Xo̱jo̱o̱n Jundaa̱ 1:21 - Xo̱jo̱n eén Néná

²¹ Ti̱ndyiajinjnú kjo̱a̱tjoó Néná, kó chiyájnúu̱ ni̱xtjin nga Ndi̱a̱ná Jesukristoo̱ kꞌuieé kjo̱a̱ni̱ma̱takón nga tsja̱aná kjo̱a̱mindyion ngatsjéni̱xtjii̱n.

Xo̱jo̱o̱n Jundaa̱ 1:21 ပူးပေါင်းရင်းမြစ်များ

Joo̱b 14:14

Tsi ko̱yà xota̱ nga̱sondiee̱, a kꞌuijñá nginí. Ngayeje ni̱xtjin nga kotíjña̱ an, skoya an, ngaskande nga sꞌi̱jñandé án kjo̱a̱a̱ kjo̱a̱bo̱yaa̱.

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 14:21

Xi tikoón kjo̱a̱botíxomana, kó sa̱ꞌínkjatjosón, kuí xi̱ꞌba̱ xi tjoó an, kó xi tjoó an, ti̱ sa̱ꞌíntjó Na̱ꞌmina, kó an sa̱ꞌíntjó an, kó kokòo̱ ꞌyání án.

Ni xi kamá 11:23

kó nga jachó, kamábe kjo̱a̱ndaa̱ Néná kó tsja kamaá, kó ꞌniú atíxomaa̱ ngayeje xotaa̱ tsi̱ꞌe̱ nga ngayeje ini̱ma̱a̱ nga ꞌniú ka̱maꞌniátakón Ndi̱a̱ná,

Xota̱ Roma̱ 5:21

Ngatꞌa̱ xikótsꞌèn ta̱ngatꞌanii̱ jeé nga atíxoma kjo̱a̱bo̱yaa̱ kó katsꞌénkꞌién xotaa̱, ti̱ bo̱a̱ ti̱ tsꞌén ngatatixómá kjo̱a̱ndaa̱ Néná, tsi̱ꞌe̱ nga kixi̱ ka̱ma xotaa̱ ngi̱yaa̱ kjo̱a̱mindyion ngatsjéni̱xtjii̱n ngatꞌaa̱ Ndi̱a̱ná Jesukristoo̱.

Xota̱ Roma̱ 5:5

Kó kjo̱a̱chiyaá tsja̱ajínná kjo̱a̱soboá, ngatꞌa̱ kjo̱a̱tjoó Néná íjñá ngi̱jii̱n ini̱ma̱ná ta̱ngatꞌanii̱ kui A̱si̱énni̱xtjii̱n xi katsjáná ñá.

Xota̱ Roma̱ 6:23

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

Xota̱ Roma̱ 8:39

ti̱nde ni xi ꞌniú nkꞌa, ti̱nde ni xi ꞌniú na̱nga̱, ti̱nde ngojín ni xi je kamándaa̱ xi ka̱maa̱ kjo̱a̱ꞌáxínná kjo̱a̱tjó xi akó Néná nga katsjáná Kristo̱ Kjisoo̱, kui xi Ndi̱a̱ná.

2 Xota̱ Korinto̱ 13:14

Kjo̱a̱ndaa̱ Ndi̱a̱ná Jesukristoo̱, kjo̱a̱tjoó Néná ko̱jo A̱si̱énni̱xtjii̱n Néná ngatꞌíndojo̱jnú ngatsjéni̱xtjin. Bo̱a̱ kjiꞌi.

2 Xota̱ Tesalónika̱ 3:5

Kó Ndi̱a̱ná ngatakoyájnú nga bo̱a̱ tsꞌén si̱ꞌantjójnú xikótsꞌèn tsꞌéntjó Néná, kó ti̱ꞌanchíkjo̱a̱jnú ni xi ndyi̱bitjajinjnú, xikótsꞌèn katsꞌénchíkjo̱a̱ Kristoo̱.

1 Timoo̱ 1:2

Tjítsꞌentindee ji Timo̱, ji xi ndína kjo̱a̱a̱ ngi̱yaa̱ kjo̱a̱sꞌijinná. Néná xí Na̱ꞌminá ko̱jo Ndi̱a̱ná Kristo̱ Kjisoo̱ nga tsjaá kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó.

2 Timoo̱ 1:16

Ndi̱a̱ná nga tsjaá kjo̱a̱ni̱ma̱takoón xota̱ xkjín Onesíforoo̱, ngatꞌa̱ kui nda̱a̱ achichí kjín ndi̱yà katsjangaꞌniúna, kó soboájín kamaá nga ndo̱bo̱a̱yà kisꞌijña an.

2 Timoo̱ 1:18

Ndi̱a̱ná nga tsjaá kjo̱a̱ni̱ma̱takoón ni̱xtjin nga skotsíjee̱n mí ni xi katsꞌén nga ngo nga ngo xotaa̱. Kó ji jè yé cha̱n cha̱n ji kókjiꞌi asíko̱joná Onesíforoo̱ ki̱a̱ na̱xi̱ńdáꞌniú Éfeso̱.

2 Timoo̱ 1:2

Tjítsꞌentindee ji Timo̱, ji xi ndí tjóna. Néná xí Na̱ꞌmii̱ ko̱jo Jesukristoo̱, kui xi Ndi̱a̱ná nga tsjaa kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó.

2 Timoo̱ 4:8

Ngotꞌe̱ ꞌne̱, jè sa̱kóna ngo ni xi niꞌán, xi sakoó xota̱ xi kixi̱ síndo ngindyi̱ko̱n Néná, kui xi tsja̱ana nga kjo̱chó ni̱xtjin kui Ndi̱a̱ná xí kixi̱ tsꞌén skotsíjee̱n mí ni xi katsꞌén xotaa̱, kó jmí tsi ta̱ án tsí xi tsja̱ana kui chjí xí niꞌaán, ti̱ tsja̱arií ngayeje xota̱ xi achichí kjo̱a̱tjó tjiín nga ndyi̱koyaa̱ nga tsjatsꞌèn kjo̱e̱ꞌe nginí Ndi̱a̱ná.

Xota̱ Ebreo̱ 9:28

Kuíni nga ti̱ bo̱a̱ ti̱ tsꞌén Kristoo̱ ta̱ ngo tsí ndi̱yà katsjá yojoo̱ nga kiniꞌánkꞌién tsi̱ꞌe̱ nga kijíjo̱ jeé xotaa̱. Jaskan kji̱ndi̱bá nginí ingo ndi̱yà, ta̱nga jè ngiti̱ kjo̱a̱a̱ jeéjín nga kjo̱e̱ꞌe, kji̱ndi̱bá tsi̱ꞌe̱ nga kꞌo̱xiéꞌá xota̱ xi ndyi̱koyaa̱ kui.

2 Xo̱jo̱o̱n Peé 3:12

kó nga si̱ꞌanmejénjnú nga kjo̱chó ni̱xtjin nga sa̱ꞌín Néná ni xi katsó nga sa̱ꞌín. Kui ni̱xtjii̱n ndiꞌakꞌajmii̱ kju̱i̱e̱, kó ngayeje ni xi tjiín ka̱mańdá nga ku̱i̱ti̱.

1 Xo̱jo̱o̱n Juaa̱ 4:16

Kó ñá jè ya ko̱jo sꞌijinná nga Néná tjoó ñá. Kjo̱a̱tjó boá Néná, kó kui xota̱ xi síndo ngi̱jii̱n kjo̱a̱tjoó Néná, Néná tikónjii̱n kui, kó kuí tikónjii̱n Néná.

1 Xo̱jo̱o̱n Juaa̱ 5:18

Jè ya ñá nga ngayeje xota̱ xi Néná je katsjaá nga ndií kui ka̱ma, ngájiín nga tsꞌénjé, ngatꞌa̱ ndií kui Na̱ꞌmii̱ tsꞌénkoón kui xota̱ xi̱ꞌba̱, kó xindajín tsꞌénjo̱jín.

1 Xo̱jo̱o̱n Juaa̱ 5:21

Jún ndí ndí tsa̱ꞌa̱n, chja̱ꞌáxínjnúu̱ ngi̱jin ini̱ma̱jnú ngayeje ni xi kjo̱a̱ꞌáxiín ngi̱ndie xi tsi̱ꞌe̱ Néná. Bo̱a̱ kjiꞌi.

Xo̱jo̱o̱n Jundaa̱ 1:1

Án xí ꞌmína Jundaa̱, mosoo̱ Jesukristoo̱ ko̱jo ntsꞌi̱e̱ Sandiyaá, tsꞌentindejnúꞌun ngayejejnú jún xota̱ xi Néná xí Na̱ꞌmii̱ tjoó, ko̱jo xi je tsíchji̱a̱a̱, kui xota̱ xi Jesukristoo̱ tsꞌénkoón.

Xo̱jo̱o̱n Jundaa̱ 1:22

Tsi tjín xi jó xi ján síndonii̱ ini̱ma̱a̱, ni̱ma̱ ngatamajnú, kó ndókjo̱a̱jojnú tsi̱ꞌe̱ nga ꞌniú kꞌuíndo.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,

Ni xi akakoo̱ 12:11

Kó kui ntsꞌié jè katsꞌeén ngatꞌaa̱ kui jín xí iskjitjón cho̱tsa̱nga̱a̱ ko̱jo kui én xí tsíchji̱a̱a̱, katsakjónjín nga xcha̱ja kjo̱a̱mindyioo̱n, ta̱sá kamámejeén nga ngaskande jesón.