Xo̱jo̱n Salmoo̱ 71:19 - Xo̱jo̱n eén Néná

¹⁹ Kó ko̱jo kjo̱a̱kixi̱i̱ nga Ne, ngaskande nkꞌa jàn fochó, ko̱jo ni xi achichí ni yiꞌi xi je kiniꞌín ji. ꞌYá xí kjo̱chótji̱ngi xikó kón ji.

Xo̱jo̱n Salmoo̱ 71:19 ပူးပေါင်းရင်းမြစ်များ

Joo̱b 5:9

Kui xi tsꞌén kjín kjo̱a̱ndikón ko̱jo ni xi fíndikónná, xi nde jmíjín xi ka̱makjiín.

Xo̱jo̱n Salmoo̱ 139:6

¡Jmí ni̱xtjin ka̱makjínna xikó kjiꞌi nga fíndikónna kjo̱a̱kjíntakóo̱n! ¡Jmí ni̱xtjin ka̱makjínna!

Xo̱jo̱n Salmoo̱ 35:10

Ngayeje ńdana, bi̱ ka̱tso̱: «¡Ji Ne, jmíjín ingo Ne xi xikoó jí! Ji xi ꞌnaxiéꞌé ji xota̱ xi indaa̱, kjo̱a̱a̱ xota̱ xi ꞌniú ngasee̱, ko̱jo ꞌnaxiéꞌé ji xota̱ ni̱ma̱a̱ ko̱jo xi jmí nijiín, kjo̱a̱a̱ xota̱ xi foaꞌáxiín ni xi tjiín».

Xo̱jo̱n Salmoo̱ 36:7

Ji Ne, ¡Achichí tsjákjiꞌi kjo̱a̱ni̱ma̱takóo̱n! Kuíni nga xota̱ nga̱sondiee̱ ki̱a̱ ꞌbíndongí ngindie nkꞌieén nga̱a̱.

Xo̱jo̱n Salmoo̱ 57:10

Ngatꞌa̱ achichí je kjo̱a̱ni̱ma̱takóo̱n nga ngaskande nkꞌajmii̱ fochó, kó ngaskande ngi̱jin ṉdi̱i̱ fochó kjo̱a̱kixi̱i̱.

Xo̱jo̱n Salmoo̱ 72:18

¡Ngatamachikonñé Néná, kui xi Nee̱ xota̱ Israee̱l! Kui Néná xi ta̱kuítsí xi tsꞌén ni xi fíndikónná.

Xo̱jo̱n Salmoo̱ 86:8

Ji Ne, jmíjín ngo Ne xi xikoó jí, ngi̱jii̱n ngayeje ne xi ngasee̱, ti̱nde jmíjín ngo ni, xi xikoó xi ji kiniꞌínde ji.

Éksondo̱ 15:11

»Ne tsa̱ꞌa̱n, ¡jmíjín ingo Ne xi xikoó ji! ¡Ta̱ jí tsí xi je ji! ¡Ta̱ jí tsí xi tjiín ngaꞌniú! Achichí kjo̱a̱ndikón xí yiꞌi kiniꞌín ji, jí boá xi niꞌín ji ni xi fíndikónná.

Énkjínkón 15:24

Ndi̱ya̱à kjo̱a̱mindyioo̱n xota̱ xi makjiín, xtji̱e̱e̱n nkꞌajmii̱ boá, tsi̱ꞌe̱ nga ki̱a̱jín ko̱e̱je̱ xtji̱e̱e̱n ti̱xa̱na̱nga̱a̱ kjo̱a̱bo̱yaa̱.

Énkjínkón 24:7

Xota̱ xi kitikjo̱a̱a̱ jmíni̱xtjin kjínkón ka̱ma, kó kjiꞌanga tikón ngindyikón nendiꞌamasiee̱n, nde bejín mí ni xi ka̱tso̱.

Rkaa̱ 1:49

Ngatꞌa̱ achichí tsie ni xi je katsꞌénjo̱na Néná xí tjiín ngaꞌniuú. ¡Tsjie jaꞌeén!

Ndeuteronomio̱ 3:24

“Jè kamábe an kjo̱a̱jèe̱ ko̱jo ngaꞌniúu̱. Ti̱nde nkꞌa jàn, ti̱nde tꞌanangii̱ jmíjín ingo Ne xi xikoó jí, xi maa̱ tsꞌén kjín ni xi fíndikónná.