Xo̱jo̱o̱n Jundaa̱ 1:16 - Xo̱jo̱n eén Néná

¹⁶ Kuí jaá xi chji̱a̱taꞌin xotaa̱, kó jmíjín ni xi nda maá kui. Ni xi mejeén ini̱ma̱a̱ xí ndyi̱mongase. Je ꞌboxié yojoo̱ nga chji̱a̱. Nda tsꞌén chji̱a̱ kjo̱a̱a̱ xotaa̱, ta̱nga ta̱ tsi̱ꞌe̱ nga sa̱kórií ni xi mejeén kui.

Xo̱jo̱o̱n Jundaa̱ 1:16 ပူးပေါင်းရင်းမြစ်များ

Joo̱b 32:21

Nde ngojín jún xi nijan ka̱ma an, ti̱nde jmíjín xi kjo̱a̱ndaa̱ kotíjña̱ an,

Joo̱b 34:19

Néná katsꞌéndaná ngayeje ñá, tsi xota̱ ni̱ma̱ ko̱jo tsi xota̱ xi cho̱n, jmíjín xi tjó ngasee̱ kui.

Xo̱jo̱n Salmoo̱ 106:25

Ki̱a̱ ngi̱ya ndiꞌaa̱ tsíchji̱a̱taꞌin Néná, kó kamámejénjiín tsintꞌiéꞌeén.

Xo̱jo̱n Salmoo̱ 15:4

kui xi tsꞌenchꞌó xota̱ xi Néná tsꞌenchꞌó, ta̱nga bendikón xota̱ xi ndyi̱bendikón Néná, kui xi tsꞌénkjátjosón ni xi chji̱a̱, ndatsi ndajín fotjoo̱ ni xi tsꞌén,

Xo̱jo̱n Salmoo̱ 17:10

Jmí ini̱ma̱jiín kui xotaa̱, kó ta̱soboá én nkꞌakon boá xi ndyi̱chji̱a̱.

Xo̱jo̱n Salmoo̱ 73:8

Mojnókie xotaa̱ kó chꞌo tsó nga chji̱a̱, achichí nkꞌakon má nga ꞌbínda nga ndajín sa̱ꞌín.

Énkjínkón 28:21

Ndajínkjiꞌi tsi tjín xota̱ xi si̱ꞌanchꞌo, ngatꞌa̱ tjín xota̱ xi ngaskande chií pan tsꞌénjéní.

Lebitiko̱ 19:15

»Tsi ngo ni kꞌuíndajnú nínga kjimandajin ngo ni, kixi̱ ti̱ꞌánjnú kui nii̱. Ngata̱ kjo̱a̱ndaa̱jín ngo xota̱ mongínjnú, tsi cho̱n ko̱jo tsi ni̱ma̱.

Xki̱ 14:36

Kó bo̱a̱ tsꞌén katsꞌénkꞌién Néná nga atíjeé kui xota̱ xi katsangiya Moisee̱ nga kijíkatsijen kui tꞌanangi xi katsóyàtjón Néná nga tsja̱á, ngatꞌa̱ kuí boá kui jaá xi konnii̱ nga xota̱ Israee̱l kondraa̱ Néná kisꞌińdoni.

Xki̱ 16:11

Jmí tsi kondraa̱ Aaroo̱n nga ndyi̱niꞌánxchánjnú, kondraa̱ Néná boá.

Xki̱ 16:41

Nga kamángindyiojón, ngayeje xota̱ na̱xi̱ńdaá kamátikó kó ítsꞌi̱yanii̱ nga yíngítaꞌin Moisee̱ ko̱jo Aaroo̱n. Kamámejeén katsꞌénꞌoón, kó bi̱ katsó: «¡Ta̱ngatꞌanii̱ jún nga kjifesón xota̱ na̱xi̱ńdaá Néná!» Kósꞌe̱ jó kui jaá tsꞌasꞌien ki̱a̱ ndiꞌandikoón, kó kui ṉdi̱i̱ yíꞌmáni. Kó Néná ki̱a̱ jachó nga jachójo̱ kjo̱a̱jee̱,

Rkaa̱ 15:2

kó já fariseoo̱ ko̱jo já chji̱ni̱e̱kjo̱a̱kitii̱, bi̱ katsó nga tsíchji̱a̱taꞌin Kjisoo̱: –Kui nda̱a̱ achichí nda yaꞌa xota̱ jé, kó ngaskande ṉño̱ kjiniejo̱.

Rkaa̱ 19:7

Kó nga kamábe ngayeje xotaa̱, bi̱ katsoó xkjín: Ndiꞌaa̱ ngo nda̱jé kꞌuijñá.

Rkaa̱ 5:30

Kó já chji̱ni̱e̱kjo̱a̱kitii̱ ko̱jo já fariseoo̱, tsíchji̱a̱taꞌin xota̱ tsi̱ꞌe̱ Kjisoo̱, nga bi̱ katsó: –Míkjo̱a̱a̱ nga jún ndyi̱chiniejo̱ ko̱jo ndyi̱ꞌyòjo̱jnú ni xota̱ xi foaꞌáꞌyá to̱n xi machjítjé ni ko̱jo xota̱ jé.

Juaa̱ 6:41

Sꞌe̱ já jundíoo̱ tsíchji̱a̱jo si̱e̱n xkjín kjo̱a̱a̱ nga Kjisoo̱, bi̱ katsó: “Án boá pan xi kjindibáni ndiꞌakꞌajmi jàn”,

Juaa̱ 6:61

Ja̱ bo̱a̱ je be Kjisoo̱ kjo̱a̱a̱ ni xi ndyi̱chji̱a̱si̱e̱n xota̱ tsi̱ꞌe̱, kó bi̱ katsoó: –A chꞌo májnú kuí eén.

1 Xota̱ Korinto̱ 10:10

Ti̱nde ngata̱ ndokjo̱a̱taꞌínjínjnú Néná, xikó katsꞌén chiboa kui xotaa̱, kó ndítsjie xi botixómaá kjo̱a̱bo̱yaa̱ katsꞌénkjiesón.

Xota̱ Ngalasia̱ 5:16

Kuíni nga bi̱ xiánjnúꞌun: Ti̱ndyiónjnú xikótsꞌèn mejeén A̱si̱énni̱xtjii̱n Néná, kó ngata̱ niꞌánkjatjosónjínjnúu̱ ni xi mejeén yojojnú.

Xota̱ Ngalasia̱ 5:24

Xota̱ xi je tsi̱ꞌe̱ Kristo̱ Kjisoo̱, jè nijan yítꞌa kro yojoo̱, kui yojo jé xí mejeén sa̱ꞌín ni xi ndajín xi tjín kuí nga̱sondiee̱.

Ndeuteronomio̱ 1:27

Ta̱sá tsangínꞌóya nginíjnú ndiꞌajnú, kó kandokjo̱a̱taꞌinjnú Néná. Kiniꞌánkjójnú nga Néná tjójiín jún, kó nga kuíni nga tsꞌaxiénijnú nangi Ejipto̱ tsi̱ꞌe̱ nga xota̱ Amoo̱r sa̱ꞌínkjiéjnú.

Xota̱ Filipo̱ 2:14

Ti̱ꞌánjnú ngayeje nii̱, kó nga ndokjo̱a̱taꞌínjínjnú xingi̱jnú, ti̱nde ngata̱ ndokjo̱a̱tijínjnú.

1 Xota̱ Tesalónika̱ 4:5

Nga jmí tsi ni xi mejeén ini̱ma̱jnú xi si̱ꞌánjnú xikoó xota̱ xi tjín nga̱sondiee̱ xi bejín Néná.

1 Timoo̱ 6:5

ko̱jo kjo̱a̱bixkaán xota̱ xi ndajín tsꞌén tikón kjo̱a̱kjíntakoón, ko̱jo xi bejín ni xi ja̱koxi̱i̱, kó tsꞌénkjó nga tsi sku̱i̱e̱ndikón Néná, ka̱macho̱n. Xín ti̱ꞌinkjeꞌée̱ yojòo̱ kui xotaa̱.

2 Timoo̱ 4:3

Ngatꞌa̱ kji̱ndi̱bá ni̱xtjin nga xotaa̱ ngiti̱ sa̱ꞌínsénjiín nga ku̱i̱ntꞌiè kuí kjo̱a̱bokoyá xi ndaa̱, ta̱sá ni xi mejeén ini̱ma̱a̱ xi sa̱ꞌín, kó ko̱ngase ngo sen mostro̱ xi ko̱kóyaá ni xi tsjaa̱ nga ku̱i̱ntꞌie̱é kuí.

1 Xo̱jo̱o̱n Peé 1:14

Ngatamajnú xikoó ndí xí ntꞌiéꞌeén na̱ꞌmii̱, jmí tsi bo̱a̱ tsꞌén ku̱i̱ndyionjnú, xikoó ngasꞌe̱ kjiꞌanga kji̱e̱ yàjínjnú Néná, nga ta̱xkiya kiniꞌánkjatjosónjnúu̱ ni xi kamámejénjnú kiniꞌánjnú.

1 Xo̱jo̱o̱n Peé 2:11

Jún ndí ntsꞌie xi tjóna, ꞌniú míꞌájnúꞌun xikoó xota̱ xi xín nangi, ko̱jo xikoó xota̱ xi ndyi̱foaꞌa kui nga̱sondiee̱, nga ngata̱ boeꞌéjínjnúu̱ ngi̱ndie ni nga̱sondie xi mejeén ini̱ma̱jnú, ngatꞌa̱ kuí nii̱ xi sa̱ꞌínchajajnú,

1 Xo̱jo̱o̱n Peé 4:2

tsi̱ꞌe̱ nga xikó kjiꞌi ni̱xtjin xi chaja ngasee̱ nga kꞌuijñá nga̱sondiee̱, kꞌuijñá xikótsꞌèn mejeén Néná, kó jmí tsi xikótsꞌèn mejeén kjo̱a̱niꞌánkjoó xotaa̱.

2 Xo̱jo̱o̱n Peé 2:10

Ngase má ni xi ka̱maa̱ xota̱ xi ni xi mejeén yojoo̱ ndyi̱tsꞌèn, ko̱jo xi ni xi ndándí xi mejeén ini̱ma̱a̱ ndyi̱tsꞌèn, ko̱jo xi ndyi̱tsꞌènchꞌó xi tjiín xá ndiꞌakꞌajmi jàn. Ndasénjiín, kó ta̱ ni xi mejénrií xi ndyi̱tsꞌèn, kó tsakjónjín má nga chꞌo ndyi̱tsoó ngaꞌniú xí ꞌniú nkꞌaá.

2 Xo̱jo̱o̱n Peé 2:18

Ngatꞌa̱ achichí nkꞌa chji̱a̱ ta̱nga én xi jmí ni chjíjiín boá xi chji̱a̱. ꞌBoṉcha̱jo xotaa̱ tsi̱ꞌe̱ nga sa̱ꞌín ni xi ndajíntsꞌeén ko̱jo ni xi ndajín xi mejeén yojoo̱, kó ꞌboṉcha̱jo xota̱ xi sꞌe̱ tsí ndyi̱tsꞌèn ngo kjo̱a̱ꞌniú nga ndyi̱mongaa̱ ni xi ndajín xi niꞌaán.

2 Xo̱jo̱o̱n Peé 3:3

Tjón kui nii̱ xi ꞌniú tjajintakónjnú, nga ni̱xtjin xi kju̱i̱e̱tꞌaa̱, kꞌuié xota̱ xi kꞌuíndo xikótsꞌèn mejeén ini̱ma̱a̱ nga kꞌuíndo, kó ko̱jno̱kie ni xi je akakoyájnú,

Xo̱jo̱o̱n Jundaa̱ 1:15

tsi̱ꞌe̱ nga ka̱tso̱yaa̱ ngayeje xotaa̱ kui nga̱sondiee̱ tsi nda ko̱jo tsi ndajín katsꞌén, ko̱jo tsi̱ꞌe̱ nga ko̱tíjeé ngayeje xota̱ xi ndajiín, kjo̱a̱a̱ ngayeje ni xi ndajín xi katsꞌén, ko̱jo kjo̱a̱a̱ ngayeje én chꞌo tsó xi katsoó Néná.”

Xo̱jo̱o̱n Jundaa̱ 1:18

nga bi̱ katsó: “Nga kju̱i̱e̱tꞌa ni̱xtjii̱n, kꞌuié xota̱ xi ko̱jno̱kie ni xi tsi̱ꞌe̱ Néná, kó ki̱a̱ kꞌuíndojin ni xi ndajín xi mejeén sa̱ꞌín.”