Xo̱jo̱n Salmoo̱ 81:7 - Xo̱jo̱n eén Néná

⁷ Kjiꞌanga ꞌniú nda̱ kamaá, ni̱ma̱ kase ji nga kandokjo̱e̱ní, kó án tsꞌaxiéꞌaá, katsꞌénseén ndeskande ngi̱jii̱n ṉdi̱ xi jñó má ndyi̱a̱a̱ nínga tikónꞌmá an, ki̱a̱ má nínga tjitjó ndáfoaa̱ ki̱a̱ ngi̱ndie xi ꞌmí Meribaa̱, ki̱a̱ askotꞌayákoón.

Xo̱jo̱n Salmoo̱ 81:7 ပူးပေါင်းရင်းမြစ်များ

Xo̱jo̱n Salmoo̱ 50:15

¡Kó ndókjo̱a̱jnúꞌun ni̱xtjin nga nda̱ ka̱majnú! An kꞌoxiéꞌájnúꞌun, kó jún si̱ꞌandikónjnúꞌun ngijee̱».

Éksondo̱ 14:24

Ta̱nga nga ndibáꞌásie̱én Néná askotsijennii̱ xota̱ Ejiptoo̱ ki̱a̱ nínga tikón ṉdi̱ ko̱jo ndiꞌí xí ja̱ kon yásé má koón, kó katsꞌéntsobéjii̱n kui xotaa̱ kó achichí katsakjónní.

Éksondo̱ 19:19

kó nda̱a̱ kui tjioo̱ saꞌniú sáꞌniú kandaꞌyá ngase. Kó tji̱e̱nga Moisee̱ tsíchji̱a̱jo Néná, nda̱a̱ Néná kandaꞌyá xikó maá ngo cho̱ꞌo̱n.

Éksondo̱ 2:23

Ngije jaꞌa kjín nó, kꞌien nda̱ re xi chji̱a̱ni nangi Ejipto̱, kó xota̱ Israee̱l achichí ni̱ma̱ katsó kjo̱a̱a̱ nga moso̱ kamá ki̱a̱a̱, ngatꞌa̱ tsie kjo̱a̱ni̱ma̱ jaꞌa.

Éksondo̱ 20:2

«Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Éksondo̱ 6:6

»Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangi Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌèn. Án boá xi kjuínjo̱ an nangi xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe̱ ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjièn án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.

Xki̱ 20:13

Kui nii̱ xi kamá ki̱a̱ Meriba̱, «kjo̱a̱niꞌánxchaán» tsó kui jaꞌeén. Ngatꞌa̱ ki̱a̱ boá nínga xota̱ Israee̱l katsꞌénxchán kondraa̱ Néná, kó Néná akoó nga kuí boá, ngo Néná xí tsjie.

Xki̱ 20:24

«Aaroo̱n jè mejeén ma kꞌien, kó ka̱májín kꞌo̱sꞌien na̱xi̱ńdá xí katsjáa̱ xota̱ Israee̱l, ngatꞌa̱ ki̱a̱ Meribaa̱ kamáꞌniátakónjínjnúꞌun, kó kandaꞌyáꞌénjínjnúꞌun.

Ndeuteronomio̱ 33:8

Sꞌe̱ bi̱ katsoó xota̱ tji̱e̱e̱ Lebii̱: «Néná askjotíjo̱ xota̱ Israee̱l, kó ki̱a̱ nangi Masaa̱ askotꞌayákón, ki̱a̱ tꞌa ndáńchꞌi̱ xi tjitjó ndáfoaa̱ ki̱a̱ Meribaa̱. Ta̱nga kui kjimaꞌniátakónjnú jún, ngatꞌa̱ kandaꞌyáꞌénjnúu̱, ngatꞌa̱ ꞌniú ngase ndikón kamájnú nga ꞌniú kixindyiajnú nga ka̱maꞌniátakónjnú kui kjo̱a̱ꞌbíndaa̱, ta̱bo̱a̱jiín nga ka̱maꞌniátakónjnú xi xchájnú, ko̱jo tsi ntsꞌiejnú, ko̱jo tsi ndíjnú. Kuíni nga Néná katsjájnú Urii̱n ko̱jo Tumii̱n, kó chináꞌmii̱ kui katsꞌénjnú.

Ndeuteronomio̱ 5:6

»Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.