Xo̱jo̱n Salmoo̱ 72:15 - Xo̱jo̱n eén Néná

¹⁵ ¡Tsie ngatamaa̱ ree̱ nga kꞌuijñá! ¡Kó kuí ngateꞌeé to̱nsinié xi tjín nangi Sabaa̱! ¡Ngatsjéni̱xtjin nga ngandokjo̱a̱tjé kui ree̱! ¡Kó nga ngo ni̱xtjii̱n nga nganiꞌánchikonñé!

Xo̱jo̱n Salmoo̱ 72:15 ပူးပေါင်းရင်းမြစ်များ

Xo̱jo̱n Salmoo̱ 21:4

Ji tsíꞌaá nga kꞌuijñá nga̱sondie, kó jo̱ꞌo kasée̱, sꞌe̱ achichí kjín nó katseꞌée̱ nga kisꞌijña, ngatsjéni̱xtjin ko̱jo ta̱kjiꞌání.

Xo̱jo̱n Salmoo̱ 45:4

Ngatꞌieé kjo̱a̱yandikón, kó ti̱ꞌin ji, ta̱ngatꞌanii̱ ni xi kixi̱i̱, ko̱jo kjo̱a̱ndaꞌyáꞌeén, ko̱jo kjo̱a̱kixi̱i̱, Kó ngaꞌniúu̱ boá xi kjo̱joo̱ nga si̱ꞌin ji ni xi yiꞌi.

Xo̱jo̱n Salmoo̱ 72:19

¡Ngatsjéni̱xtjin nga ngatamachikonñé jaꞌeén, kui xi tjiín kjo̱a̱je! ¡Ngasꞌikitsieni kjo̱a̱jee̱ ngayeje nga̱sondiee̱! ¡Bo̱a̱ kjiꞌi! ¡Bo̱a̱ kjiꞌi!

Matioo̱ 2:11

Kó nga tsꞌasꞌien ngi̱yaa̱, kamábe ndí ndií ko̱jo na̱ Riya̱ na̱aa̱n ndií, kó asiéntikoó kui jaá, kó katsꞌéndikón, kó iskjíxꞌá koxa̱a̱, kó tsꞌaxié ni xi ndyi̱yaꞌaa̱ ndií: Ngo xi yaꞌaa̱ to̱nsinié, ngo xi yaꞌaa̱ nisije̱n xi niꞌánkjién nga niꞌándikón Néná, ko̱jo ngo xi yaꞌaa̱ ndásíje̱n chjí xí ꞌmí mirra̱.

Matioo̱ 21:9

Kó xota̱ xi tjimátjoón ko̱jo xi yajátji̱ngii̱ askjandáyà má, nga bi̱ katsó: ¡ꞌNa̱xiéꞌéjne̱, ji xota̱ tji̱e̱e̱ Ndabi̱! ¡Ngatamachikonñé xi ndibání ngajoo̱ Ndi̱a̱ná! ¡Kó ꞌna̱xiéꞌéjne̱ jàn ndiꞌakꞌajmi jàn!

Matioo̱ 6:10

Ngatama kꞌi̱e̱e̱ ngo ngi̱ndie xi ji ko̱ti̱xome. Ngatama ni xi mejeén Jí kꞌi̱e̱ tꞌanangii̱, xikó kjima ndiꞌakꞌajmi jàn.

Juaa̱ 11:25

Sꞌe̱ Kjisoo̱, bi̱ katsó: –Án boá xi tsꞌenkjaꞌáꞌyáa̱ xota̱ xi je jesoón, ko̱jo án boá xi tsꞌénkꞌíndo ngiñá an, kó xi sꞌi̱jii̱n an, ndatsi ko̱yà, kꞌuijñá nginí,

Juaa̱ 14:19

Ngi chiboa ni̱xtjin, kó xotaa̱ kui nga̱sondiee̱, ngiti̱ sku̱i̱e̱jínna, ta̱nga jún xcha̱jnúꞌun, ngatꞌa̱ tikòn án, kó ti̱ ku̱i̱ndyionjnú ndatsa jún nga.

Juaa̱ 5:23

tsi̱ꞌe̱ nga ngayeje xota̱ sku̱i̱e̱ndikón ndií xikótsꞌèn bendikón Na̱ꞌmii̱. Xi bendikónjín ndií, bendikónjín Na̱ꞌmi xi katsangiya kui nga.

2 Xota̱ Korinto̱ 13:14

Kjo̱a̱ndaa̱ Ndi̱a̱ná Jesukristoo̱, kjo̱a̱tjoó Néná ko̱jo A̱si̱énni̱xtjii̱n Néná ngatꞌíndojo̱jnú ngatsjéni̱xtjin. Bo̱a̱ kjiꞌi.

Xota̱ Filipo̱ 2:11

Kó nga ngayeje xi bo̱a̱ ka̱tso̱ nga Jesukristoo̱ boá xi Ndi̱a̱ná. Bo̱a̱ tsꞌén nga sꞌi̱jña tsijen kjo̱a̱jee̱ Néná xí Na̱ꞌmii̱.

1 Xota̱ Tesalónika̱ 3:11

Néná kui xi Na̱ꞌminá, ko̱jo Ndi̱a̱ná Kjisoo̱ nga tsjandièjne̱ tsi̱ꞌe̱ nga ka̱ma kongínchonjne̱ jún.

2 Timoo̱ 4:22

Ndi̱a̱ná Jesukristoo̱ ngasꞌijñajin ini̱màa̱. Néná ngatsjájnú kjo̱a̱ndaa̱ ngayejejnú. Bo̱a̱ kjiꞌi.

2 Xo̱jo̱o̱n Peé 3:18

Ta̱sá ꞌniú tangíntji̱ngíjnú kjo̱a̱ndaa̱, ko̱jo nga nda xcha̱ ngasejnú Ndi̱a̱ná Jesukristoo̱, kui xi tsꞌaxiéꞌáná. ¡Kuí boá xi ngotꞌe̱, ko̱jo ta̱ kjiꞌání nga nga sꞌiee̱ kjo̱a̱je! Bo̱a̱ kjiꞌi.

1 Xo̱jo̱o̱n Juaa̱ 1:2

Kui kjo̱a̱mindyion xi je akakoo̱ xotaa̱, kó ji̱n má xi kamáyà ji̱n, kó chistiko̱ ji̱n, kó ndyi̱ꞌbíni̱jmìjne̱ kjo̱a̱a̱ kui kjo̱a̱mindyion ngatsjéni̱xtjii̱n, kui xi tikónjii̱n Na̱ꞌmii̱, kó jè akakoná.

Xo̱jo̱o̱n Jundaa̱ 1:25

kui Néná xí ngototoo̱ kui xi ꞌboxiéꞌáná ta̱ngatꞌanii̱ Ndi̱a̱ná Jesukristoo̱, nga sꞌiee̱ kjo̱a̱je, ko̱jo kjo̱a̱botíxoma, ko̱jo ngaꞌniú, ko̱jo xá, ndeskande koó ngasꞌe̱, ko̱jo ngotꞌe̱, ko̱jo ta̱ kjiꞌání. Bo̱a̱ kjiꞌi.

Ni xi akakoo̱ 1:18

ko̱jo án boá xi tikòn an, kꞌien án ngasꞌe̱, ta̱nga ngotꞌe̱, tikòn án ngatsjéni̱xtjin, kó án boá xi tikónna yibii̱ nínga botíxomaa̱ kjo̱a̱bo̱yaa̱.