Xo̱jo̱o̱n Jundaa̱ 1:17 - Xo̱jo̱n eén Néná

¹⁷ Ta̱nga jún ndí ntsꞌie xi tjóna, ngatjaꞌátsjienjnú én xi katsó já apostroo̱ Ndi̱a̱ná Jesukristoo̱,

Xo̱jo̱o̱n Jundaa̱ 1:17 ပူးပေါင်းရင်းမြစ်များ

Ni xi kamá 20:35

Ngatsjéni̱xtjin akoyájnúꞌun nga bo̱a̱ tsꞌén si̱ꞌanxá ko̱jo nga ko̱si̱ko̱jó xota̱ xi ni̱ma̱ tjimá, kó ti̱ꞌankjaꞌátsjienjnú kui én xí tsíchji̱a̱ Ndi̱a̱ná Kjisoo̱ xi bi̱ tsó: “Achichíra̱ tsjakjiꞌi ngase nga ñá ko̱e̱ꞌé, ta̱bo̱a̱jínnii̱ nga ñá ko̱e̱ꞌéná.”

Xota̱ Éfeso̱ 2:20

Jún xikónií ngo ndiꞌa nkꞌa xi kjimanda kui xi já apostroo̱, ko̱jo já chji̱ni̱e̱ꞌe̱én Néná ítjatsꞌennii̱ nga ndyi̱kjininkꞌa, kó Jesukristoo̱ boá kui xi ndi̱jo̱ ngaꞌniuú kui ndiꞌaa̱.

Xota̱ Éfeso̱ 4:11

Kó kuí boá xi índo nga ngotꞌe̱ tjín já xí apostro̱, ko̱jo xi chji̱ni̱e̱ꞌe̱én Néná, ko̱jo xi ꞌbini̱jmì éntjatsi̱e̱e̱ Néná, ko̱jo xi síndotjoón xota̱ na̱ngo̱xi̱i̱, ko̱jo xi mostro̱.

Xota̱ Ebreo̱ 2:3

kótsꞌèn ka̱máná nga ku̱i̱yóo̱ kui kjo̱a̱botíjeé, tsi si̱ꞌansénjáa̱n kui kjo̱a̱ꞌnaxiéꞌá xi bo̱a̱ tsꞌén jee̱. Ngatꞌa̱ ti̱kuíní Ndi̱a̱ Kjisoo̱ xi tjón katsóyà kui én xí ꞌboxiéꞌáná, sꞌe̱ jaskan xota̱ xi tsintꞌieé akóná nga ja̱koxi̱ kui nii̱.

2 Xo̱jo̱o̱n Peé 3:2

Ngatjaꞌátsjienjnú ni xi katsó já chji̱ni̱e̱ꞌén tsjiee̱ Néná ngasꞌe̱, ko̱jo kjo̱a̱botíxoma xi akóyájnú já apostroo̱ kjo̱a̱a̱ Ndi̱a̱ná Jesukristoo̱ kui xi tsꞌaxiéꞌáná.

1 Xo̱jo̱o̱n Juaa̱ 4:6

Ta̱nga ji̱n Néná ndokjo̱a̱nijne̱, kó kui xota̱ xi je be Néná kuí boá xi ntꞌiéjne̱, ta̱nga kui xota̱ xi Nénájín chji̱a̱ni ntꞌiéjínjne̱. Bo̱a̱ tsꞌén nga ka̱ma xcha̱ ñá ꞌyání xi tikoón a̱siénni̱xtjin xi ja̱koxi̱i̱, kó ꞌyání xi tikoón a̱siénni̱xtjin xi ꞌboṉcha̱a̱.

Xo̱jo̱o̱n Jundaa̱ 1:3

Jún ndí ntsꞌie xi tjóna, achichí kamámejeén ini̱ma̱na nga sa̱ꞌinꞌindójnúꞌun kjo̱a̱a̱ kui kjo̱a̱ꞌnaxiéꞌá xi je katsjáná Néná, ta̱nga ngotꞌe̱ tsꞌenꞌindójnúꞌun kui xo̱jo̱o̱n nínga tsꞌénmíꞌájnúꞌun nga ti̱xkántjéjnú kui kjo̱a̱sꞌijin xi ngatsjéni̱xtjin katseꞌeé xota̱ na̱xi̱ńdá tsjiee̱ Néná.