Xo̱jo̱n Salmoo̱ 92:5 - Xo̱jo̱n eén Néná

⁵ A xi̱xi̱ yiꞌi ni xi kiniꞌínde ji, ji Ne. Achichí kjo̱a̱kjíntakón tjiín,

Xo̱jo̱n Salmoo̱ 92:5 ပူးပေါင်းရင်းမြစ်များ

Xo̱jo̱n Salmoo̱ 104:24

Ji Ne, achichí ni xi je kiniꞌínde ji, kó kjo̱a̱kjíntakóo̱n kiniꞌínkjín nga kiniꞌínde ji ngayejee̱. ¡Jè tjikítsieni nga̱sondiee̱ ngayeje ni xi ji kiniꞌínde!

Xo̱jo̱n Salmoo̱ 111:2

¡Achichí yiꞌi kjo̱a̱ndikón xi je katsꞌén Néná! Achichí tsjá maá xotaa̱ nga ꞌbindíkón kuí nii̱.

Xo̱jo̱n Salmoo̱ 139:17

Ji Ne, ¡achichí niꞌín mána nga makjínna kjo̱a̱kjíntakóo̱n! ¡Ta̱nga achichí niꞌín ngase ka̱mana tsi kꞌuixki̱ an! ¡Kjín ngase má ta̱bo̱a̱jiín tsomií ndáchíkoón! ¡Kó ndatsi ka̱mana kꞌuixki̱ an, kjófé an, kó nga kjo̱a̱ꞌána, kó ji, to̱kó ki̱a̱ra̱ tindyintꞌení!

Xo̱jo̱n Salmoo̱ 36:6

Kjo̱a̱kixi̱ xi niꞌín ji, bo̱a̱ má kón xikoó na̱xi̱i̱ Néná, kó kjo̱a̱botíjée̱ bo̱a̱ má kón xikoó nínga na̱nga̱a̱ ndáchíkoón. ¡Jí boá xi tichìi̱n nga síndo xota̱ nga̱sondiee̱ ko̱jo cho̱o̱!

Xo̱jo̱n Salmoo̱ 40:5

Ji Ne xi tsa̱ꞌa̱n, jè kiniꞌín kjín ngase ji kjo̱a̱ndikóo̱n, ko̱jo ni xi kiniꞌín ji nganda tsa̱ji̱n. Jmíjín xi kjo̱chótji̱ngii̱ ji. Tsi xiyà an ngayeje kui nii̱ nde jmíjín xi ka̱maxki̱i̱.

Xo̱jo̱n Salmoo̱ 64:6

Ni xi ꞌniú ndajín ꞌbínda, kó bi̱ tsó: Jè kamándo̱joná nga nda je ikꞌínda ngo ni. Kó ni xi ꞌniú tjiꞌmaá kjo̱a̱niꞌánkjoó nga ngo nga ngo, je tjítsꞌénkjátsón ngaskande nínga ꞌniú na̱nga̱a̱ ini̱ma̱a̱.

Xo̱jo̱n Salmoo̱ 66:3

Bi̱ tꞌínjnúu̱ Néná: ¡Achichí fíndikónná ngayeje ni xi je kiniꞌínde ji! Ta̱ngatꞌanii̱ nga tsie ngaꞌniú xí tjiín, kuíni nga kondra̱a̱ ki̱a̱ kꞌuíndo ngindie ndsa̱ki ji.

Eklesiastee̱ 7:24

Ngayeje ni xi tjiín achichí kjin tikónna, kó achichí niꞌín kjiꞌi nga skuie an. Kó, ꞌyá xí ka̱makjiín kui nii̱.

1 Xota̱ Korinto̱ 2:10

Ta̱nga A̱si̱énni̱xtjii̱n Néná jè akóná kui nii̱, ngatꞌa̱ A̱si̱énni̱xtjii̱n ngayeje nii̱ xi kotꞌa, ngaskande ni xi ꞌniú tjiꞌmaá Néná.

Ni xi akakoo̱ 15:3

Kó kisie soó Moisee̱, mosoo̱ Néná, ko̱jo soó cho̱tsa̱nga̱a̱. Bi̱ tsó kui soó: Achichí je ko̱jo fíndikónná ngayeje ni xi kiniꞌínde, jí boá xí Ndi̱a̱ná, kui xi Néná xí tjiín ngaꞌniuú, kixi̱ ko̱jo ja̱koxi̱ boá ndi̱yàa̱, jí boá xí Ree̱ ngayeje xota̱ na̱xi̱ńdá tsjiee̱.