Xo̱jo̱o̱n Jundaa̱ 1:23 - Xo̱jo̱n eén Néná

²³ ꞌNa̱xiéꞌájnú kje̱ꞌe xota̱ nga ko̱ꞌna̱xiéjinjnú ngi̱jin ndiꞌií, kó ti̱ kje̱ꞌe xota̱ xi ni̱ma̱ ngatamajnú, ta̱nga chónjnú yojojnú nga bo̱a̱ si̱ꞌánjnú, tsi̱ꞌe̱ nga ko̱jo júnjín sa̱ꞌínkjatsónjnú ni xi ndajín xi katsꞌén kui xotaa̱.

Xo̱jo̱o̱n Jundaa̱ 1:23 ပူးပေါင်းရင်းမြစ်များ

Énkjínkón 7:8

Jachó nijon ndi̱yàtieé, kó jaꞌaxtikjá, sꞌe̱ inda inda kijí ndiꞌaa̱ kui naa̱.

Kjo̱a̱chaꞌaá 4:14

Xikoó tsi xota̱ xi ti̱ka̱ nga ta̱xkiya tjimáyà ki̱a̱ ndi̱yàtieé, achichí jín yajaá, nga nde jmíjín xi mejeén tsꞌénjo̱ ńjñoo̱.

Lebitiko̱ 14:47

Tsi tjín xí ni skji̱ni̱e̱ ngi̱yaa̱ kui ndiꞌaa̱, ko̱jo tsi ki̱a̱ kjojñá, chjiéngá ko̱nié ńjñoo̱.

Lebitiko̱ 15:17

Tsi ndáxójmaá kui nda̱a̱ xtjonjón ngo ńjño, ko̱jo tsi ngo ni xi tji̱xin, kui nii̱ tsjiejín ka̱ma ngaskande nga ka̱majñoó, kó chjiéngá ko̱nié.

Xota̱ Roma̱ 11:14

Tsi tjítsꞌen onkon an xota̱ na̱xi̱ńdaá nangina, bo̱a̱ tjítsꞌen an, tsi̱ꞌe̱ nga kjo̱tjoꞌa chiboa kui xotaa̱.

1 Xota̱ Korinto̱ 15:33

Ngata̱ boeꞌéndièjínjnú nga tjín xí kꞌo̱ṉcha̱jojnú, xikó tsó kui eén “xota̱ xi ꞌbítso̱majo̱ xota̱ xi ndajín, ti̱ ndajín má ndatsi kui nga”

1 Xota̱ Korinto̱ 3:15

Ta̱nga xi ndiꞌií ku̱i̱ꞌítí kui ni xi katsꞌéndaa̱, kuí xí xcha̱ja xá xí katsꞌén, ndatsi kui kjo̱tjoꞌa soboá, xikoó ngo xi kaꞌnaxiéjin ngi̱jin ndiꞌií.

2 Xota̱ Korinto̱ 5:11

Kó kuíni nga, nga yandikónjne̱ Ndi̱a̱ná ndyi̱ꞌmìyá cha̱n cha̱njne̱ xotaa̱ nga ti̱ sꞌi̱jii̱n nga. Néná be kókón ji̱n, kó mejénna nga ko̱jo jún xi nda ini̱ma̱jnú xcha̱jnú kókón ji̱n nga.

2 Xota̱ Tesalónika̱ 3:14

Kó tsi tjín xí ku̱i̱ntꞌiéꞌénjiín ni xi ndyi̱ꞌmìjne̱ ngi̱yaa̱ kui xo̱jo̱o̱n, tsitsíjen cha̱n cha̱njnúu̱ ꞌyá kuí bo̱a̱, kó ngata̱ ki̱a̱jín niꞌánkamajo̱jnú, tsi̱ꞌe̱ nga soboá ka̱maa̱.

1 Timoo̱ 4:16

Chíi̱n yojòo̱ ko̱jo chíi̱n ni xi tibokoyée̱ xotaa̱, ꞌniú ti̱ndyíi̱n ngayeje kui nii̱, ngatꞌa̱ tsi bo̱a̱ si̱ꞌin, kjo̱tjoꞌàa̱ yojòo̱, kó ti̱ ko̱ꞌna̱xiéꞌé ji xi ku̱i̱ntꞌie̱é nga.

2 Xo̱jo̱o̱n Juaa̱ 1:11

Ngatꞌa̱ kui xota̱ xi “¡A ta̱ bo̱a̱ nda jéꞌe̱jnú!” Ka̱tso̱o̱, ko̱jo kuí nijan kjima kjo̱a̱a̱ ni xi ndajín xi ndyi̱tsꞌèn kuí xotaa̱.

Xo̱jo̱o̱n Jundaa̱ 1:22

Tsi tjín xi jó xi ján síndonii̱ ini̱ma̱a̱, ni̱ma̱ ngatamajnú, kó ndókjo̱a̱jojnú tsi̱ꞌe̱ nga ꞌniú kꞌuíndo.

Ni xi akakoo̱ 3:18

Kuíni nga bo̱a̱ tꞌíxiaán nga an tsꞌi̱tsiéní to̱nsinié xi je kiniꞌánchoo̱n ngi̱jin ndiꞌií, tsi̱ꞌe̱ nga ja̱koxi̱ nga cho̱n ka̱ma ji, kó an tsꞌi̱tsiéní ńjño tiboa xi xchi̱e̱je, kó kjoꞌmá kjo̱a̱soboáa̱ nga titsjaxtí, ko̱jo ndiki kolirio̱ tindyiée̱ ndyikin tsi̱ꞌe̱ nga ka̱matsijeen.

Ni xi akakoo̱ 3:4

Ta̱nga ki̱a̱ Sarndii̱ tjiín chiboa xota̱ xi kji̱e̱ tsꞌéndándíjín ńjñoo̱, kuí boá kui xotaa̱ xi kjótsoꞌbájo̱na nga ko̱a̱ja̱ ńjño tiboaa̱, ngatꞌa̱ tsoboárií nga bo̱a̱ sa̱ꞌín.