Xo̱jo̱n Salmoo̱ 99:7 - Xo̱jo̱n eén Néná

⁷ Néná ngi̱jii̱n ngo ṉdi̱ tsíchji̱a̱joni, kó kui jaá, katsꞌénkjatjosón ni xi katsó Néná, ko̱jo ni xi kjitꞌa kjo̱a̱botíxoma xi katsjaá.

Xo̱jo̱n Salmoo̱ 99:7 ပူးပေါင်းရင်းမြစ်များ

Xo̱jo̱n Salmoo̱ 105:28

Néná katsangiya kui na̱xi̱ńdaá ngo jñó xi achichí ꞌniú, ta̱nga xota̱ Ejiptoo̱ nde katsꞌénsénjiín kui ni xi fíndikónná.

Éksondo̱ 33:9

Ti̱ kjiꞌa ngije tsꞌasꞌien Moisee̱ kui ndiꞌańkꞌieén, kui ṉdi̱ xi ja̱kjiꞌi yásé má kjiꞌii̱, ki̱a̱ jachókꞌíjñá nga̱ntjo̱a̱a̱, kósꞌe̱ ngayeje xotaa̱ indyiátikoó nga̱ntjo̱a̱a̱ ndiꞌa xi tsi̱ꞌe̱, tji̱e̱nga Néná tsíchji̱a̱jo Moisee̱.

Éksondo̱ 40:16

Ni̱xtjin ngoo̱ sá xi ꞌmí Abii̱b, kjiꞌá boá nga kachjaninkꞌa ndiꞌandikoón Néná, kó bo̱a̱ má tsꞌén kachjaninkꞌa xikótsꞌèn atíxoma Néná. Jè má ngo nó chi̱bo̱a̱ chi̱bo̱a̱ je jaꞌa nga jatjoni xota̱ Israee̱l nangi Ejipto̱ nga bo̱a̱ kamá.

Énkjínkón 28:9

Xota̱ xi ntꞌiéjiín kjo̱a̱kitii̱ Néná, Néná achichí chꞌo maá nga chji̱a̱a̱.

Xki̱ 12:5

Néná jatjajenni kui ṉdi̱ xi ja̱kjiꞌi yásé má kjiꞌi, kó ki̱a̱ kisꞌijña nínga bitjasꞌi̱e̱nnii̱ ndiꞌandikoón, kó tsíchji̱a̱a̱ Aaroo̱n ko̱jo na̱ Riyaa̱, kó ngije jachókón tiñaa̱,

Xki̱ 16:15

Achichí ꞌniú katsꞌénxchán Moisee̱, kó bi̱ katsoó Néná: «Ngata̱ chjábéjíi̱n kjo̱a̱tjoó kui xotaa̱, ji Ne tsa̱ꞌa̱n. Kji̱e̱ ngo ndi̱yà nga ngo ni xi ndajín xi je katsꞌenjo̱ an kui xotaa̱, kó kji̱e̱ ngo ni je katsjána an. Kótsꞌèn bo̱a̱ ndyi̱tsóni nga ndajín tjítsꞌenjo̱ an.»

Ndeuteronomio̱ 4:5

»Néná boá xi je katsjákjo̱a̱na nga kokoyájnúꞌun ngayeje kjo̱a̱botíxomaa̱, tsi̱ꞌe̱ nga ko̱nda̱ꞌyáꞌénjnú ki̱a̱ nangi nínga ku̱i̱ndyionjnú. Kó bo̱a̱ tsꞌén kjiꞌanga xota̱ na̱xi̱ńdá xí ngasee̱ ku̱i̱ntꞌiè kuí kjo̱a̱botíxomaa̱, bo̱a̱ ka̱tso̱ nga jún boá ngo xtín xota̱ na̱xi̱ńdá xí je, xi chji̱ni̱e̱, ko̱jo xi tjiín kjo̱a̱kjíntakón, ngatꞌa̱ tjínjnú ngo kjo̱a̱bokoyá xi nda, kó májnú ndaꞌyáꞌénjnúu̱ kui kjo̱a̱bokoyaá.

Xota̱ Ebreo̱ 3:2

Kjisoo̱ kixi̱ katsꞌén xaá ngindyi̱ko̱n xi katsjaá kui xaá, xikótsꞌèn Moisee̱ kixi̱ katsꞌén xá xi katseꞌeé ngi̱jii̱n ngayeje xotaa̱ Néná.