Xo̱jo̱n Salmoo̱ 97:10 - Xo̱jo̱n eén Néná

¹⁰ Jún xi tjójnú Néná, ti̱ꞌanchꞌójnú ni xi ndajiín. Kuí boá xi foaꞌátjó ini̱ma̱a̱ xota̱ xi tsjiee̱, kó kuí boá xi ꞌboxiéꞌáni ngi̱ya tsja xota̱ xi ndajiín,

Xo̱jo̱n Salmoo̱ 97:10 ပူးပေါင်းရင်းမြစ်များ

Xo̱jo̱n Salmoo̱ 101:3

Nde ngojín nii̱ xindajín xi koaꞌaxki̱ an, ngatꞌa̱ chꞌóna ni xi tsꞌén xota̱ xi xín ndi̱yà kjien, kó tsjandièjín an nga ki̱a̱ nijan sa̱ꞌínkamajo̱na.

Xo̱jo̱n Salmoo̱ 119:163

Chꞌóna kjo̱a̱ndisoo̱, ¡kó tsjajín mána! Ta̱nga tjóna kjo̱a̱bokoyáa̱.

Xo̱jo̱n Salmoo̱ 121:7

Néná boá xi skoón, kó kꞌo̱xiéꞌaá kjo̱a̱a̱ ngayeje ni xi ndajiín.

Xo̱jo̱n Salmoo̱ 125:3

Jmí tsi ngatsjéni̱xtjin nga xota̱ xi ꞌniú ndajiín ko̱tíxomaa̱ xota̱ na̱xi̱ńdaá Néná, tsi̱ꞌe̱ nga xota̱ xi ndaa̱, sa̱ꞌínjín ni xi ndajiín.

Xo̱jo̱n Salmoo̱ 145:20

Ngatsjéni̱xtjin nga tichìi̱n ngayeje xota̱ xi tjoó ji, ta̱nga niꞌínkjié jí xota̱ xi ꞌniú ndajiín.

Xo̱jo̱n Salmoo̱ 31:23

Ti̱ꞌantjójnú Néná, ngayeje jún xi xota̱ xi tsjiee̱, Néná kónrií xota̱ xi kjimaꞌniátakón kuí, ta̱nga xota̱ xi nkꞌakoo̱n, tsjáchjírií nga tsjaá ni xi tsoboaá.

Xo̱jo̱n Salmoo̱ 34:14

Ti̱xínboeꞌée̱ ni xi ndajiín, kó ni xi ndaa̱ ti̱ꞌin, ti̱ndyi̱sé ji kjo̱a̱xioó, kó kui tꞌentji̱ngi ji.

Xo̱jo̱n Salmoo̱ 36:4

Ndeskande ndatsi to̱kó kjiꞌijña ngase, nga ta̱soboá ni xi ndajiín boá xi tsꞌénkjó, jmí tsi ndi̱yà xí ndaa̱ xi tsoꞌbá, ngatꞌa̱ ma chꞌójiín ni xi ndajín xi tsꞌén.

Xo̱jo̱n Salmoo̱ 91:14

Bi̱ tsó Néná: «Ta̱ngatꞌanii̱ nga tjoó an, kuíni nga an kꞌoxiéꞌá an, kó nkꞌa kꞌuijñá an, ta̱ngatꞌanii̱ nga je kamábe jaꞌénna.

Énkjínkón 2:8

Néná boá xi koo̱n ndi̱ya̱à xota̱ xi kixi̱ tsꞌén xaá, ko̱jo koo̱n ndi̱ya̱à xota̱ xi kui kjimaꞌniátakón.

Énkjínkón 3:7

Ngata̱ nkꞌakonjín ꞌnaxié ji yojòo̱ kjo̱a̱a̱ nga kjínkón ji, che̱ndikín jí Néná, kó tji̱taxíntꞌée̱ ni xi ndajiín,

Énkjínkón 8:13

Xota̱ xi bendikón Néná, chꞌórií ni xi ndajín. An chꞌóna kjo̱a̱nkꞌakoo̱n ko̱jo nga je ꞌnaxié yojoná, ko̱jo ndi̱yà xí ndajiín, ko̱jo én xí chꞌo aa̱.

Xota̱ Roma̱ 12:9

Ti̱ꞌantjó ja̱koxi̱jnú xingi̱jnú. Ti̱ꞌanchꞌójnú ni xi ndajiín, kó ni xi ndaa̱ tangíntji̱ngíjnú.

Xota̱ Roma̱ 7:15

Ngatꞌa̱ ni xi tsꞌen an makjínjínna, ngatꞌa̱ jmí tsi ni xi mejénna xi tsꞌen an, ta̱sá ni xi sasiénjínna xi tsꞌen an.

Xota̱ Roma̱ 7:24

¡Ni̱ma̱ xò án! ꞌYá xí ko̱síko̱jona nga ku̱i̱ꞌíjñandéna kui yojo xi̱ꞌbi̱ xi tsꞌéntsjána kjo̱a̱bo̱yaa̱.

1 Xota̱ Korinto̱ 8:3

Ta̱nga tsi tjín xota̱ xi ndyi̱tsꞌèntjó Néná, Néná jè be ꞌyá xota̱ xi̱ꞌba̱.

2 Xota̱ Tesalónika̱ 3:2

Kó ndókjo̱a̱jnúu̱ Néná tsi̱ꞌe̱ nga xín sa̱ꞌínkjaꞌajne̱ ngayeje xota̱ xi chꞌokon ko̱jo xi ndajín. Ngatꞌa̱ jmí tsi ngayeje xotaa̱ xi sꞌijii̱n Néná.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

1 Xo̱jo̱o̱n Peé 1:8

Jesukristoo̱ xí ndyi̱niꞌántjójnú ndatsi kamáyàjínjnú kó kisꞌie kje̱n, kó tjisꞌíjinjnú ndatsi ngotꞌe̱ yàjínjnú kje̱n, achichí kjo̱a̱tsja xi ꞌniú jè tjínjnú, kó ngaskande nde yàjín kótsꞌèn kꞌuiyá kuí nii̱,

1 Xo̱jo̱o̱n Juaa̱ 4:19

Ñá ndyi̱niꞌántjó Néná, ngatꞌa̱ kuí xí tjón katsꞌéntjóná ñá.

1 Xo̱jo̱o̱n Juaa̱ 5:18

Jè ya ñá nga ngayeje xota̱ xi Néná je katsjaá nga ndií kui ka̱ma, ngájiín nga tsꞌénjé, ngatꞌa̱ ndií kui Na̱ꞌmii̱ tsꞌénkoón kui xota̱ xi̱ꞌba̱, kó xindajín tsꞌénjo̱jín.

Ni xi akakoo̱ 13:8

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.