Xo̱jo̱n Salmoo̱ 78:51 - Xo̱jo̱n eén Néná

⁵¹ Kó katsꞌénꞌoón tsi̱ꞌe̱ nga jesón ndí tjoón xota̱ Ejiptoo̱, kui ndí xí tjoón ngaꞌniú xí kisꞌiee̱ xota̱ ndiꞌaa̱ Kaa̱n.

Xo̱jo̱n Salmoo̱ 78:51 ပူးပေါင်းရင်းမြစ်များ

Jenesii̱s 10:6

Kaa̱n nijón kamá ndií, kó kuí bí xi̱ꞌbi̱: Kuu̱, Misraii̱n, Fuu̱t, ko̱jo Kanaa̱n.

Jenesii̱s 49:3

»Ji Rubee̱n, jí boá xi ndína xi xchá, jí boá xi ndí tjónna, jí boá xi akake nga kamá an na̱ꞌmi, jí boá xi tjón yandikoón, jí boá xi ꞌniú tjiín ngaꞌniú.

Xo̱jo̱n Salmoo̱ 105:23

Xota̱ xi xchájne̱ jachó nangi Ejipto̱, kó ki̱a̱ katseꞌéndieè nga ki̱a̱ kisꞌińdo.

Xo̱jo̱n Salmoo̱ 105:27

kó ki̱a̱ nangi Ejipto̱ kui jaá achichí kjo̱a̱ndikón xí yiꞌi katsꞌén.

Xo̱jo̱n Salmoo̱ 105:36

Néná katsꞌénꞌoón nga katsꞌénkꞌién já xo̱ngò xi ꞌniú ko̱jo xi nda ngasee̱ nangi Ejiptoo̱, ¡ngayeje na̱xi̱ńdaá nga jesón ndí xí tjoón nga ngo nga ngo xtín xota̱ ngo ndiꞌa!

Xo̱jo̱n Salmoo̱ 135:8

Ki̱a̱ nangi Ejipto̱ katsꞌénꞌoón nga katsꞌénkꞌién ndí tjoón nga ngo nga ngo xtín xota̱ ndiꞌa, kó ti̱ katsꞌénkꞌién ndí tjoón cho̱ tji̱e̱é kui xotaa̱ nga. Katsꞌén chi̱bo̱a̱ ko̱jo kjo̱a̱ndikón, kondraa̱ ree̱ ko̱jo xota̱ xi nkꞌa xaá xi tsꞌénxájo̱,

Xo̱jo̱n Salmoo̱ 136:10

Kuí boá xi katsꞌénꞌoón nga katsꞌénkꞌién ndí tjoón xota̱ Ejiptoo̱. ¡Ngatꞌa̱ Néná ngatsjéni̱xtjin nga tjoó ji̱n!

Éksondo̱ 12:12

»Kui ni̱xtji̱e̱e̱n an kjo̱a̱ꞌa an ngi̱jii̱n ngayeje nangi Ejiptoo̱, kó sa̱ꞌinkꞌién an ngayeje ndí xíꞌín xi tjoón nga ngo nga ngo xtín xota̱ Ejiptoo̱, ko̱jo cho̱ tjié xi tjiín nga. Án boá xi Nee̱ xota̱ Israee̱l, kó án boá xi tsjachjíi̱ ne xi tjín nangi Ejipto̱.

Éksondo̱ 13:15

Nda̱ ree̱ kui nangii̱ achichí tajá kamá ini̱ma̱a̱, kó katsjandièjín nga kjo̱tjojne̱ katsaki. Kósꞌe̱ Néná atíjeé xota̱ Ejiptoo̱ nga katsꞌénkꞌién ndí xíꞌín xi tjoón ngayeje xtín xota̱, ko̱jo ndí tjoón ngayeje cho̱ tjié xi kisꞌiee̱ nga. Kuíni nga ñá niꞌánkꞌién ndí xíꞌín xi tjoón ngayeje cho̱ tjié, ngajoo̱ ndí xíꞌín xi tjónná nga ngo kjo̱a̱tjó niꞌánkꞌasꞌién.

Xota̱ Ebreo̱ 11:28

Ta̱ngatꞌanii̱ kjo̱a̱sꞌijii̱n Moisee̱ kuíni nga katsꞌén sꞌué paskuaa̱, kó katsangiya nga jín kachjatjónjón nga̱ntjo̱a̱a̱, tsi̱ꞌe̱ nga ndítsjiee̱ kjo̱a̱bo̱yaa̱ sa̱ꞌínkꞌiénjín ndí tjoón xota̱ Israee̱l.