Xo̱jo̱n Salmoo̱ 96:8 - Xo̱jo̱n eén Néná

⁸ Cha̱ndikónjnú Néná xikótsꞌèn tsoboaá nga si̱ꞌandikón jaꞌeén, ndibájo̱jnúu̱ kjo̱a̱tjó, kó ti̱tjásꞌi̱e̱njnú ki̱a̱ ndi̱tsee̱n ndiꞌandikoón.

Xo̱jo̱n Salmoo̱ 96:8 ပူးပေါင်းရင်းမြစ်များ

Xo̱jo̱n Salmoo̱ 100:4

Ti̱tjásꞌi̱e̱njnú nínga tikón nga̱ntjo̱a̱ Ndiꞌandikoón, ¡kó ti̱ꞌantsjàjnúu̱ nga ku̱i̱tjásꞌi̱e̱njnú ndi̱tsee̱n! Te̱ꞌéjnúu̱ ndokꞌóchji̱ì, kó ti̱ꞌantsjàjnúu̱ jaꞌeén.

Xo̱jo̱n Salmoo̱ 111:9

Néná boá xi katsꞌéndé xota̱ na̱xi̱ńdaá, kó bo̱a̱ tsꞌén katsjá tsꞌoa nga ngatsjéni̱xtjin sa̱ꞌínkjatjosón ni xi índajo̱. ¡Achichí ngaꞌniú tjiín Nee̱ xota̱ Israee̱l, tsjie kuí Néná xí ngototoo̱!

Xo̱jo̱n Salmoo̱ 29:2

Te̱ꞌéjnúu̱ Néná kjo̱a̱je xi tsoboaá kjo̱a̱a̱ jaꞌeén, ti̱ꞌantsjàjnúu̱ Néná kjo̱a̱a̱ kjo̱a̱tsjakjiꞌii̱ tsjie xi tjiín.

Xo̱jo̱n Salmoo̱ 45:12

Kó ínchjín xí chji̱a̱ni na̱xi̱ńdáꞌniú Tiroo̱ achichí ni tsjakon kji̱ndi̱bájo̱, kó xota̱ cho̱o̱n na̱xi̱ńdaá ni̱ma̱ ka̱tso̱ nga ku̱i̱ꞌaa̱ kjo̱a̱nda.

Xo̱jo̱n Salmoo̱ 72:10

¡Já re xi chji̱a̱ni nangi Tarsii̱ ko̱jo xi síndo tji̱ngi̱i̱, ngatꞌíchjií to̱n xi machjítjé ni! ¡Já re xi chji̱a̱ni nangi Arabia̱, ko̱jo xi chji̱a̱ni nangi Etiopía̱ ngatjandibájoo̱ ni tsjakon kui ree̱ nga!

Xota̱ Roma̱ 12:1

Kó kuíni ntsꞌie, ꞌniú míꞌájnúꞌun ta̱ngatꞌanii̱ kjo̱a̱ni̱ma̱takoón Néná, tsi̱ꞌe̱ nga kui si̱ꞌankꞌasꞌienjnúu̱ yojojnú xikoó ngo kjo̱a̱tjó xi tikón, ko̱jo xi tsjie, ko̱jo xi tsja ka̱maa̱ Néná. Kuí bí kjo̱a̱niꞌántsjà xi ja̱koxi̱ xi chjiéngá ko̱e̱ꞌé.

Xota̱ Roma̱ 15:16

tsi̱ꞌe̱ nga mosoo̱ Jesukristoo̱ ka̱ma an, nganda tsi̱ꞌe̱ xota̱ xi jundío̱jín nga kokoyáa̱ eén Néná, kó kui xotaa̱ ngo kjo̱a̱tjó xi nda ka̱ma ngindyi̱ko̱n Néná, kjo̱a̱tjó xi tjítsꞌéntsjie A̱si̱énni̱xtjii̱n Néná.

Xota̱ Filipo̱ 2:17

Jún kjimaꞌniátakónjnú Néná, kó ndyi̱niꞌántsjájnúu̱, kó kui ni xi̱ꞌba̱ xikónií tsi ngo chji̱e̱ ndyi̱boeꞌéjnúu̱. Tsi an si̱ꞌankꞌienna, án xí ka̱mando̱joní an kui chji̱e̱e̱. Tsi bo̱a̱ ka̱ma achichí tsjá ka̱mana, kó ti̱ tsja mana kjo̱a̱a̱ jún.

Xota̱ Filipo̱ 4:18

Ngayeje ni xi kanangiyajnúꞌun je kiniꞌánkꞌasꞌienna, kó ngaskande tsꞌatio tjínna ngotꞌe̱. Epafronditoo̱ katsꞌénkꞌasꞌienna ni xi kanangiyajnúꞌun, kó kui nii̱ xi katsꞌéndo̱jò ni xi kamáchjiénna. Kuí nii̱ xi xikoó ngo kjo̱a̱nda xi tjiín nisije̱n, ngo kjo̱a̱tjó xi tsja maa̱ Néná nga kjíbé.

Xota̱ Ebreo̱ 13:13

Tjianchóo̱n Kjisoo̱ tsobo̱a̱ ki̱a̱ ndi̱tsee̱n kui ṉdi̱a̱a̱, kó nijan ku̱i̱tja̱tió kuí kjo̱a̱soboá xi jaꞌatio kui.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

Ni xi akakoo̱ 15:4

ꞌYá xi stsa̱kjonjiín, Ndi̱a̱. ꞌYá xi tsja̱ajiín kjo̱a̱je jaꞌée̱n. Ngatꞌa̱ ta̱ jí tsi xi tsjie ji, kuíni nga ngayeje na̱xi̱ńdaá kji̱ndi̱bá, kó sa̱ꞌíndikoón, ngatꞌa̱ jè akake ji nga ta̱nisién kixi̱ ji.