Xo̱jo̱n Salmoo̱ 72:10 - Xo̱jo̱n eén Néná

¹⁰ ¡Já re xi chji̱a̱ni nangi Tarsii̱ ko̱jo xi síndo tji̱ngi̱i̱, ngatꞌíchjií to̱n xi machjítjé ni! ¡Já re xi chji̱a̱ni nangi Arabia̱, ko̱jo xi chji̱a̱ni nangi Etiopía̱ ngatjandibájoo̱ ni tsjakon kui ree̱ nga!

Xo̱jo̱n Salmoo̱ 72:10 ပူးပေါင်းရင်းမြစ်များ

Jenesii̱s 10:7

Kuu̱ jun kamá ndií, kó kuí bí xi̱ꞌbi̱: Sebaa̱, Abilaa̱, Sabtaa̱, Raamaa̱, Sabtekaa̱, ko̱jo Nimrroo̱nd. Nimrroo̱nd kuí boá xi tjón tjón achichí ngaꞌniú kisꞌiee̱ kui tꞌanangii̱. Kó Néná katsjandieè nga ngo nda̱ xi tsꞌenkꞌién cho̱ kamá. Ki̱a̱ kjindibánii̱ én xí bi̱ tsoó: «Xikónií Nimrroo̱nd ji, ngo nda̱ xi Néná katsjandieè nga ngo nda̱ tsꞌenkꞌién cho̱ kamá». Na̱xi̱ńdá xí atíxoma Nimrroo̱nd kuí boá xi Babee̱l, Eree̱k, ko̱jo Akaa̱d, kó ngayeje kui ngi̱ndiee̱ ki̱a̱ kisꞌińdo Nangii̱ Babilonia̱. Kui ngi̱ndiee̱ ki̱a̱ jatjoni Asuu̱r, kui nda̱ xi katsꞌénda ngo na̱xi̱ńdáꞌniú xi ꞌmí Nínibe̱, ko̱jo Reoboo̱t Ii̱r, ko̱jo Kélaa̱j, ko̱jo Resee̱n kui na̱xi̱ńdáꞌniú xi kisꞌijña ngamasiee̱n nínga tikón Nínibee̱ ko̱jo Kélaa̱j. Raamaa̱ jó kamá ndií, kó kuí bí xi̱ꞌbi̱: Sebaa̱, ko̱jo Ndendaa̱n.

Na̱ Estee̱r (Ebreo̱) 10:1

Kó re Asueroo̱ jaꞌáchjií to̱n xi machjítjé ni xotaa̱, ngayeje na̱xi̱ńdá xi síndo nangi nínga botixómá, ko̱jo ngaskande tji̱ngi̱ xi tjíndo ngi̱jin ndáchíkoón.

Xo̱jo̱n Salmoo̱ 45:12

Kó ínchjín xí chji̱a̱ni na̱xi̱ńdáꞌniú Tiroo̱ achichí ni tsjakon kji̱ndi̱bájo̱, kó xota̱ cho̱o̱n na̱xi̱ńdaá ni̱ma̱ ka̱tso̱ nga ku̱i̱ꞌaa̱ kjo̱a̱nda.

Xo̱jo̱n Salmoo̱ 68:29

Ji Ne, ta̱ngatꞌanii̱ na̱ngo̱xi̱i̱ xi tikón ki̱a̱ na̱xi̱ńdáꞌniú Jerusale̱n, nga já ree̱ kjo̱chójoo̱ ni xi tsjakon.

Xo̱jo̱n Salmoo̱ 68:30

Ti̱ꞌinxchínje̱ ji kui xota̱ xi xikó maá cho̱ tamá xí síndo ngi̱ndyió na̱xi̱i̱, kui xi xikó maá ngo xtín cho̱yojo toro̱, ko̱jo ndií cho̱yojo xi tsi̱ꞌe̱ na̱xi̱ńdaá, kui xi ndyi̱tsjánié to̱ntiboaa̱. ¡Ti̱ꞌintsojoboe ji xota̱ na̱xi̱ńdá xí achichí tsjá maá nga kjaán!

Matioo̱ 2:11

Kó nga tsꞌasꞌien ngi̱yaa̱, kamábe ndí ndií ko̱jo na̱ Riya̱ na̱aa̱n ndií, kó asiéntikoó kui jaá, kó katsꞌéndikón, kó iskjíxꞌá koxa̱a̱, kó tsꞌaxié ni xi ndyi̱yaꞌaa̱ ndií: Ngo xi yaꞌaa̱ to̱nsinié, ngo xi yaꞌaa̱ nisije̱n xi niꞌánkjién nga niꞌándikón Néná, ko̱jo ngo xi yaꞌaa̱ ndásíje̱n chjí xí ꞌmí mirra̱.