Xo̱jo̱n Salmoo̱ 9:8 - Xo̱jo̱n eén Néná

⁸ Kó kixi̱ tsꞌén sa̱ꞌínjeé xota̱ na̱xi̱ńdá xí tjín nga̱sondiee̱, kó ta̱ són sa̱ꞌínjo̱ na̱xi̱ńdaá nga sa̱ꞌínjeé.

Xo̱jo̱n Salmoo̱ 9:8 ပူးပေါင်းရင်းမြစ်များ

Jenesii̱s 18:25

¡Jí boá ngo Ne xi kotsijee̱n tsi nda ko̱jo tsi ndajín ndyi̱tsꞌèn ngayeje xota̱ nga̱sondiee̱! ¡Kó jí ka̱májín nijan si̱ꞌinkꞌin ji xota̱ xi ndajín ndyi̱tsꞌe̱én ko̱jo xota̱ xi nda ndyi̱tsꞌe̱én! ¡Jí boá ngo Ne xi ndse̱je̱n tsꞌenseén ngayeje xotaa̱!

Xo̱jo̱n Salmoo̱ 10:16

Néná boá xi Re ta̱kjiꞌání, xota̱ na̱xi̱ńdá xí kisꞌińdo tꞌanangi xi tsi̱ꞌe̱ je jesón yeje.

Xo̱jo̱n Salmoo̱ 29:10

Néná boá xi botixómá nga boaꞌa stséꞌniuú, Néná boá xi ngo re xi botixómá ngatsjéni̱xtjin.

Xo̱jo̱n Salmoo̱ 50:6

Nkꞌajmii̱ ka̱tso̱yà kjo̱a̱kixi̱i̱ Néná, ngatꞌa̱ Néná boá xi Ne ndiꞌamasiee̱n.

Xo̱jo̱n Salmoo̱ 94:15

Nga si̱ꞌansee̱n ni xi katsꞌén xotaa̱ kixi̱ ka̱má nginí, kó ngayeje xota̱ xi kixi̱ síndo ini̱ma̱a̱, ki̱a̱ ko̱e̱je̱tji̱ngi kui nii̱.

Xo̱jo̱n Salmoo̱ 96:13

Nga sie ngindyi̱ko̱n Néná, ngatꞌa̱ jè ndibá, ngatꞌa̱ jè ndibákatíjeé xota̱a̱ kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó kjo̱a̱ꞌniátakoón sa̱ꞌínkjién nga ko̱tíjeé xota̱ na̱xi̱ńdaá.

Xo̱jo̱n Salmoo̱ 98:9

Ngatꞌa̱ Néná ndibákatíjeé kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó ndse̱je̱n tsꞌén ko̱tíjeé ngayeje xota̱ na̱xi̱ńdaá.

Xo̱jo̱n Salmoo̱ 99:4

Ngaꞌniú xí tjiín Ree̱, ki̱a̱ yaꞌanii̱ kjo̱a̱kixi̱i̱. Jí boá xi ikꞌíjñí ji ni xi ngo ndséje̱e̱n, jí boá xi kjo̱a̱kixi̱i̱ kiniꞌínkjìn jí, kjiꞌanga akatíjée̱ xota̱ tji̱e̱e̱ Jakoo̱b.

Éksondo̱ 15:18

»Ne tsa̱ꞌa̱n, jí boá xi ko̱ti̱xome ji ngotꞌe̱, ndyiojón ko̱jo ngatsjéni̱xtjin».

Ni xi kamá 17:31

ngatꞌa̱ nga Néná jè jaꞌájin ngo ni̱xtjin nga kixi̱ tsꞌén ko̱tíjeé xotaa̱ kui nga̱sondiee̱, kó jè jaꞌájin ngo nda̱ xi sa̱ꞌín kui nii̱, kó jè íjñá chi̱bo̱a̱ná ngayeje ñá, kjiꞌanga katsꞌénkjaꞌáꞌyaá ngi̱jii̱n xota̱ xi je jesoón.

Xota̱ Roma̱ 2:16

Bo̱a̱ ka̱ma ni̱xtjin nga Néná tsja̱axaá Jesukristoo̱ nga kui xi ka̱tso̱yà tsi nda ko̱jo tsi ndajínkjiꞌi ngayeje ni xi ꞌma xi síndoo̱ xotaa̱, xikó tsó éntjatsi̱e̱e̱ Néná xi tsꞌénꞌbini̱jmìjnúꞌun.