Xo̱jo̱n Salmoo̱ 8:2 - Xo̱jo̱n eén Néná

² Kjo̱a̱a̱ xikótsꞌèn tsꞌéntsjaà jákjíndií ko̱jo ndíndaa̱, kuí boá kui nii̱ xi niꞌínkjìn jí nga ꞌbíchjée̱ kondra̱ tse̱, ¡tsi̱ꞌe̱ nga ko̱ókjo tsꞌoa kui, ko̱jo kui xi mongase nga sa̱ꞌíngojoo̱!

Xo̱jo̱n Salmoo̱ 8:2 ပူးပေါင်းရင်းမြစ်များ

Xo̱jo̱n Salmoo̱ 148:13

¡Ti̱ꞌantsjàjnúu̱ jaꞌeén Néná, ngatꞌa̱ ta̱kuítsí jaꞌeén xi jmíjín xi kjo̱chótji̱ngi! Kjo̱a̱botíxomaa̱ Néná nkꞌa ngase tikón ta̱bo̱a̱jiín nkꞌajmii̱ ko̱jo tꞌanangii̱.

Xo̱jo̱n Salmoo̱ 4:4

¡Ngatjatsiémájnú, kó nga niꞌánjéjínjnú! Kjiꞌanga tsjayójojnú, ti̱ꞌankjójnú ni xi kiniꞌánjnú, kó xió ti̱ndyiónjnú.

Xo̱jo̱n Salmoo̱ 44:16

ta̱ngatꞌanii̱ nga kjandayàjo̱na kui xi mojnókiena ko̱jo xi bendikónjínna, ko̱jo ta̱ngatꞌanii̱ kondraa̱ ko̱jo xi tsꞌéngojoo̱.

Xo̱jo̱n Salmoo̱ 46:10

Kó bi̱ katsó Néná: «Xió ti̱ndyiónjnú, kó ngatamayajnú nga an boá xi Ne an, kó si̱ꞌandikónna ngi̱jii̱n ngayeje na̱xi̱ńdaá, ko̱jo xcha̱ndikónna ngayeje tꞌanangii̱.»

Xo̱jo̱n Salmoo̱ 57:6

Ngo chja̱ya̱ íjñá tsi̱ꞌe̱ nga ki̱a̱ kꞌo̱ka an nga kjo̱a̱ꞌa an, kó ini̱ma̱na achichí nda̱ kamaá, ngo ti̱xa̱ katsꞌénda ngindyikón án, ta̱nga ta̱sá ti̱ kuii̱ xi ixóyà.

Éksondo̱ 11:7

Kó tsi̱ꞌe̱ nga xcha̱jnú nga Néná boá xi bokó ꞌyání xi xota̱ Israee̱l ko̱jo ꞌyání xi xota̱ Ejiptoo̱. Ngojín xota̱ Israee̱l xi ko̱yà ndí xíꞌín xi tjoón, ti̱nde ngojín cho̱ tjié xi tjiín xi ko̱yà ndí tjoón nga, ngaskande nde ngo ńñá skja̱ndáyàjínjne̱.

Éksondo̱ 15:16

¡Ngayeje kui xotaa̱, nga nda̱ ka̱maa̱ kó ꞌniú stsa̱kjonní! »Ne tsa̱ꞌa̱n, nga sku̱i̱e̱ ngaꞌniúu̱ achichí stsa̱kjonní, ¡kó nde ngiti̱ sa̱ꞌíntíyájín xikoó ndi̱jo̱o̱, ngaskande nga kjo̱a̱ꞌa xota̱ na̱xi̱ńdáa̱!

Matioo̱ 11:25

Kui ni̱xtjin jàn Kjisoo̱, bi̱ katsó: –An tjítsꞌèntsjaà Na̱ꞌmi, Ndi̱a̱a̱ ndiꞌakꞌajmii̱ ko̱jo tꞌanangii̱, ngatꞌa̱ kui nii̱ ikꞌíjñiꞌmíi̱ xota̱ xi kjínkoón ko̱jo xi makjiín, kó akakèe̱ jákjíndií.

Matioo̱ 21:16

Sꞌe̱ kui jaá, bi̱ katsoó Kjisoo̱: –A ndaꞌyé ji ni xi ndyi̱tsó kui jákjíndií. Sꞌe̱ Kjisoo̱, bi̱ katsó: –Jo̱o̱n, ntꞌié an. Ta̱nga, kó a kji̱e̱ niꞌányàjínjnú ni xi tsó xo̱jo̱o̱n: Tsꞌoa jákjíndií ko̱jo ndínda xi sꞌe̱ ndyi̱boki chikii̱, katsꞌéndaya cha̱n cha̱n Néná só xi ndaa̱ kui.

Rkaa̱ 10:21

Ti̱ kuii̱ chi̱bo̱a̱ A̱si̱énni̱xtjii̱n Néná achichí tsjatsꞌèn íjñá ini̱ma̱a̱ Kjisoo̱, kó bi̱ katsó: –An tjítsꞌèntsjaà Na̱ꞌmi, ji xi Ndi̱a̱a̱ ndiꞌakꞌajmii̱ ko̱jo tꞌanangii̱, ngatꞌa̱ kui nii̱ ikꞌíjñiꞌmíi̱ xota̱ xi kjínkón ko̱jo xi makjiín, kó akakèe̱ jákjíndií. Jo̱o̱n, Na̱ꞌmi, ngatꞌa̱ bo̱a̱ tsꞌén kamátsjaá jí.

1 Xota̱ Korinto̱ 1:27

Ta̱nga Néná jaꞌájin ni xi ta̱ ton maá xotaa̱ kui nga̱sondiee̱, tsi̱ꞌe̱ nga tsja̱á kjo̱a̱soboá xota̱ xi kjínkoón, kó Néná jaꞌájin xota̱ xi indaa̱ kui nga̱sondiee̱, tsi̱ꞌe̱ nga tsja̱á kjo̱a̱soboá xota̱ xi ꞌniú yandikoón.