Xo̱jo̱n Salmoo̱ 88:1 - Xo̱jo̱n eén Néná

¹ Ji Ne, jí boá xi ꞌnaxiéꞌéní, kó ni̱xtjin ni̱xtji̱e̱n ni̱ma̱ tꞌíxián an ngindyikin ji.

Xo̱jo̱n Salmoo̱ 88:1 ပူးပေါင်းရင်းမြစ်များ

Jenesii̱s 49:18

»¡Ji Ne tsa̱ꞌa̱n, to̱kó tsꞌénkoya an kjo̱a̱bosíko̱jóo̱ ki!

Xo̱jo̱n Salmoo̱ 140:7

Jí boá xi Néna ji, jí boá Ne xi tjiín ngaꞌniú xí ꞌboxiéꞌána, jí boá xi ko̱ꞌna̱xiéꞌéní ni̱xtjin nga ka̱ma kjo̱a̱xcha̱án.

Xo̱jo̱n Salmoo̱ 22:2

Ji Ne tsa̱ꞌa̱n, nga ni̱xtjii̱n tsꞌénchji̱a̱a̱ nga ni̱ma̱ tꞌíxiaán, kó niꞌínsénjínní, tsꞌénchji̱a̱a̱ nga ni̱xtji̱e̱e̱n, kó nde jmí kjo̱a̱xiójínna.

Xo̱jo̱n Salmoo̱ 24:5

Kuí bí kui xotaa̱ xi sa̱ko̱ó kjo̱a̱niꞌánchikonñeé Néná, kó ti̱ kꞌuieé kjo̱a̱kixi̱i̱ kui Néná xí tsꞌaxiéꞌaá.

Xo̱jo̱n Salmoo̱ 27:1

Néná boá ndiꞌí xí tsꞌentsíjenna ko̱jo xi ꞌboxiéꞌána. ꞌYá xí stsakjòo̱n. Néná boá xi tsjangaꞌniúna nga tikón an. ꞌYá xí ku̱i̱ndyiándikónna.

Xo̱jo̱n Salmoo̱ 27:9

Ngata̱ mindyinꞌmíjínní, ti̱nde ngata̱ niꞌínxchínjín ji nga si̱ꞌinchꞌi ji kui mosoo̱ xi̱ꞌbi̱. ¡Jí boá xi tibosíke̱jení, ngata̱ ꞌbíjñísoboéjínní! ¡Ji Ne xi ꞌboxiéꞌána!

Xo̱jo̱n Salmoo̱ 42:1

Xikó má maá nga ma xíndaá ngo ndi̱kꞌijñá, nga ma mejeén ndáfoaa̱ xo̱ngàndántꞌieé, bo̱a̱ má tsꞌén mongasee̱ ini̱ma̱na ji Ne.

Xo̱jo̱n Salmoo̱ 51:14

Ti̱ꞌindení kjo̱a̱a̱ nga ini̱ma̱ niꞌánkꞌieén, ji Ndi̱a̱, ko̱jo ji Ne xi ꞌboxiéꞌána, kó najén án si̱é kjo̱a̱a̱ kjo̱a̱kixi̱i̱.

Xo̱jo̱n Salmoo̱ 53:1

Xota̱ xi kitikjo̱a̱a̱ bi̱ tsó ngi̱jin ini̱ma̱a̱: «Jmíjín Néná». Xota̱ xi je jatson boá, kó ni xi ndajín boá xi tsꞌén, ¡nde ngojín xi ni xi nda tsꞌén!

Xo̱jo̱n Salmoo̱ 62:7

Néná boá xi ꞌboxiéꞌána, kó kuí boá xi kjo̱a̱jena, Néná boá kui ndi̱jo̱je nínga botíjña̱ ꞌma an, Néná boá xi konna.

Xo̱jo̱n Salmoo̱ 65:5

Ji Ne xi ꞌnaxiéꞌéjne̱, jí boá xi niꞌínsénjne̱ nga ji̱n xi niꞌánjne̱. Xota̱ xi síndo nangi nínga kjii̱n, jí boá xi kjimaꞌniátakoón. Bo̱a̱ tsꞌén xota̱ xi síndo ngaskande nínga fetꞌanii̱ ndáchíkoón.

Xo̱jo̱n Salmoo̱ 68:19

¡Ngatamachikonñé Néná! ¡Néná xí ꞌboxiéꞌáná ndyiojón ndyiojón boaꞌanijín chꞌiàná!

Xo̱jo̱n Salmoo̱ 79:9

¡Ji Ne xi ꞌboxiéꞌájne̱, ¡tasíke̱jejne̱! Ta̱ngatꞌanii̱ kjo̱a̱je xi tjiín jaꞌée̱n, ¡xín ti̱ꞌinkjeꞌejne̱ jeé, kó ti̱ꞌinjetakínjne̱ jéjne̱, ta̱ngatꞌanii̱ kjo̱a̱tjó xi tjiín jaꞌée̱n!

Xo̱jo̱n Salmoo̱ 86:3

Ji Ne, ngatamani̱ma̱a̱ an, ngatꞌa̱ jí boá xi tsꞌénchji̱a̱a̱ nga ngo ni̱xtjii̱n.

Rkaa̱ 1:47

Kó a̱si̱énni̱xtjinna iskjínkꞌá má nga tsja kamaá kjo̱a̱a̱ Néná xí ꞌboxiéꞌána.

Rkaa̱ 18:7

Kó Néná a kixi̱jín tsꞌén sa̱ꞌínseén xota̱ xi je jaꞌájin xi nga jñó ko̱jo nga ni̱xtji̱e̱n ndyi̱chji̱a̱a̱ kui. A sa̱ꞌínkꞌandíyárií nga ko̱síko̱jo kui xotaa̱.

Rkaa̱ 2:30

Ngatꞌa̱ jè kamábe an kjo̱a̱ꞌnaxiéꞌáa̱,

Rkaa̱ 2:37

kó jè ichítié ko̱jo kantié nijón nó tjiín, kó ngatsjéni̱xtjin nga ki̱a̱ kisꞌijña ngi̱ya na̱ngo̱xi̱i̱, nga katsꞌén xaá Néná, nga ni̱xtjin ko̱jo nga ni̱xtji̱e̱n nga katsꞌénkjindiá, ko̱jo nga tsíchji̱a̱a̱ Néná.

1 Xota̱ Tesalónika̱ 3:10

Nga ni̱xtjin ko̱jo nga ni̱xtji̱e̱n ꞌniú ndyi̱chjiáꞌájne̱ Néná, nga ndyi̱ndokjo̱a̱jne̱ tsi̱ꞌe̱ nga tsja̱ndièjne̱ nga xcha̱ ngiñá xingi̱, kó bo̱a̱ tsꞌén ka̱mando̱jo tsi ta̱ꞌa tjín ni xi chaja ngasee̱ kjo̱a̱sꞌijinjnú.

2 Timoo̱ 1:3

Tsjàa̱ ndokꞌóchjì Néná nga nda tjítsꞌénjoo̱, kó nga foaꞌátsjienna ji ngatsjéni̱xtjin chjiáa̱ Néná nga ni̱xtjin ko̱jo nga ni̱xtji̱e̱n. Tsjie tikón kjo̱a̱kjíntakónna nga tsꞌén an xaá Néná, xikó katsꞌén xota̱ xi xchána.

Titoo̱ 2:10

ko̱jo ngata̱ tsꞌénchéjéjiín, ta̱sá ngo xota̱ xi ꞌniákón ngayeje nii̱ ngatama, tsi̱ꞌe̱ nga ko̱kó ngayeje kjo̱a̱tsjakjiꞌii̱ kjo̱a̱bokoyá xi tsi̱ꞌe̱ kui Néná xí tsꞌaxiéꞌáná.

Titoo̱ 2:13

Xchiyàráa̱ kui kjo̱a̱chiyá xi tsjáná kjo̱a̱tsjaa̱: Nga ko̱kó yojoo̱ Jesukristoo̱ kui Néná xí tjiín kjo̱a̱jee̱, ko̱jo kui xi tsꞌaxiéꞌáná,