Xo̱jo̱n Salmoo̱ 74:2 - Xo̱jo̱n eén Néná

² ¡Ngatjaꞌátsjieen xota̱ na̱xi̱ńdáa̱, kui xi tse̱ kamá ndeskande koó ni̱xtjin xcháján, kui xi kaꞌnaxiéꞌé ji tsi̱ꞌe̱ nga xota̱ tji̱e̱ tse̱ kamá, ko̱jo ngatjaꞌátsjiee̱n kui na̱xi̱ńdáꞌniú Sioo̱n, kui na̱xi̱ nínga tindyin ji!

Xo̱jo̱n Salmoo̱ 74:2 ပူးပေါင်းရင်းမြစ်များ

Xo̱jo̱n Salmoo̱ 106:40

Néná achichí ꞌniú katsꞌénxchánjo̱ kui xotaa̱, kó katsꞌénchꞌó ngijee̱.

Xo̱jo̱n Salmoo̱ 135:4

¡Néná boá xi jaꞌájin na̱xi̱ńdá Israee̱l, tsi̱ꞌe̱ nga ngatsjéni̱xtjin nga kui xi ka̱ma xota̱ na̱xi̱ńdaá!

Xo̱jo̱n Salmoo̱ 33:12

¡Achichíra̱tsjaa̱ na̱xi̱ńdá xí Néná boá xi Nee̱, kui xota̱ na̱xi̱ńdá xí Néná jaꞌájin tsi̱ꞌe̱ nga kui ku̱i̱chji̱a̱ni!

Xo̱jo̱n Salmoo̱ 68:16

Jún na̱xi̱ xi ꞌniú nkꞌa, ánní nga ma onkonjnú nga tsitsijenjnúu̱, kui na̱xi̱ xi Néná jè jaꞌájin, nga ki̱a̱ kꞌuijñá, ja̱koxi̱ boá nga Néná ki̱a̱ kꞌuijñá ngatsjéni̱xtjin.

Xo̱jo̱n Salmoo̱ 77:15

Ngaꞌniúu̱ boá xi kiniꞌínkjìn jí kjiꞌanga kaꞌnaxiéꞌé ji xota̱ tji̱e̱e̱ Jakoo̱b ko̱jo xota̱ tji̱e̱e̱ Kosiee̱.

Xo̱jo̱n Salmoo̱ 9:11

¡Ndàjnúu̱ salmo̱ kui Néná xí tikón na̱xi̱ńdáꞌniú Sioo̱n! ¡Tꞌíyájnú ngi̱jii̱n ngayeje xota̱ na̱xi̱ńdaá ngayeje ni xi je katsꞌén kuí!

Xo̱jo̱n Salmoo̱ 9:12

Ngatꞌa̱ kui xi tsꞌéngojo nga niꞌánkjiesón xota̱ xi jmí jéjiín, jè jaꞌátsjiee̱n kui, kó kji̱e̱ chíyájiín nga ni̱ma̱ ndyi̱tsó xota̱ xi ndyi̱foaꞌatio kjo̱a̱ni̱ma̱a̱.

Xo̱jo̱n Salmoo̱ 94:14

Ngatꞌa̱ Néná ku̱i̱ꞌíjñámasienjín xota̱ na̱xi̱ńdáa̱, ti̱nde ku̱i̱ꞌíjñá soboájín xota̱ xi je tsi̱ꞌe̱ kui.

Éksondo̱ 15:13

»Achichí ꞌniú tjoó xota̱ na̱xi̱ńdáa̱, nga ngaꞌniúu̱ boá xi kaꞌnaxiéꞌéní ji, kó ngotꞌe̱ ꞌne̱, jí boá xi tińtje̱tjée̱n ki̱a̱ ngi̱ndie nínga mejeén nga ki̱a̱ ku̱i̱ndyin ji.

Éksondo̱ 15:16

¡Ngayeje kui xotaa̱, nga nda̱ ka̱maa̱ kó ꞌniú stsa̱kjonní! »Ne tsa̱ꞌa̱n, nga sku̱i̱e̱ ngaꞌniúu̱ achichí stsa̱kjonní, ¡kó nde ngiti̱ sa̱ꞌíntíyájín xikoó ndi̱jo̱o̱, ngaskande nga kjo̱a̱ꞌa xota̱ na̱xi̱ńdáa̱!

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

Ndeuteronomio̱ 32:9

Jún boá xi Néná jaꞌájinjnú tsi̱ꞌe̱ nga jún xi ka̱majnú xota̱ na̱xi̱ńdaá kui.

Ndeuteronomio̱ 4:20

»Kjiꞌanga Néná tsꞌaxiéꞌájnú ki̱a̱ nangi Ejipto̱, bo̱a̱ katsꞌén ngatꞌa̱ xota̱ na̱xi̱ńdá xí tsi̱ꞌe̱ katsꞌénjnú jún.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,