Xo̱jo̱o̱n Jundaa̱ 1:11 - Xo̱jo̱n eén Néná

¹¹ ¡Ni̱ma̱ xò kuí jaá! Ngatꞌa̱ ndajín ndyi̱tsꞌèn xikó katsꞌén Kaii̱n, kó ta̱ngatꞌanii̱ nga tsie to̱n mejeén nga ndyi̱tsꞌèn ni xi ndajínkjiꞌi xikó katsꞌén Balaa̱n. Xikoó Koree̱ nga ko̱yà ngatꞌa̱ bendikónjín xi botixómaá.

Xo̱jo̱o̱n Jundaa̱ 1:11 ပူးပေါင်းရင်းမြစ်များ

Xki̱ 31:16

Kuí boá kui ínchjiín xi ki̱a̱ kijítji̱ngi kjo̱a̱botíxoma xi ndajín xi katsjá Balaa̱n, ngatꞌa̱ kuí boá xi katsꞌén nga xota̱ Israee̱l tsintꞌiéꞌénjiín Néná, kósꞌe̱ ne Baa̱l-Peoo̱r katsꞌéndikón. ¡Ta̱ngatꞌanii̱ kui ínchjiín nga Néná katsꞌénjeé xota̱ Israee̱l nga katsangiyaa̱ ngo chiꞌin xi ta̱nisién ꞌniú!

Matioo̱ 11:21

¡Ni̱ma̱ xò jún, xota̱ xi chji̱a̱ni Korasii̱n! ¡Ni̱ma̱ xò jún, xota̱ xi chji̱a̱ni na̱xi̱ńdáꞌniú Betsainda̱! Ngatꞌa̱ tsi ki̱a̱ na̱xi̱ńdáꞌniú Tiroo̱ ko̱jo tsi na̱xi̱ńdáꞌniú Sindo̱n nínga kamá kjo̱a̱ndikón xí kamá ngi̱jii̱n xota̱jnú, antꞌe̱ra̱na jè katsꞌénkꞌoyá yojoo̱ kui xotaa̱, kjo̱a̱a̱ ni xi ndajín xi katsꞌén, jera̱ tsajá ńjño tokjuie, kó jera̱ indyiaá ndiso to̱ko̱, tsi̱ꞌe̱ nga akó nga ngiti̱ mejénjiín sa̱ꞌínjé.

Ndeuteronomio̱ 23:4

Nde ngojín nga jó kui xota̱ na̱xi̱ńdaá xi kamámejeén katsjájnú nichinie ko̱jo ndáfoa, kjiꞌanga kjindibánijnú nangi Ejipto̱ kó nga ndyi̱mongínjnú nangi xi katsóyàtjónjnú Néná nga tsja̱ajnú. Kó katsꞌénkjién Balaa̱n, kui xi ndií Beoo̱r, xi chji̱a̱ni na̱xi̱ńdáꞌniú Petoo̱r xi tikón nangi Mesopotamia̱, tsi̱ꞌe̱ nga chꞌo ka̱tso̱ kondra̱ tsa̱jún.

Xota̱ Ebreo̱ 11:4

Ta̱ngatꞌanii̱ kjo̱a̱sꞌijii̱n nga Abee̱ katsꞌénkꞌasꞌiee̱n Néná ngo kjo̱a̱tjó xi chjí ngasenii̱, ta̱bo̱a̱jiín xi katsꞌénkꞌasꞌien Kaii̱n, kó kuíni nga Néná, xota̱ xi kixi̱ katsoó, kó katsꞌénjo̱ꞌo kjo̱a̱tjoó, kó kuíni nga ndatsi je kꞌien Abee̱, ta̱kó tsꞌénbokóná ngo chi̱bo̱a̱, xikótsꞌèn kisꞌijii̱n kui.

2 Xo̱jo̱o̱n Peé 2:15

Jè íjñámasien ndi̱yà xí kixi̱i̱, kó jè kichajá nga bo̱a̱ ndyi̱tsꞌèn xikoó nda̱ xi ꞌmí Balaa̱n, ndií Beoo̱r, kui xi to̱n kamámejeén, kó katsꞌén ni xi kixi̱jiín.

1 Xo̱jo̱o̱n Juaa̱ 3:12

Jmí tsi bo̱a̱ si̱ꞌán xikoó Kaii̱n nga xindajín tsíchji̱a̱ni, kó katsꞌénkꞌién ntsꞌi̱e̱. Kó míkjo̱a̱a̱ nga katsꞌénkꞌién. Ngatꞌa̱ ndajínkjiꞌi ngayeje ni xi katsꞌén kuí, kó kixi̱ kamá ngayeje ni xi katsꞌén Abe̱ ntsꞌi̱e̱.

Ni xi akakoo̱ 2:14

Ta̱nga tikón chiboana ni kondra̱ tse̱: nga ki̱a̱ síndoo̱ chiboa xota̱ xi mejénjiín nga kjo̱ta̱xi̱ín kjo̱a̱bokoyaá Balaa̱n, kui xi atíxomaa̱ Balaa̱k tsi̱ꞌe̱ nga katsꞌénjé xota̱ xi chji̱a̱ni Israee̱l, tsi̱ꞌe̱ nga iskjinie ni xi je kiniꞌánkꞌasꞌiee̱n ngo a̱sie̱én ngo ne xi tsꞌénda xotaa̱, ko̱jo kjo̱a̱a̱ nga katsꞌén kjo̱a̱tondo̱.