Xo̱jo̱n Salmoo̱ 9:2 - Xo̱jo̱n eén Néná

² Tsjakꞌuiéna ko̱jo tsja ka̱mana ta̱ngatꞌanii̱ ji, ¡siee só, ji Ne xi tindyin ji ki̱a̱ nkꞌajmii̱!

Xo̱jo̱n Salmoo̱ 9:2 ပူးပေါင်းရင်းမြစ်များ

Xo̱jo̱n Salmoo̱ 138:1

Ji Ne, ¡mejénna sa̱ꞌintsjaá ngayeje ini̱ma̱na! ¡Mejénna siee só ngindyi̱ko̱n kje̱ꞌe ne!

Xo̱jo̱n Salmoo̱ 26:7

tsi̱ꞌe̱ nga ko̱nda̱ꞌyaá nda̱na nga tsjaa ndokꞌóchji̱ì, ko̱jo tsi̱ꞌe̱ nga xiyà an ngayeje ni yiꞌi xi kiniꞌín ji.

Xo̱jo̱n Salmoo̱ 27:6

Sꞌe̱ skjinínkꞌá tokó án, nga an xi katsꞌée̱n kondra̱na, kó ki̱a̱ ndiꞌandikoón sa̱ꞌinkꞌasꞌièe̱n kjo̱a̱tjó nga tsjakꞌuiéna, kó siee só, jo̱o̱n, sièe̱ só Néná.

Xo̱jo̱n Salmoo̱ 28:7

Néná boá xi ngaꞌniúna, kó kuí boá xi tsꞌénkónna, xikoó ngo ni xi ꞌbíchjaá ni xi ndajín. Kuí boá xi kamáꞌniátakón ini̱ma̱na, kó kuí boá xi asíko̱jona. Kuíni nga achichí tsjá maá ini̱ma̱na, kó tsꞌéntsjaà, nga siee sóna.

Xo̱jo̱n Salmoo̱ 43:4

Kósꞌe̱ kꞌosꞌi̱e̱n an nínga tikón ṉchaa̱n Néná, kui Néná xí kjo̱a̱tsjana, ko̱jo kjo̱a̱mojnóna, kó ki̱a̱ sa̱ꞌintsjaá nga sa̱ꞌinkjièn án soó arpaa̱, ngatꞌa̱ jí boá xi Néna ji, Ne tsa̱ꞌa̱n.

Xo̱jo̱n Salmoo̱ 5:11

Ta̱nga tsjangatamaa̱ ngayeje xota̱ xi ꞌniákoón jí, ¡ngatsjéni̱xtjin nga tsjatsꞌèn nga sie, ngatꞌa̱ jí boá xi ꞌnaxiéꞌé ji! ¡Ngatsjaá kjo̱a̱tsja ji, ngayeje xota̱ xi tjoó ji!

Xo̱jo̱n Salmoo̱ 7:17

Ta̱nga an ki, sa̱ꞌintsjáa̱ Néná, ta̱ngatꞌanii̱ kjo̱a̱kixi̱i̱. ¡Kó sièe̱ só jaꞌeén kui Néná xí tikón ndiꞌakꞌajmii̱!

Xo̱jo̱n Salmoo̱ 83:18

¡Kó ngatamabe nga ta̱ jí tsí, ji xi ꞌmií Néná, nga jí boá xi Néná xí tikón nkꞌajmii̱ xi tsꞌénbotixómaá ngayeje nga̱sondiee̱!

Xo̱jo̱n Salmoo̱ 86:12

¡Ji Ne, ji xi Ndi̱a̱na ji, ngayeje ini̱ma̱na nga ji sa̱ꞌintsjaá, kó ngatsjéni̱xtjin nga tsjáa̱ kjo̱a̱je jaꞌée̱n!

Xo̱jo̱n Salmoo̱ 92:1

¡Ji Ne, achichí nda nga ji si̱ꞌantsjajne̱, ko̱jo nga ko̱ndàjne̱ salmo̱ jaꞌée̱n, ji Ne xi tindyin ji ndiꞌakꞌajmii̱!

Xo̱jo̱n Salmoo̱ 92:4

Ji Ne, nga ja̱koxi̱ achichí kjo̱a̱tsja katseꞌéní kjo̱a̱a̱ ni xi je kiniꞌín ji, kjo̱a̱a̱ ngayeje ni xi je katsꞌénda ndse̱ ji, ngaskande kjandayà tsjá má an.

Xo̱jo̱n Salmoo̱ 96:3

¡Tꞌíni̱jmijnú kjo̱a̱jee̱ ngi̱jii̱n na̱xi̱ńdaá, kó ngi̱jii̱n ngayeje nangi tꞌíni̱jmijnú ni xi fíndikónná xí katsꞌén kuí!

Xo̱jo̱n Salmoo̱ 97:12

Jún xota̱ xi kixi̱, tsja ngatamajnú kjo̱a̱a̱ Néná, kó te̱ꞌéjnúu̱ ndokꞌóchji̱ì nga kjo̱a̱ꞌátsjienjnú jaꞌén tsjiee̱.

Xo̱jo̱n Salmoo̱ 97:9

¡Ngatꞌa̱ jí boá xi Ne xi tindyin ji nínga nkꞌaa̱, nga̱soón ngayeje tꞌanangii̱! ¡Achichí ꞌniú yandikoón, ta̱bo̱a̱jiín xikoó ngayeje ne xi ngasee̱!

Xota̱ Filipo̱ 4:4

Tsja ngatamajnú ngatsjéni̱xtjin ngatꞌaa̱ Ndi̱a̱ná. Ingo ndi̱yà bo̱a̱ xian nginíjnúꞌun: ¡Tsja ngatamajnú!