Xo̱jo̱o̱n Jundaa̱ 1:24 - Xo̱jo̱n eén Néná

²⁴ Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,

Xo̱jo̱o̱n Jundaa̱ 1:24 ပူးပေါင်းရင်းမြစ်များ

Xo̱jo̱n Salmoo̱ 21:6

Ngatsjéni̱xtjin nga niꞌínchikonñí ji, kó sꞌikitsie maá kjo̱a̱tsja, nga ki̱a̱ tindyinjìi̱n.

Xo̱jo̱n Salmoo̱ 43:4

Kósꞌe̱ kꞌosꞌi̱e̱n an nínga tikón ṉchaa̱n Néná, kui Néná xí kjo̱a̱tsjana, ko̱jo kjo̱a̱mojnóna, kó ki̱a̱ sa̱ꞌintsjaá nga sa̱ꞌinkjièn án soó arpaa̱, ngatꞌa̱ jí boá xi Néna ji, Ne tsa̱ꞌa̱n.

Lebitiko̱ 14:11

Chináꞌmii̱ boá xi kjo̱jo kui xotaa̱ ko̱jo kjo̱a̱tjó xi sa̱ꞌínkꞌasꞌien, kó ki̱a̱ ku̱i̱ꞌíndo nínga bitjasꞌi̱e̱nnii̱ ndiꞌandikoón.

Matioo̱ 16:27

Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Matioo̱ 19:28

Kó Kjisoo̱, bi̱ katsó: –Ja̱koxi̱ ni xi xiánjnúꞌun nga, nga kjo̱chó ni̱xtjin nga ngayeje nii̱ ka̱matja̱tsi̱e̱ya, kjiꞌanga ndií nda̱ xi̱ꞌii̱n ko̱tíxoma nínga tikón kjo̱a̱jee̱, jún xi timatji̱ngijnúꞌun, ki̱a̱ ku̱i̱ndyionsónjnú nga tiejó yáxíríe̱ nínga botíxomaa̱, tsi̱ꞌe̱ nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Matioo̱ 25:31

Kjiꞌanga ndií nda̱ xi̱ꞌii̱n kjo̱e̱ꞌéjo̱ kjo̱a̱jee̱ ko̱jo ngayeje ndítsjiee̱, kjiꞌá boá nga ko̱tíxoma nínga tikón kjo̱a̱jee̱,

Matioo̱ 5:12

Tsja ngatamajnú ko̱jo tsjangatꞌiéjnú, ngatꞌa̱ ta̱nisién je ni xi sa̱kójnú ndiꞌakꞌajmi jàn, ngatꞌa̱ ti̱ bo̱a̱ ti̱ tsꞌén ikiyotji̱ngii̱ já chji̱ni̱e̱ꞌe̱én Néná xi tjón kisꞌińdo ngindiee̱ nga ku̱i̱ndyionjnú jún.

Rkaa̱ 9:26

Ngatꞌa̱ ngayeje xota̱ xi soboá ka̱maa̱ kjo̱a̱a̱ an ko̱jo kjo̱a̱a̱ énna, ti̱ bo̱a̱ ti̱ tsꞌén ndií nda̱ xi̱ꞌii̱n, soboá ka̱maa̱ kjo̱a̱a̱ kui, kjiꞌanga kjo̱e̱ꞌéjo̱ kjo̱a̱je tsi̱ꞌe̱, ko̱jo kjo̱a̱jee̱ Na̱ꞌmii̱, ko̱jo tsi̱ꞌe̱ ndítsjiee̱.

Xota̱ Roma̱ 14:4

Kó ꞌyání jí nga titsitsijinkóo̱n tsi nda ko̱jo tsi ndajín ndyi̱tsꞌèn mosoo̱ kje̱ꞌe xota̱. Tsi tajá tikón ko̱jo tsi kꞌo̱ka nga tjítsꞌén xaá kui mosoo̱, ndi̱a̱a̱ xí be tsi nda ko̱jo tsi ndajín katsꞌén, ta̱nga tajá kꞌuijñá kui mosoo̱, ngatꞌa̱ Ndi̱a̱ná tjínrií ngaꞌniú nga ka̱maa̱ ko̱síko̱jo.

Xota̱ Roma̱ 8:31

Mí ni xi kꞌuín kjo̱a̱a̱ kui nii̱. Tsi Néná tikónjo̱ná, ꞌyá xi ka̱maa̱ kondra̱ná kꞌuijñá.

2 Xota̱ Korinto̱ 11:2

Ngatꞌa̱ kui kjo̱a̱chi̱ni̱ xi tjínna kjo̱a̱a̱ jún, Néná xí katsangiya. Ngatꞌa̱ an jè xikoó tsi katsjáa̱ jún, nga ta̱ ngo tsí xi̱ꞌin xi ku̱i̱xanjo̱jnú, kó kui xi̱ꞌii̱n kuí xí Kristoo̱. Mejénna nga xikoó ngo tsa̱kjìn xo̱ngò xí kji̱e̱ jmí xi̱ꞌin ꞌbéjiín, nga bo̱a̱ tsꞌén sa̱ꞌinkꞌasꞌienjnúꞌun.

2 Xota̱ Korinto̱ 4:14

Ngatꞌa̱ jè ya ñá nga Néná boá xi katsꞌénkjaꞌáꞌyaá Ndi̱a̱ná Kjisoo̱, kó ti̱ bo̱a̱ ti̱ tsꞌén sa̱ꞌínkjaꞌáꞌyáná ñá nga, kó nijan kjo̱joná ngindyi̱ko̱n kui.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

Xota̱ Éfeso̱ 3:20

Nganiꞌántsjaá Néná kui xi achichí ngaꞌniú tjiín tsi̱ꞌe̱ nga tsꞌatio ngase ni xi sa̱ꞌín xi chji̱a̱ꞌáa̱ ko̱jo ni xi makjínná, xikó kjiꞌi kui ngaꞌniuú xí tsꞌénxájinná.

Xota̱ Éfeso̱ 5:27

tsi̱ꞌe̱ nga xota̱ na̱ngo̱xi̱i̱ kꞌuieé kjo̱a̱je nga kjo̱chó ngindyi̱ko̱n Kristoo̱, kó nga kꞌuiéjiín ni xi ndándí, ko̱jo ni xi chꞌo tsꞌén xcha̱, ngatꞌa̱ Kristoo̱ mejeén nga tsjie ko̱jo nga ndo̱jò kjin kjin ka̱ma xota̱ na̱ngo̱xi̱i̱.

Xota̱ Kolosa̱ 1:22

ta̱nga ngotꞌe̱ ꞌne̱, Néná boá xi katsꞌén nga kjoéꞌe̱chon nginíjnúu̱, ta̱ngatꞌanii̱ nga Kristoo̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga ka̱ma ku̱i̱ndyiajnú ngindyi̱ko̱n Néná, xikoó xota̱ xi tsjie, xi jmíjiín ni xi ndándí, ko̱jo nga jmíjín xi ka̱maa̱ chꞌo tsꞌén ku̱i̱chji̱a̱taꞌin.

Xota̱ Kolosa̱ 1:28

Kristo̱ xi̱ꞌbi̱ xi ndyi̱ꞌbíni̱jmìjne̱, kó ndyi̱botíxomajne̱ ngayeje xotaa̱, kó ndyi̱bokoyájne̱ nga ndyi̱niꞌánkjiénjne̱ ngayeje kjo̱a̱kjínkón xi tsja̱ajne̱ Néná, tsi̱ꞌe̱ nga kui xotaa̱ xi ka̱ma xikoó xota̱ xi sꞌijii̱n Kristoo̱ xikótsꞌèn mejeén Néná.

Xota̱ Kolosa̱ 3:4

Kó ni̱xtjin nga ko̱kó yojoo̱ Kristoo̱ kui xi kjo̱a̱mindyionjnú, kjiꞌá boá nga ko̱jo jún ka̱matsijenjnú nga xcha̱ kjo̱a̱jee̱ kui.

2 Timoo̱ 4:18

Kó Ndi̱a̱ná kꞌo̱xiéꞌána kjo̱a̱a̱ ngayeje ni xi ndajiín, kó kꞌo̱xiéꞌána tsi̱ꞌe̱ nga kui ko̱tíxomana ki̱a̱ ndiꞌakꞌajmii̱. Kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

Xo̱jo̱o̱n Sandiyaá 2:10

Ngatꞌa̱ ta̱ꞌya xota̱ní xi tsꞌénkjátjosón ngayeje kjo̱a̱kitii̱, ta̱nga tsi tjítsꞌénkjátjosónjín ngo ndiè chií kui kjo̱a̱kitii̱, sa̱kójérií kjo̱a̱a̱ ngayeje ni xi tjítꞌa kui kjo̱a̱kitii̱.

1 Xo̱jo̱o̱n Peé 4:13

Ta̱sá tsja ngatamajnú nga ko̱jo jún ku̱i̱tja̱tiójnú kui kjo̱a̱ni̱ma̱ xi xikoó xi jaꞌatio Kristoo̱, tsi̱ꞌe̱ nga tsja ka̱majnú kjiꞌanga kji̱ndi̱bá nginí Kristoo̱ nga ko̱kó kjo̱a̱jee̱.

2 Xo̱jo̱o̱n Peé 1:10

Kuíni ntsꞌie, nga Néná je tsíchji̱a̱jnú ko̱jo nga je jaꞌájinjnú, chónjnú nga kui nii̱ ꞌniú kꞌuíjinjnú, ngatꞌa̱ tsi bo̱a̱ si̱ꞌánjnú jmíni̱xtjin kꞌo̱kajnú ngindie jàn.

Xo̱jo̱o̱n Jundaa̱ 1:21

Ti̱ndyiajinjnú kjo̱a̱tjoó Néná, kó chiyájnúu̱ ni̱xtjin nga Ndi̱a̱ná Jesukristoo̱ kꞌuieé kjo̱a̱ni̱ma̱takón nga tsja̱aná kjo̱a̱mindyion ngatsjéni̱xtjii̱n.

Ni xi akakoo̱ 14:5

kó nde ngo kjo̱a̱ndiso tsíchji̱a̱jín tsꞌoa, ngatꞌa̱ ta̱nisién tsjie síndo ngindyi̱ko̱n xi botixómaá.