Xo̱jo̱n Salmoo̱ 71:8 - Xo̱jo̱n eén Néná

⁸ Tjikítsie maá ndso̱ꞌba án ni xi ji sa̱ꞌíntsjaá, kó nga ngo ni̱xtjii̱n nga chjiá an kjo̱a̱a̱ kjo̱a̱jèe̱.

Xo̱jo̱n Salmoo̱ 71:8 ပူးပေါင်းရင်းမြစ်များ

Xo̱jo̱n Salmoo̱ 104:1

¡Si̱ꞌantsjàa̱ Néná ngayeje ini̱ma̱ná! Ji Ne, jí boá ngo Ne xi achichí kjo̱a̱je tjiín, kó tjikítsie maá kjo̱a̱tsjakjiꞌi ko̱jo kjo̱a̱yandikón, kó ngo ndiꞌí tsꞌentsíjen nínga tindyinjin ji. Ikꞌíjñí ji nkꞌajmii̱ xikó tsꞌén jme ngo ńjño kortina̱, kó nga̱soón ndáfoa xi tikón nkꞌajmii̱ ki̱a̱ ikꞌíjñí ji ngi̱ndie nínga mindyin. Ṉdi̱i̱ kuí boá xi xikoó karroo̱ kjo̱a̱xcháa̱n, ¡kó xikoó tsi ki̱a̱ ꞌmisén ji nga̱a̱ tjo̱o̱!

Xo̱jo̱n Salmoo̱ 35:28

Kó najen án ku̱i̱chji̱a̱ kjo̱a̱a̱ kjo̱a̱kixi̱i̱, kó nga ngo ni̱xtjii̱n nga ji sa̱ꞌintsjaá.

Xo̱jo̱n Salmoo̱ 63:5

¡Nda stsi̱e̱é ini̱ma̱na xikó maá tsi yojo ko̱jo tsi xinié jè iskjinie! ¡Kó ndso̱ꞌba án achichí tsjá ka̱maa̱ nga sa̱ꞌíntsjaá!

Xo̱jo̱n Salmoo̱ 71:15

Ndso̱ꞌba án, kjo̱a̱kixìi̱ ko̱jo kjo̱a̱ꞌnaxiéꞌáa̱ boá xi ku̱i̱chji̱a̱ nga ngo ni̱xtjii̱n, ndatsi nde májínna ꞌbíxki̱.

Xo̱jo̱n Salmoo̱ 71:24

Nga ngo ni̱xtjii̱n nga kuichjiá najén án kjo̱a̱a̱ kjo̱a̱kixi̱i̱, ngatꞌa̱ kasakoo̱ kjo̱a̱soboá ko̱jo kamátsobéjii̱n kui xota̱ xi ndyi̱mongase nga ni ndajín ka̱mana.

Xo̱jo̱n Salmoo̱ 96:6

Kjo̱a̱jee̱ ko̱jo kjo̱a̱yandikoón boá xi síndo ngindyi̱ko̱n kui, kó ki̱a̱ ndiꞌandikoón ki̱a̱ tikón ngaꞌniuú ko̱jo kjo̱a̱tsjakjiꞌii̱.