Xo̱jo̱n Salmoo̱ 86:9 - Xo̱jo̱n eén Néná

⁹ Ji Ne, ngayeje xota̱ na̱xi̱ńdá xí jí kiniꞌínde ji, kji̱ndi̱bá, kó ji kjo̱e̱ꞌétsꞌendíkoón, ko̱jo tsja̱á kjo̱a̱tsja jaꞌée̱n.

Xo̱jo̱n Salmoo̱ 86:9 ပူးပေါင်းရင်းမြစ်များ

Xo̱jo̱n Salmoo̱ 102:15

Xota̱ na̱xi̱ńdaá sku̱i̱e̱ndikón jaꞌeén Néná, kó ngayeje re xi botixómá ngayeje nga̱sondiee̱ sa̱ꞌínkie yojoo̱ nga sku̱i̱e̱ kjo̱a̱je xi tjiín.

Xo̱jo̱n Salmoo̱ 102:18

Ngo xo̱jo̱n nga si̱tꞌa kui nii̱, tsi̱ꞌe̱ nga sku̱i̱e̱ xota̱ xi jaskan kꞌuieé, tsi̱ꞌe̱ nga sa̱ꞌíntsjaá Néná, kui xota̱ na̱xi̱ńdá xí sꞌe̱ tsí kꞌuieé.

Xo̱jo̱n Salmoo̱ 66:4

¡Ngayeje xota̱ nga̱sondiee̱ ko̱siéntikoó ngindyikin ji, kó sa̱ꞌíntsjaá nga si̱eé só! ¡Si̱eé salmo̱ ta̱ngatꞌanii̱ jaꞌée̱n!

Xo̱jo̱n Salmoo̱ 67:7

¡Néná ngatsꞌénchíkonñéná, kó ngatamayandikón ngaskande nínga fetꞌanii̱ tꞌanangii̱!

Xo̱jo̱n Salmoo̱ 72:19

¡Ngatsjéni̱xtjin nga ngatamachikonñé jaꞌeén, kui xi tjiín kjo̱a̱je! ¡Ngasꞌikitsieni kjo̱a̱jee̱ ngayeje nga̱sondiee̱! ¡Bo̱a̱ kjiꞌi! ¡Bo̱a̱ kjiꞌi!

Xo̱jo̱n Salmoo̱ 72:8

¡Ngatatixómá kui ree̱, ndeskande nínga tikón ngo ndáchíkoón ngaskande nínga tikón xi ingoo̱, ndeskande nínga tikón Ndejèꞌ Jee̱, ngaskande nínga fetꞌanii̱ tꞌanangii̱!

Xota̱ Roma̱ 11:25

Jún ntsꞌie, mejénna nga xcha̱jnú ngo ni xi tjiꞌmá, tsi̱ꞌe̱ nga nkꞌa nga jejín ko̱ꞌna̱xiéjnú ti̱ juún yojojnú: Nga kjín xota̱ xi chji̱a̱ni Israee̱l xi je kamákitikjo̱a̱, ngaskande nga sa̱ko̱ó ngi̱ndie ngindyi̱ko̱n Néná ngayeje xota̱ xi jundío̱jín xi chjiéngá kjo̱tjoꞌa.

Xota̱ Roma̱ 15:9

Ko̱jo tsi̱ꞌe̱ nga xota̱ xi jundío̱jín tsja̱á kjo̱a̱je Néná, ta̱ngatꞌanii̱ nga Néná kamáni̱ma̱a̱ kui xotaa̱, xikótsꞌèn kjitꞌa xo̱jo̱n eén Néná nínga bi̱ tsó: Kuí kjo̱a̱a̱ nga xiyà an kjo̱a̱je tse̱ ngi̱jii̱n xota̱ xi jundío̱jín, kó si̱eé ji nga sa̱ꞌintsjaá.

Xota̱ Éfeso̱ 1:12

Kó nga ji̱n xi tjón kamájne̱ nga kisꞌiejne̱ kjo̱a̱chiyákjo̱a̱a̱ ni nda xi sa̱kójinjne̱ Kristoo̱, kuíni nga ndyi̱niꞌántsjáa̱ kui Néná xí tjiín kjo̱a̱jee̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

Ni xi akakoo̱ 11:15

Kó xi ma yito ndítsjiee̱ katsꞌénkjanie, sꞌe̱ ꞌniú kandaꞌyá kjín nda̱ ki̱a̱ ndiꞌakꞌajmii̱ xi bi̱ katsó: Ngayeje nga̱sondiee̱ je Ndi̱a̱ná ko̱jo Kristoo̱ ko̱tíxomaa̱, kó kuí xí ko̱tíxoma ngatsjéni̱xtjii̱n.

Ni xi akakoo̱ 15:4

ꞌYá xi stsa̱kjonjiín, Ndi̱a̱. ꞌYá xi tsja̱ajiín kjo̱a̱je jaꞌée̱n. Ngatꞌa̱ ta̱ jí tsi xi tsjie ji, kuíni nga ngayeje na̱xi̱ńdaá kji̱ndi̱bá, kó sa̱ꞌíndikoón, ngatꞌa̱ jè akake ji nga ta̱nisién kixi̱ ji.

Ni xi akakoo̱ 20:3

kó tsꞌajmiyá ti̱xa̱na̱nga̱a̱ tꞌanangii̱ nínga íchjáꞌyá, kó ngo seyo̱ íjñaá nga̱ntjo̱a̱a̱, tsi̱ꞌe̱ nga ngiti̱ kꞌo̱ṉcha̱jojín ngase na̱xi̱ńdaá ngaskande ngije kjo̱a̱ꞌa nga ngo mi̱ noó, kó ngije kjo̱a̱ꞌa kui noó chjándó nginí ngi chiboa ni̱xtjin.