xi̱ńdáꞌniú Sondoma̱.

Matioo̱ 25:41

Kósꞌe̱ bi̱ ka̱tso̱o̱ xota̱ xi síndo nga skoón: «Ti̱xiónboaꞌájnúꞌun jún xota̱ xi ndajín, tangínjnú nínga tikón ndiꞌí xí jmíni̱xtjin kꞌo̱ xi je tikónnda xi tsi̱ꞌe̱ xindajín ndiabloo̱ ko̱jo ndítsjiee̱.

Rkaa̱ 17:29

ta̱nga ni̱xtjin nga jatjo Loo̱t na̱xi̱ńdáꞌniú Sondoma̱, ixó ndiꞌí ko̱jo asufre̱ ndiꞌakꞌajmii̱, kó katsꞌénkjié ngayeje xotaa̱.

1 Xota̱ Korinto̱ 6:9

A yàjínjnú nga xota̱ xi kixi̱jín síndo ngindyi̱ko̱n Néná, sa̱kójiín nga Néná xí ko̱tíxomaa̱. Ngata̱ chꞌíṉcha̱jojínjnú yojojnú, sa̱kójiín nga Néná xí ko̱tíxomaa̱, xota̱ xi tondo̱, xota̱ xi ndyi̱tsꞌéndíkón a̱sie̱én ngo ne xi tsꞌénda xotaa̱, xota̱ xi ndyi̱tsꞌèntꞌaa̱ kjo̱a̱ xkjín, já xí xonda, ko̱jo jáxíꞌín xi xi̱ꞌin xkjín foyojojo̱,

Ndeuteronomio̱ 29:23

Kjiꞌanga skotsíjee̱n tꞌananginá, ta̱ ndso̱ko̱a̱n asufree̱ tsí, ko̱jo na̱xa̱ ko̱jo tꞌanangi kití xi sku̱i̱e̱. Ngiti̱ ka̱májín ni kꞌuítji̱e̱ tꞌananginá, ngatꞌa̱ ngiti̱ jmí ni tsja̱ajín tꞌanangii̱, nde kꞌijñá tsja̱ajín. Xikó maá tsi ndyi̱yà nga katsꞌénxchán Néná nga katsꞌénkjié na̱xi̱ńdáꞌniú Sondoma̱, ko̱jo Ngomorra̱, ko̱jo Andmaa̱, ko̱jo Seboii̱n.

2 Xota̱ Tesalónika̱ 1:7

Kó jún xi ndyi̱bitjatiójnú kjo̱a̱ni̱ma̱ tsja̱ajnú ngo kjo̱a̱niꞌánkjaꞌyá xikoó ji̱n. Kui nii̱ ka̱ma kjiꞌanga Ndi̱a̱ná Kjisoo̱ kjo̱e̱ꞌekákó yojoo̱ nga kji̱ndi̱bájo̱ni ndiꞌakꞌajmi jàn ndítsjiee̱ xi tjiín ngaꞌniú.

2 Xota̱ Tesalónika̱ 1:8

Ngi̱jii̱n ndiꞌí kji̱ndi̱báni, tsi̱ꞌe̱ nga sa̱ꞌínjeé ngayeje xota̱ xi kamábejín Néná, ti̱nde tsintꞌiéꞌénjiín éntjatsi̱e̱e̱ Ndi̱a̱ná Jesukristoo̱.

2 Xo̱jo̱o̱n Peé 2:2

Achichí ka̱ma xota̱ xi ko̱e̱je̱tji̱ngii̱ ni xi ndajín xi tsjá kjo̱a̱soboá xi katsꞌén kui jaá, kó kuí nii̱ xi sa̱ꞌín nga chꞌo tsꞌén ko̱ndókjo̱a̱ kjo̱a̱a̱ ndi̱yà xí ja̱koxi̱i̱.

2 Xo̱jo̱o̱n Peé 2:6

Néná ti̱ katsꞌénjeé nga katsꞌénkjié na̱xi̱ńdáꞌniú Sondoma̱ ko̱jo Ngomorra̱, kó ítí ngaskande nga ndiso kamá, tsi̱ꞌe̱ nga kui nii̱ xi chi̱bo̱a̱ kamaá xota̱ xi bendikónjín Néná.

2 Xo̱jo̱o̱n Peé 3:7

Ta̱nga kui ndiꞌakꞌajmi ko̱jo tꞌanangi xi síndo ngotꞌe̱, ta̱ngatꞌanii̱ kui eén Néná nga, nga je síndondani tsi̱ꞌe̱ nga ndiꞌí sa̱ꞌínkjié nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱, kó kjiꞌá boá nga kju̱i̱e̱ xota̱ xi bendikónjín Néná nga.