Xo̱jo̱o̱n Jundaa̱ 1:1 - Xo̱jo̱n eén Néná

¹ Án xí ꞌmína Jundaa̱, mosoo̱ Jesukristoo̱ ko̱jo ntsꞌi̱e̱ Sandiyaá, tsꞌentindejnúꞌun ngayejejnú jún xota̱ xi Néná xí Na̱ꞌmii̱ tjoó, ko̱jo xi je tsíchji̱a̱a̱, kui xota̱ xi Jesukristoo̱ tsꞌénkoón.

Xo̱jo̱o̱n Jundaa̱ 1:1 ပူးပေါင်းရင်းမြစ်များ

Matioo̱ 10:3

ko̱jo Ngiripee̱, ko̱jo Bartolomee̱, ko̱jo Tomaa̱, ko̱jo Matioo̱, nda̱ xi foaꞌáꞌyá to̱n xi machjítjé nii̱, ko̱jo Sandiyaá ndií Alfeoo̱, ko̱jo Tandeoo̱,

Matioo̱ 13:55

A kuijín nda̱a̱ xi ndií nda̱ chji̱ni̱e̱ya̱á. A mí tsí kui nda̱a̱ xi na̱an manii̱ na̱ Riyaa̱, kó ntsꞌi̱e̱ ma Sandiyaá, Kosiee̱, Ximoo̱ ko̱jo Jundaa̱.

Markoo̱ 3:18

ko̱jo Jandree̱, ko̱jo Ngiripee̱, ko̱jo Bartolomee̱, ko̱jo Matioo̱, ko̱jo Tomaa̱, ko̱jo Sandiyá ndií Alfeoo̱, ko̱jo Tandeoo̱, ko̱jo Ximoo̱ nda̱ kananistaa̱,

Markoo̱ 6:3

A kuijín xí nda̱a̱ nda̱ chji̱ni̱e̱ya̱á, ndií na̱ Riyaa̱, ntsꞌi̱e̱ Sandiyaá, ko̱jo Kosiee̱, ko̱jo Jundaa̱, ko̱jo Ximoo̱. A kꞌi̱e̱jín síndojo̱na ínchjín ndichja. Kó kui xotaa̱ katsꞌénjo̱ꞌojín Kjisoo̱.

Rkaa̱ 6:16

ko̱jo Jundaa̱ ntsꞌi̱e̱ nda̱ xi ꞌmí Sandiyaá, ko̱jo Junda̱ Iskariotee̱, nda̱ xi jaskan atíñá Kjisoo̱.

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Juaa̱ 14:22

Sꞌe̱ bi̱ katsó Jundaa̱ (ta̱nga jmí tsi Junda̱ Iskariotee̱): –Ndi̱a̱, kótsꞌèn ko̱kéjne̱ ji̱n ꞌyání jí, kó ko̱kéjíi̱n ꞌyání ji xotaa̱ kui nga̱sondiee̱.

Juaa̱ 15:16

Júnjín xi kachjeꞌéjinjnúꞌun, án boá xi jaꞌajinjnúꞌun jún, kó jè katsangiyajnúꞌun tsi̱ꞌe̱ nga kongínjnú, kó kꞌuiéjnú to, ngo to xi kꞌo̱ndíyaá ngatsjéni̱xtjin, tsi̱ꞌe̱ nga ngayeje ni xi chji̱e̱ꞌèe̱ Na̱ꞌmina ngajona, tsja̱á.

Juaa̱ 17:15

Jmí tsi ꞌniú tsꞌénmíꞌaá tsi̱ꞌe̱ nga chje̱ꞌéxín ji kui xotaa̱, kui nga̱sondiee̱, tsꞌénmíꞌáñaá tsi̱ꞌe̱ nga xín si̱ꞌinkjeꞌee̱ xindajín.

Juaa̱ 17:17

Ti̱ꞌintsjieni ngi̱yaa̱ ja̱koxi̱i̱, ngatꞌa̱ ja̱koxi̱ boá ée̱n.

Juaa̱ 17:19

kó ta̱ngatꞌanii̱ kui nga matsjie yojona, tsi̱ꞌe̱ nga ka̱matsjie kui xotaa̱ ngi̱yaa̱ ja̱koxi̱i̱.

Juaa̱ 6:39

Kó kuí nii̱ xi mejeén Na̱ꞌmina xi katsangiyana: Nga ngayeje ni xi tsja̱ana, ngojín ni xi sa̱ꞌinchaja an, nga ta̱sá sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Ni xi kamá 1:13

Kó nga jachó na̱xi̱ńdáꞌniuú, kijínijíngí nkꞌaa̱ kui ndiꞌa nínga síndo kui jaá, nínga síndo Peé, ko̱jo Juaa̱, ko̱jo Sandiyaá, ko̱jo Jandree̱, ko̱jo Ngiripee̱, ko̱jo Tomaa̱, ko̱jo Bartolomee̱, ko̱jo Matioo̱, ko̱jo Sandiyá ndií Alfeoo̱, ko̱jo Ximo̱ nda̱ xi Chi̱ni̱ kiꞌmií nga, ko̱jo Junda̱ ntsꞌi̱e̱ Sandiyaá.

Ni xi kamá 20:32

Kó ngotꞌe̱ ꞌne̱, já ntsꞌie, míꞌátjée̱ Néná kjo̱a̱a̱ jún ko̱jo éntjatsi̱e̱e̱ kjo̱a̱ndaa̱ kui xi tjiín ngaꞌniú tsi̱ꞌe̱ nga ꞌniú ngase sꞌi̱jinjnú Néná, kó tsja̱ajnú jún ngayeje ni xi katsóyà nga tsja̱á xota̱ tsjiee̱.

Ni xi kamá 27:23

Ngatꞌa̱ kó ni̱xtji̱e̱n ngo ndítsjie xi katsangiya Néná tsíchji̱a̱jona, kui Néná xi chjiá an ko̱jo xi tjítsꞌen an xaá,

Xota̱ Roma̱ 1:1

Tsꞌentíndejnú Pabloo̱, nda̱ xi Néná tsíchji̱a̱a̱ nga katsjáxaá tsi̱ꞌe̱ nga apostro̱ ka̱ma an, kó íjñátꞌaxínna, tsi̱ꞌe̱ nga kꞌuini̱jmì án éntjatsi̱e̱e̱ Néná.

Xota̱ Roma̱ 1:6

Kó ngi̱jii̱n kui xotaa̱ tindyionjinjnú jún. Ndi̱a̱ná Jesukristoo̱ boá xi tsíchji̱a̱jnú tsi̱ꞌe̱ nga xota̱ tsi̱ꞌe̱ ka̱majnú.

Xota̱ Roma̱ 16:18

Ngatꞌa̱ kui xotaa̱ jmí tsi xaá Ndi̱a̱ná Jesukristoo̱ xi ndyi̱tsꞌèn, ni xi tsjaa̱ kuí xí ndyi̱tsꞌèn, kó achichí én nda ko̱jo én tsjatsó chji̱a̱ nga ꞌbindísojo̱ xota̱ xi kji̱e̱ ꞌniújín makjiín ni xi tsi̱ꞌe̱ Ndi̱a̱ná.

Xota̱ Roma̱ 6:22

Ta̱nga ngotꞌe̱ ꞌne̱ ngije xín kiniꞌánkjaꞌajnúu̱ yojojnú jeé, kó ngije mosoo̱ Néná jè kamájnú, tikónjnú ngo ni xi tsi̱ꞌe̱ kjo̱a̱tsjiee̱, kó nga kju̱i̱e̱tꞌa sa̱kójnú kjo̱a̱mindyion ngatsjéni̱xtjii̱n.

Xota̱ Roma̱ 8:30

Kó kui xota̱ xi tjón jaꞌájin Néná, kuí boá xi tsíchji̱a̱a̱, kó xi tsíchji̱a̱a̱, kuí xí xota̱ kixi̱ katsꞌén, kó xi xota̱ kixi̱ katsꞌeén, kuí boá xi katsjaá kjo̱a̱je.

Xota̱ Roma̱ 9:24

Kui xota̱ xi ti̱ je tsíchji̱a̱a̱, kó ñá boá, jmí tsi ta̱kuítsí xota̱ xi jundíoo̱, ko̱jo kuí xota̱ xi jundío̱jiín nga.

1 Xota̱ Korinto̱ 1:2

xota̱ na̱ngo̱xi̱i̱ Néná xi síndo na̱xi̱ńdáꞌniú Korinto̱ kui xi kamátsjie ngindyi̱ko̱n Néná ngatꞌaa̱ Kristo̱ Kjisoo̱. Jún xi Néná tsíchji̱a̱jnú nga xota̱ tsjiee̱ ka̱majnú, ko̱jo kui xota̱ xi ta̱jñà ngi̱ndiení je sꞌijii̱n Ndi̱a̱ná Jesukristoo̱, Ndi̱a̱a̱ kui xotaa̱, ko̱jo Ndi̱a̱ tsa̱ñá.

1 Xota̱ Korinto̱ 6:11

Kó tjín jún xi kui nii̱ kiniꞌánjnú ngasꞌe̱, ta̱nga ngotꞌe̱ ꞌne̱ je kiniꞌántsjiejónjnú yojojnú, kó je tsjiejnú ko̱jo je xota̱ kixi̱jnú ngindyi̱ko̱n Néná, kó ngaꞌniuú Ndi̱a̱ná Jesukristoo̱ ko̱jo A̱si̱énni̱xtjii̱n Néná xí katsꞌén kui nii̱.

Xota̱ Éfeso̱ 5:26

kui nii̱ xi katsꞌén nga katsꞌéntsi̱ꞌe̱. Eén katsꞌéntsjieni, kó ndáfoa aniéjónni,

1 Xota̱ Tesalónika̱ 2:12

Kó kiꞌmíyàjne̱ nga kixi̱ ku̱i̱ṉtsomajnú xikótsꞌèn mejeén Néná, kui Néná xí tsíchji̱a̱jnú tsi̱ꞌe̱ nga kui xi ko̱tíxomájnú, kó sa̱kójnú kjo̱a̱jee̱.

1 Xota̱ Tesalónika̱ 5:23

Kó ti̱ kuii̱ Néná xí tsi̱ꞌe̱ kjo̱a̱xioó, ngatsꞌéntsjie ndo̱jò ndójo̱jnú ngindyi̱ko̱n kui, ngatsꞌéntsjie a̱si̱énni̱xtjinjnú, ko̱jo ini̱ma̱jnú, ko̱jo yojojnú, kó nga jmíjín xi chꞌo tsꞌén ku̱i̱chji̱a̱taꞌinjnú kjiꞌanga kjo̱e̱ꞌe nginí Ndi̱a̱ná Jesukristoo̱.

2 Timoo̱ 1:9

Kui Néná xí tsꞌaxiéꞌáná, ko̱jo xi tsíchji̱a̱ná tsi̱ꞌe̱ nga ngo na̱xi̱ńdá tsjie ka̱ma, jmí tsi kjo̱a̱a̱ ni xi kiniꞌán, ta̱sá kjo̱a̱a̱ ni xi je tjíndaa̱, ko̱jo kjo̱a̱a̱ kjo̱a̱nda xi katseꞌéná ñá nga kui Kristo̱ Kjisoo̱ xi ko̱ndókjo̱a̱ ñá ndeskande ni̱xtjin nga katsꞌénda nga̱sondiee̱.

2 Timoo̱ 4:18

Kó Ndi̱a̱ná kꞌo̱xiéꞌána kjo̱a̱a̱ ngayeje ni xi ndajiín, kó kꞌo̱xiéꞌána tsi̱ꞌe̱ nga kui ko̱tíxomana ki̱a̱ ndiꞌakꞌajmii̱. Kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

Xota̱ Ebreo̱ 3:1

Kó kuíni ntsꞌie, jún xi xota̱ na̱xi̱ńdá tsjiee̱, jún xí je tsíchji̱a̱jnú Néná tsi̱ꞌe̱ nga kui ko̱ndókjo̱a̱nijnú, ti̱ꞌankjó cha̱n cha̱njnú kjo̱a̱a̱ Kristo̱ Kjisoo̱ kui xi apostroo̱ Néná ko̱jo xi chináꞌmi xi ꞌniú nkꞌa xaá, kjo̱a̱a̱ kjo̱a̱sꞌijin xi tikónná.

Xo̱jo̱o̱n Sandiyaá 1:1

Án boá xi ꞌmína Sandiyá, mosoo̱ Néná xí Na̱ꞌmii̱ ko̱jo Ndi̱a̱ná Jesukristoo̱, tsꞌentindejnúꞌun jún xi tiejó xota̱ tji̱e̱e̱ Israee̱l xi kastsojoboajnú ngayeje són nga̱sondiee̱.

1 Xo̱jo̱o̱n Peé 1:2

Xikó tsꞌén índa Néná xí na̱ꞌminá nga kamámejeén jaꞌájinjnú jún, tsi̱ꞌe̱ nga xota̱ na̱xi̱ńdá xí tsi̱ꞌe̱ ka̱majnú. Kó nga ngatꞌaa̱ A̱si̱énni̱xtjii̱n, ko̱jo ngatꞌaa̱ nga kꞌien Jesukristoo̱ nga katsꞌéntsjiejónjnú ngayeje jéjnú, tsi̱ꞌe̱ nga ko̱nda̱ꞌyáꞌénjnú. Ngatama tsie kjo̱a̱nda ko̱jo kjo̱a̱xió xi tsja̱ajnú Néná.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

1 Xo̱jo̱o̱n Peé 5:10

Kó ngije ikitjatiójnú chií kjo̱a̱ni̱ma̱ chiboa ni̱xtjin, kui Néná xí tsi̱ꞌe̱ ngayeje kjo̱a̱ndaa̱, kui xi Jesukristoo̱ katsꞌénkjién nga tsíchji̱a̱ná, tsi̱ꞌe̱ nga sa̱kóná kjo̱a̱je xi fejiín, kui nga tsꞌén xi chjiéngá ka̱majnú, nga tsjangaꞌniújnú, ꞌniú ngatꞌijñájnú, ko̱jo nga tsjandièjín nga jó nga ján kꞌuijñaá ini̱ma̱jnú.

2 Xo̱jo̱o̱n Peé 1:1

Án xí ꞌmína Ximo̱ Pé, nda̱ moso̱ ko̱jo nda̱ apostroo̱ Jesukristoo̱, tsꞌentindejnúꞌun jún xota̱ xi je kasakojnú ngo kjo̱a̱sꞌijin xi bo̱a̱ tsꞌén chjínií xikoó xi tsa̱ji̱n, ta̱ngatꞌanii̱ kjo̱a̱kixi̱i̱ Jesukristoo̱, kui xi Néná xí tsꞌaxiéꞌáná.

Xo̱jo̱o̱n Jundaa̱ 1:21

Ti̱ndyiajinjnú kjo̱a̱tjoó Néná, kó chiyájnúu̱ ni̱xtjin nga Ndi̱a̱ná Jesukristoo̱ kꞌuieé kjo̱a̱ni̱ma̱takón nga tsja̱aná kjo̱a̱mindyion ngatsjéni̱xtjii̱n.

Xo̱jo̱o̱n Jundaa̱ 1:3

Jún ndí ntsꞌie xi tjóna, achichí kamámejeén ini̱ma̱na nga sa̱ꞌinꞌindójnúꞌun kjo̱a̱a̱ kui kjo̱a̱ꞌnaxiéꞌá xi je katsjáná Néná, ta̱nga ngotꞌe̱ tsꞌenꞌindójnúꞌun kui xo̱jo̱o̱n nínga tsꞌénmíꞌájnúꞌun nga ti̱xkántjéjnú kui kjo̱a̱sꞌijin xi ngatsjéni̱xtjin katseꞌeé xota̱ na̱xi̱ńdá tsjiee̱ Néná.