Xo̱jo̱n Salmoo̱ 96:10 - Xo̱jo̱n eén Néná

¹⁰ Bi̱ nga tsó xota̱ na̱xi̱ńdaá: «¡Néná boá xi tsꞌénbotixómá!» Kuí boá xi ꞌniú íjñá kui nga̱sondiee̱, kó ka̱matíyájiín. ¡Kuí boá xi kixi̱ ko̱tíxomaa̱ ngayeje na̱xi̱ńdaá!

Xo̱jo̱n Salmoo̱ 96:10 ပူးပေါင်းရင်းမြစ်များ

Xo̱jo̱n Salmoo̱ 126:2

Ndso̱ꞌbajne̱ jatjoo̱ kjo̱a̱mojnó, ko̱jo só xi tsjatsó. Ngaskande xota̱ na̱xi̱ńdá xí ngasee̱ bi̱ katsó: «Ja̱koxi̱ boá nga achichí fíndikónná ni xi katsꞌén Néná ngandaa̱ kui xotaa̱».

Xo̱jo̱n Salmoo̱ 18:49

Kuíni nga án boá xi kuichjiá an kjo̱a̱a̱ ji ngi̱jii̱n xota̱ na̱xi̱ńdaá Ji Ne, kó siee salmo̱ nga skuiendikón án jaꞌée̱n.

Xo̱jo̱n Salmoo̱ 46:10

Kó bi̱ katsó Néná: «Xió ti̱ndyiónjnú, kó ngatamayajnú nga an boá xi Ne an, kó si̱ꞌandikónna ngi̱jii̱n ngayeje na̱xi̱ńdaá, ko̱jo xcha̱ndikónna ngayeje tꞌanangii̱.»

Xo̱jo̱n Salmoo̱ 46:6

Achichí nda̱ kamaá xota̱ na̱xi̱ńdaá, jatsiéndíkón má ngi̱ndie nínga botíxomaa̱, nga kandaꞌyá nda̱a̱ Néná, kamáńdá má tꞌanangii̱.

Xo̱jo̱n Salmoo̱ 58:11

Kósꞌe̱ bi̱ ka̱tso̱ xota̱ nga̱sondiee̱: «¡Nga ja̱koxi̱, tsꞌén ngo ni xi niꞌán xota̱ xi kixi̱i̱! ¡Ja̱koxi̱ boá nga tikón ngo Néná xí kixí tsꞌén tsꞌenseén xotaa̱ kui nga̱sondiee̱!»

Xo̱jo̱n Salmoo̱ 59:13

¡Ti̱ꞌinkjie ji nga si̱ꞌinxchín ji Ne, ti̱ꞌinkjie ji tsi̱ꞌe̱ nga ka̱makjínjín ngase! ¡Kó ngatamaya ngaskande nínga fetꞌanii̱ tꞌanangii̱, nga jí boá xi botíxomée̱ xota̱ tji̱e̱e̱ Jakoo̱b!

Xo̱jo̱n Salmoo̱ 67:4

¡Tsja ngatamajnú, kó tsjatsꞌèn ndajnú jún ngayeje xota̱ na̱xi̱ńdá! Ngatꞌa̱ jí boá xi kixi̱ ko̱ti̱xomée̱ xota̱ na̱xi̱ńdaá. ¡Kó jí boá xi ko̱kée̱ ndi̱yà xota̱ nga̱sondiee̱!

Xo̱jo̱n Salmoo̱ 7:9

Ngatjie ngotꞌe̱ ꞌne̱ ni xi ndajín xi tsꞌén xota̱ xi ndajiín, kó xota̱ xi kixi̱i̱, ꞌniú ngasꞌijña, ngatꞌa̱ kui Ne xi kixi̱i̱, kuí boá xi kotꞌa ini̱ma̱a̱ ko̱jo kjo̱a̱niꞌánkjoó.

Xo̱jo̱n Salmoo̱ 9:8

Kó kixi̱ tsꞌén sa̱ꞌínjeé xota̱ na̱xi̱ńdá xí tjín nga̱sondiee̱, kó ta̱ són sa̱ꞌínjo̱ na̱xi̱ńdaá nga sa̱ꞌínjeé.

Xo̱jo̱n Salmoo̱ 9:9

Néná boá xi skoón xota̱ xi ndajín mataꞌii̱n, kuí boá xi tsja̱angaꞌniuú xotaa̱ kjiꞌanga nda̱ ka̱maa̱.

Xo̱jo̱n Salmoo̱ 93:1

¡Néná boá xi tsꞌénbotixómá, kó jè yajá ńjñoo̱ re! Néná tsajá ńjñoo̱, kó tsꞌénbokó ngaꞌniuú. Jè ꞌniú tikón kui nga̱sondiee̱, kó ka̱matíyájiín.

Xo̱jo̱n Salmoo̱ 96:13

Nga sie ngindyi̱ko̱n Néná, ngatꞌa̱ jè ndibá, ngatꞌa̱ jè ndibákatíjeé xota̱a̱ kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó kjo̱a̱ꞌniátakoón sa̱ꞌínkjién nga ko̱tíjeé xota̱ na̱xi̱ńdaá.

Xo̱jo̱n Salmoo̱ 98:9

Ngatꞌa̱ Néná ndibákatíjeé kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó ndse̱je̱n tsꞌén ko̱tíjeé ngayeje xota̱ na̱xi̱ńdaá.

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Ni xi kamá 17:31

ngatꞌa̱ nga Néná jè jaꞌájin ngo ni̱xtjin nga kixi̱ tsꞌén ko̱tíjeé xotaa̱ kui nga̱sondiee̱, kó jè jaꞌájin ngo nda̱ xi sa̱ꞌín kui nii̱, kó jè íjñá chi̱bo̱a̱ná ngayeje ñá, kjiꞌanga katsꞌénkjaꞌáꞌyaá ngi̱jii̱n xota̱ xi je jesoón.

Xota̱ Ngalasia̱ 1:16

Kó ni̱xtjin nga kamámejeén akóna ndií, tsi̱ꞌe̱ nga kꞌuini̱jmì án éntjatsi̱e̱e̱ Néná ngi̱jii̱n xota̱ xi jundío̱jín, kó nde ngojín xota̱ xi asíyáa̱ tsi nda, ko̱jo tsi ndajínkjiꞌi kui nii̱.

Xota̱ Kolosa̱ 2:7

ꞌNiú ti̱ꞌanꞌniátakónjnú Kristoo̱, xikoó tsi ngo yá xí na̱nga̱ tikón ja̱ma̱a̱ ngatamajnú. ꞌNiú ti̱ndyiàjnú kjo̱a̱a̱ kui kjo̱a̱sꞌijii̱n xikótsꞌèn akakoyájnú, kó ngatsjéni̱xtjin te̱ꞌéjnúu̱ ndokꞌóchjì Néná.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Ni xi akakoo̱ 11:15

Kó xi ma yito ndítsjiee̱ katsꞌénkjanie, sꞌe̱ ꞌniú kandaꞌyá kjín nda̱ ki̱a̱ ndiꞌakꞌajmii̱ xi bi̱ katsó: Ngayeje nga̱sondiee̱ je Ndi̱a̱ná ko̱jo Kristoo̱ ko̱tíxomaa̱, kó kuí xí ko̱tíxoma ngatsjéni̱xtjii̱n.

Ni xi akakoo̱ 19:11

Kó kamábe an nga tji̱e̱nti̱xa̱ ndiꞌakꞌajmii̱, kó ngo ndi̱je̱ tiboa tikón ki̱a̱a̱, kó kui nda̱ xi tikónsoón kuí xí ꞌmí xi ꞌNiátakón ko̱jo xi Ja̱koxi̱i̱, ngatꞌa̱ nga kixi̱ atíxoma nga askjantjé.

Ni xi akakoo̱ 19:6

Ti̱ tsintꞌie an ngo ni xi xikoó nda̱a̱ kjín xota̱, xikó má tsꞌén fonie ndáfoaa̱ ndejeèꞌ nga ꞌbóka, ko̱jo tsi xikótsꞌèn ꞌniú fonie cho̱ꞌo̱o̱n, xi bi̱ katsó: ¡Nganiꞌántsjaá Néná! Ngatꞌa̱ jè ítsꞌi̱yanii̱ nga ko̱tíxoma Ndi̱a̱ná, Néná xí tjiín ngaꞌniuú.