Xo̱jo̱n Salmoo̱ 91:2 - Xo̱jo̱n eén Néná

² Bi̱ xiáa̱n Néná: Jí boá xi xikoó ngi̱ndie nínga botíjña̱ an, jí boá xi ngaꞌniúna, jí boá xi ꞌniátakón an.

Xo̱jo̱n Salmoo̱ 91:2 ပူးပေါင်းရင်းမြစ်များ

Xo̱jo̱n Salmoo̱ 14:6

Akajnóchájnú ni xi mejeén sa̱ꞌín xota̱ ni̱ma̱a̱, ta̱nga Néná boá xi koo̱n kui xotaa̱.

Xo̱jo̱n Salmoo̱ 142:5

Ji Ne, jí boá xi ꞌniú tsꞌénmíꞌaá ko̱jo bi̱ tꞌíxiaán: «¡Jí boá xi tichínní! ¡Kꞌi̱e̱ kui nga̱sondiee̱ jí boá ngayeje ni xi tjínna!»

Xo̱jo̱n Salmoo̱ 142:6

¡Ti̱ꞌinsénní nga tsꞌénchji̱a̱a̱, ngatꞌa̱ jè ngiti̱ jmí ngaꞌniújínna! ¡ꞌNa̱xiéꞌéní ngi̱ya tsja kondra̱na, ngatꞌa̱ ꞌniú ngase tjiín ngaꞌniú, ta̱bo̱a̱jiín an!

Xo̱jo̱n Salmoo̱ 18:2

Ji Ne, jí boá xi xikoó ngo ndi̱jo̱je xi tsa̱ꞌa̱n, jí boá xi xikoó ngo ndiꞌaa̱ re, ko̱jo jí boá xi niꞌíndéní. Ne tsa̱ꞌa̱n, jí boá xi ngaꞌniúna, ko̱jo jí boá xi chínní, jí boá xi xikoó ngo ni xi ꞌbíchjaá ni xi ndajín, jí boá xi ꞌnaxiéꞌéní nga niꞌínkjìn jí ngaꞌniúu̱. Jí boá xi xikoó ngo ngi̱ndie xi ꞌniú nkꞌa nínga botíjña̱ ꞌma an.

Xo̱jo̱n Salmoo̱ 18:3

Néná boá xi kuichjiáa̱, ngatꞌa̱ kuí boá xi tsoboaá nga si̱ꞌantsjaa̱, kó kjo̱tjoꞌa an ngi̱ya tsja kondra̱na.

Xo̱jo̱n Salmoo̱ 25:2

ji Ne tsa̱ꞌa̱n, jí boá xi ꞌniákoo̱n, mejénjínna nga kjo̱a̱soboá kjo̱a̱ꞌa an, mejénjínna nga ko̱jno̱kiena kondra̱na.

Xo̱jo̱n Salmoo̱ 31:15

Ngi̱ya ndse̱ boá nínga tikón ni̱xtjinna, ¡ꞌna̱xiéꞌéní ngi̱ya tsja kondra̱na ko̱jo xota̱ xi ndyi̱mongatji̱ngina!

Xo̱jo̱n Salmoo̱ 43:4

Kósꞌe̱ kꞌosꞌi̱e̱n an nínga tikón ṉchaa̱n Néná, kui Néná xí kjo̱a̱tsjana, ko̱jo kjo̱a̱mojnóna, kó ki̱a̱ sa̱ꞌintsjaá nga sa̱ꞌinkjièn án soó arpaa̱, ngatꞌa̱ jí boá xi Néna ji, Ne tsa̱ꞌa̱n.

Xo̱jo̱n Salmoo̱ 46:1

Néná boá xi kónná ko̱jo xi tsjangaꞌniúná, kuí boá xi tsá bosikójoná kjiꞌanga nda̱ kjimáná.

Xo̱jo̱n Salmoo̱ 46:2

Kuíni nga ko̱ndoko̱njín ñá ndatsi kjo̱tsiè tꞌanangii̱, ko̱jo ndatsi na̱xi̱i̱ ko̱e̱je̱ngandá ngamasiee̱n ndáchíkoón,

Xo̱jo̱n Salmoo̱ 48:14

¡Nga bo̱a̱ kjiꞌi ni xi tsꞌén Néná, ngatsjéni̱xtjin ko̱jo ta̱kjiꞌání! ¡Néná boá xi kꞌuíjñatjónná ngaskande nínga kjín ngasenii̱ kjo̱a̱bo̱yaa̱!

Xo̱jo̱n Salmoo̱ 61:5

Ngatꞌa̱ ji Ne, jè kandaꞌyé ji ni xi kixiyatjoón nga sa̱ꞌinkjatjosón an, jí boá xi katseꞌée̱ tꞌanangi xota̱ na̱xi̱ńdá xí bendikón jaꞌée̱n.

Xo̱jo̱n Salmoo̱ 71:3

¡Jí boá xi ngatama ji xikoó ngo ndi̱jo̱je, nínga ngatsjéni̱xtjin nga ka̱ma ki̱a̱ kjuín án! Jè katseꞌé ji kjo̱a̱, tsi̱ꞌe̱ nga ko̱ꞌna̱xiéꞌéní, ngatꞌa̱ jí boá xi ndi̱jo̱ jena, ko̱jo jí boá xi boeꞌéní ngaꞌniú.

Xo̱jo̱n Salmoo̱ 91:9

Ngatꞌa̱ nga ikꞌíjñí ji Néná nga kui xi skoón, ko̱jo nga kui Néná xi tikón ndiꞌakꞌajmii̱ xi xikoó tsi ngi̱ndie nínga tindyin ji,

Énkjínkón 18:10

Jaꞌeén Néná, kuí boá xi xikoó ngo tarié xi ꞌniú tikón, kó ki̱a̱ boá nínga fí manga manga xota̱ xi kixi̱i̱, nga mongase nga ko̱si̱ko̱jo.

Rkaa̱ 20:38

Ngatꞌa̱ Néná jmí tsi Nee̱ xota̱ xi je jesón, Nee̱ xota̱ xi síndo boá, ngatꞌa̱ ta̱ngatꞌanií Néná nga tindyión nga̱sondiee̱.

Xota̱ Ebreo̱ 11:16

Ta̱nga ngo na̱xi̱ńdá xí nda ngase xi kamámejeén, kó kuí boá xi tikón ndiꞌakꞌajmi jàn. Kuíni nga Néná, soboájín maá nga Nee̱ kui xota̱ tjíꞌmií, ngatꞌa̱ jè íjñandaa̱ ngo na̱xi̱ńdá.