Xo̱jo̱n Salmoo̱ 85:12 - Xo̱jo̱n eén Néná

¹² Néná nda sa̱ꞌínkꞌijñáná, kó tꞌananginá nda ni xi ka̱maxchaá,

Xo̱jo̱n Salmoo̱ 85:12 ပူးပေါင်းရင်းမြစ်များ

Xo̱jo̱n Salmoo̱ 67:6

Tꞌanangii̱ jè katsjá ni xi kamáxchaá, kó Néná boá xi sa̱ꞌínchikonñéná.

Xo̱jo̱n Salmoo̱ 72:16

¡Tsie to ndso̱ko̱a̱n ṉño̱pan ngatꞌieé na̱xi̱ńdaá! ¡Kó ngatamaya nga ka̱matíyaá xka̱a̱ ki̱a̱ nga̱són nkꞌaá na̱xi̱i̱! ¡Tsie to ndso̱ko̱a̱n ṉño̱pan ngatꞌié, xikoó yákón xi tjín ki̱a̱ nangi Líbanoo̱! ¡Kó xi tjín ki̱a̱ na̱xi̱ńdáꞌniuú ngatꞌieé naxó, xikoó xka̱ xi tjín ngi̱jin kꞌijñaá!

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Lebitiko̱ 25:19

kó tꞌanangii̱ tsja̱ajnú to xi kꞌuítji̱e̱jnú, kó jún ka̱ma xi̱ni̱e̱jnú ngaskande nga nda stsi̱e̱jnú.

Lebitiko̱ 26:4

kó án boá xi sangiyájnúꞌun kuí má ni̱xtjii̱n stseé, tsi̱ꞌe̱ nga nda ka̱ma ni xi maxchaá tꞌanangijnú, ko̱jo nga ko̱a̱ja̱a̱ to yá xí kꞌuítji̱e̱jnú.

Matioo̱ 13:23

Ta̱nga kui xojmá xí ixó tꞌanangi xi ndaa̱, kuí xi̱ꞌbi̱ xi xikoó xota̱ xi ntꞌieé eén Néná, kó makjiín, kó kuí xí xikoó xojmá xí tsjá úchán, ichítié ko̱jo tie, ko̱jo kantié to nga ngo nga ngo.

Matioo̱ 13:8

Ta̱nga ingo tjín kuí xojmaá xi ixó tꞌanangi xi ndaa̱, kó kisꞌiee̱ to, tjín xí katsjá kantié to, tjín xí katsjá ichítié ko̱jo tie, kó tjín xí katsjá úchán to nga ngo nga ngo.

Ni xi kamá 2:41

Kó bo̱a̱ tsꞌén, kui xota̱ xi iskjíbé kuí eén, atíndá yojoo̱, kó kamára̱ tsi ta̱ ngi ján mi̱ xota̱ xi kisꞌijii̱n Néná.

Ni xi kamá 21:20

Kó ngije tsintꞌié kui xotaa̱, katsjaá kjo̱a̱je Néná, sꞌe̱ bi̱ kiꞌmií Pabloo̱: –Ndakjíꞌí nda̱ ntsꞌie, já jè yé ji nga ngi̱jii̱n xota̱ jundíoo̱ ta̱ mi̱jínra̱ ma xota̱ xi je kisꞌijii̱n eén Néná, kó ngayeje kui xotaa̱ achichí ndyi̱tsꞌènchíni̱tꞌaa̱ kjo̱a̱kitii̱ Moisee̱.

1 Xota̱ Korinto̱ 1:30

Néná xí katsꞌéngojo̱jnú Kristo̱ Kjisoo̱, kó ñá xi je kiniꞌángojo̱ yojoná makjínná ni xi tsi̱ꞌe̱, kó Néná xí katsꞌénná nga xota̱ kjínkón boá ñá, nga kixi̱ tindyión ngindyi̱ko̱n kui, nga xota̱ tsjie, ko̱jo nga xota̱ xi je kamáchjítjé jéná ñá,

Xota̱ Éfeso̱ 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱. Kui xi katsꞌén nga ngi̱jii̱n Kristoo̱ kasakoná ngayeje to̱ko̱ya kjo̱a̱niꞌánchikonñé, xi ndibání ndiꞌakꞌajmi jàn xi tsjáná a̱si̱énni̱xtjii̱n.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.