Xo̱jo̱n Salmoo̱ 73:1 - Xo̱jo̱n eén Néná

¹ Nga ja̱koxi̱ Néná, achichí ndaxota̱ tsꞌénjo̱ xota̱ Israee̱l, kui xota̱ xi tsjie síndo ini̱ma̱a̱.

Xo̱jo̱n Salmoo̱ 73:1 ပူးပေါင်းရင်းမြစ်များ

Xo̱jo̱n Salmoo̱ 2:6

Kó bi̱ tsó Néná nga mindyiandíkoón: «Án má xi je jaꞌajin an ngo re xi ko̱tíxoma ki̱a̱ tji̱ngi̱ Sioo̱n, kui xi na̱xi̱ ndikónna».

Xo̱jo̱n Salmoo̱ 24:4

Ta̱kuítsí xota̱ xi tsjie tsjaa̱, ko̱jo xi tsjie ini̱ma̱a̱, kui xi jmíjéjiín, ko̱jo kui xi jmí tsi ta̱xkiya ndyi̱tsꞌéndíkón ni xi jmí ni chjíjiín, ti̱nde índisojín nga sa̱ꞌínkjatjosón ngo ni.

Xo̱jo̱n Salmoo̱ 42:11

Míkjo̱a̱a̱ nga ngiti̱ kjimaꞌniútakínjín ji ndí ini̱ma̱. Míkjo̱a̱a̱ nga nda̱ kjimaa̱ ngi̱jin yojona. Chiyéràa̱ Néná, ngatꞌa̱ to̱kó sa̱ꞌintsjáñáa̱ ¡Néná boá xí ꞌboxiéꞌána, kó kuí boá xi Néna!

Xo̱jo̱n Salmoo̱ 50:1

Néná, kui Néná xí tjiín kjo̱a̱jee̱, tsꞌénchji̱a̱a̱ xotaa̱ kui nga̱sondiee̱, ndeskande nínga fotjo tsꞌueé, kó ngaskande nínga ꞌbosꞌien.

Xo̱jo̱n Salmoo̱ 51:10

Ji Ne, ngo ini̱ma̱ xi tsjie ti̱ꞌindení, kó ngo a̱siénni̱xtjin xi kixi̱ tꞌíjñijìnní.

Xo̱jo̱n Salmoo̱ 73:18

Nga ja̱koxi̱, jí boá xi ki̱a̱ ikꞌínde ji nínga ko̱ngajon, kó ko̱e̱ꞌéndiè ji nga ku̱i̱xo̱ tsi̱ꞌe̱ nga kju̱i̱e̱.

Xo̱jo̱n Salmoo̱ 83:1

Ji Ne, ji Ne, ndókjo̱e̱ ji, chjáxꞌé jí ndso̱ꞌbe, ngata̱ xiójín mindyin ji.

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Matioo̱ 5:8

Achichíra̱tsjaa̱ xota̱ xi tsjie ini̱ma̱a̱, ngatꞌa̱ kuí xí sku̱i̱e̱ Néná.

Rkaa̱ 12:32

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

Juaa̱ 1:47

Nga kamábe Kjisoo̱ nga Natanaee̱l tsꞌéndibá tiña, bi̱ katsoó: –Kꞌi̱e̱ tikón kꞌi̱e̱e̱ ngo nda̱ xi ja̱koxi̱ nga Israee̱l chji̱a̱ni, xi májiín ꞌboṉcha̱.

Xota̱ Roma̱ 4:16

Kó kuíni nga, ni xi katsóyàtjón Néná nga tsja̱á, ta̱ngatꞌanií kjo̱a̱sꞌijii̱n nga ta̱ sakóná. Kó ta̱ngatꞌanii̱ kui nii̱ nga ya nga sa̱ko̱ó ngayeje xi xota̱ tji̱e̱e̱ nda̱ xi ꞌmí Abraa̱n, jmí tsi ta̱kuítsí xota̱ xi ngi̱yaa̱ kjo̱a̱kitii̱ síndo, ko̱jo kuí tsi̱ꞌe̱ xota̱ xi sꞌijii̱n xikoó Abraa̱n, kui xi na̱ꞌminá ngayeje ñá,

Titoo̱ 3:5

tsꞌaxiéꞌáná, ta̱nga jmí tsi kjo̱a̱a̱ ni xi kiniꞌán, tsi kjo̱a̱a̱ ngo ni xi kixi̱ xi kiniꞌán, ta̱sá ta̱ngatꞌanii̱ nga kamáni̱ma̱a̱ ñá. Katsꞌéntsjiená kjiꞌanga katsꞌéntsen nginíná, kó A̱si̱énni̱xtjii̱n xí katsꞌéntja̱tsi̱e̱yaniná.

Xo̱jo̱o̱n Sandiyaá 4:8

Ti̱ꞌantiñajnúu̱ yojojnú Néná, kó kui sa̱ꞌíntiñajnú yojoo̱. Jún xota̱ xi ndyi̱niꞌánjéjnú, ti̱ꞌantsjiejnú ndsa̱jnú. Kó jún xi jó ni tjíjii̱n ini̱ma̱jnú, ti̱ꞌantsjiejnú ini̱ma̱jnú.