Xo̱jo̱n Salmoo̱ 81:11 - Xo̱jo̱n eén Néná

¹¹ »Ta̱nga xota̱ na̱xi̱ńdána tsintꞌiéjiín nda̱na, kó xota̱ Israee̱l, ngiti̱ kamámejénjiín an.

Xo̱jo̱n Salmoo̱ 81:11 ပူးပေါင်းရင်းမြစ်များ

Éksondo̱ 16:6

Kósꞌe̱ Moisee̱ ko̱jo Aaroo̱n, bi̱ katsoó xota̱ Israee̱l: «Ánní nga ndyi̱niꞌánxchánjnú, xi jmí ni yàjínjne̱ kjo̱a̱a̱ kui ni xi kjimaa̱. Kjiꞌanga ji̱n xi ndyi̱niꞌánxchánjo̱jnú jún, nga ja̱koxi̱ Néná boá xi ndyi̱niꞌánxchánjo̱jnú, ngatꞌa̱ kuí boá xi tsáyàjne̱ ni xi niꞌánjne̱. ¡Kó Néná jè tsintꞌié ni xi ndyi̱ꞌmìjnú! »Néná boá xi tsꞌaxiéjnú nangi Ejipto̱, kó jmí tsi ji̱n. Kuíni nga kui kamángixoón xcha̱jnú nga kꞌi̱e̱ tikón Néná ngi̱jii̱n jún, ngatꞌa̱ tsja̱ajnú yojo xi xi̱ni̱e̱jnú. Kó ndyiojón ta̱jñó xcha̱jnú, ngatꞌa̱ tsja̱ajnú ngayeje pan xi ka̱ma xi̱ni̱e̱jnú».

Éksondo̱ 20:2

«Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Éksondo̱ 32:1

Kó nga Moisee̱ achichí tsꞌandíyaá ki̱a̱ na̱xi̱ Sinaii̱, xota̱ Israee̱l kijíkoón Aaroo̱n, kó bi̱ katsoó: —Moisee̱ boá xi tsꞌaxiéjne̱ nangi Ejipto̱, ta̱nga yàjínjne̱ mí ni xi kamaá. Ta̱sá ndatsi ngo ne si̱ꞌindejne̱, tsi̱ꞌe̱ nga kui xi ko̱e̱je̱tjónjne̱ ko̱jo skónjne̱.

Éksondo̱ 6:6

»Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangi Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌèn. Án boá xi kjuínjo̱ an nangi xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe̱ ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjièn án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.

Énkjínkón 1:30

ti̱nde kamámejénjínjnú kandaꞌyájnú kjo̱a̱botíxomana, kó kiniꞌánjo̱ꞌojínjnú kjo̱a̱chji̱ni̱e̱na.

Rkaa̱ 11:25

Kó ngije fochó nginí, je akatíchá kui ngi̱ndiee̱, kó je kiniꞌánchoo̱n.

Ndeuteronomio̱ 32:15

»Ta̱nga xota̱ Israee̱l ngije achichí nda kisꞌińdo, katsꞌénchíyà Néná, ¡katsꞌénchíyà kui xi katsꞌénda! Kamáchꞌoó nga Néná askoo̱n, kui Néná xi ja̱bo̱a̱ je tsꞌaxiéꞌá.

Ndeuteronomio̱ 32:18

»Xota̱ Israee̱l katsꞌénchíyà Néná, kui Néná xí katsjaá kjo̱a̱mindyion. Íjñá masien kui xi katsꞌénda, kó katsꞌénchíyà kui xi askoo̱n.

Ndeuteronomio̱ 5:6

»Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Xota̱ Ebreo̱ 10:29

Ja̱ ti̱ꞌankjínjnúu̱ takónjnú, kókjiꞌi ni xi si̱ꞌaa̱n kui xi tsꞌéntsjánié ni xi katsꞌén ndií Néná, kókjiꞌi ni xi si̱ꞌaa̱n kui xi ta̱ kjo̱a̱ndaní máa kui jín xí Néná índajo̱ni nga katsꞌéntsjie kui xotaa̱, ko̱jo kókjiꞌi ni xi ka̱maa̱ xi chꞌo tjítsoó A̱si̱énni̱xtjii̱n Néná xi tsꞌén tsjá kjo̱a̱ndaa̱.