Xo̱jo̱n Salmoo̱ 82:1 - Xo̱jo̱n eén Néná

¹ Néná boá xi tikóntjoón kui ngi̱ndie nínga botíxoma xi tikón ki̱a̱ nkꞌajmii̱, kó ngamasiee̱n ngayeje ne xi ki̱a̱ síndoo̱, kuí boá xi tsꞌénjeé:

Xo̱jo̱n Salmoo̱ 82:1 ပူးပေါင်းရင်းမြစ်များ

Xo̱jo̱n Salmoo̱ 138:1

Ji Ne, ¡mejénna sa̱ꞌintsjaá ngayeje ini̱ma̱na! ¡Mejénna siee só ngindyi̱ko̱n kje̱ꞌe ne!

Xo̱jo̱n Salmoo̱ 50:1

Néná, kui Néná xí tjiín kjo̱a̱jee̱, tsꞌénchji̱a̱a̱ xotaa̱ kui nga̱sondiee̱, ndeskande nínga fotjo tsꞌueé, kó ngaskande nínga ꞌbosꞌien.

Xo̱jo̱n Salmoo̱ 58:11

Kósꞌe̱ bi̱ ka̱tso̱ xota̱ nga̱sondiee̱: «¡Nga ja̱koxi̱, tsꞌén ngo ni xi niꞌán xota̱ xi kixi̱i̱! ¡Ja̱koxi̱ boá nga tikón ngo Néná xí kixí tsꞌén tsꞌenseén xotaa̱ kui nga̱sondiee̱!»

Xo̱jo̱n Salmoo̱ 58:2

¡Jmí, ta̱sá ngi̱jin ini̱ma̱jnú ni xi ndajín ꞌbíjinjnú! ¡Kó ndsa̱jnú je tjikítsie maá ni xi ndajín xi je kjifochó ngayeje nga̱sondiee̱!

Éksondo̱ 18:21

»Tsi̱ꞌe̱ nga ka̱maa̱ si̱ꞌin ji ngayeje kui nii̱, chje̱ꞌéjin ji jáxíꞌín ngi̱jii̱n xota̱ Israee̱l xi ka̱maa̱ ko̱síko̱joo̱. Ti̱ndyi̱sé ji xota̱ xi ka̱maa̱ sa̱ꞌín ngo xá, xi ntꞌiéꞌeén Néná, xi ndisojín, ko̱jo xi xke̱éto̱njín tsi̱ꞌe̱ nga kjo̱a̱ndaa̱ ngo xota̱ ko̱e̱je̱. Te̱ꞌée̱ xá nga ngito̱ko̱ ngatama, tjín xí nga tsꞌenseén ngo mi̱ xota̱, kje̱ꞌe xí nga tsꞌenseén úchán xota̱, kje̱ꞌe xí ichítié, kó kje̱ꞌe xí tie xota̱ nga tsꞌenseén nga ngo nga ngo.

Éksondo̱ 21:6

chjiéngá ngindyi̱ko̱n Néná kongínjo̱, kó ki̱a̱ chjáxꞌá tji̱bo̱a̱nijon. Kuí boá kui chi̱bo̱a̱a̱ xi ko̱kó nga kui mosoo̱ je tsi̱ꞌe̱ ndi̱a̱a̱ ka̱ma ngatsjéni̱xtjin.

Éksondo̱ 22:28

»Ngata̱ chꞌójín tsꞌén ndokjo̱a̱taꞌínjnú nendiꞌamasiee̱n, ti̱nde ngata̱ chꞌójín ꞌmíjnúu̱ xota̱ xi botixómaá nangijnú.

Eklesiastee̱ 5:8

Ngata̱ fíndikónjiín nga xchi̱e̱ ji na̱xi̱ńdá nínga tjíꞌbiniéꞌniuú xá xota̱ ni̱ma̱a̱, ko̱jo nínga tjíbosíkjoyá kjo̱a̱kitii̱ tsi̱ꞌe̱ nga jmí tsi kixi̱ tjíniꞌánseén. Kuí nii̱ xi ma kjiꞌanga ngo nda̱ xi nkꞌa xaá, ingo xi nkꞌa ngase xaá boꞌmá ni xi tsꞌén, kósꞌe̱ ingo xi ꞌniú nkꞌa ngase xaá boꞌmá ni xi tsꞌén ngajoó.

Juaa̱ 10:35

Tsi ne katsoó kui xota̱ xi kasakoo̱ eén Néná, kó ka̱májín tsi si̱ꞌankjatjosónjín xo̱jo̱n eén Néná,