Xo̱jo̱n Salmoo̱ 7:9 - Xo̱jo̱n eén Néná

⁹ Ngatjie ngotꞌe̱ ꞌne̱ ni xi ndajín xi tsꞌén xota̱ xi ndajiín, kó xota̱ xi kixi̱i̱, ꞌniú ngasꞌijña, ngatꞌa̱ kui Ne xi kixi̱i̱, kuí boá xi kotꞌa ini̱ma̱a̱ ko̱jo kjo̱a̱niꞌánkjoó.

Xo̱jo̱n Salmoo̱ 7:9 ပူးပေါင်းရင်းမြစ်များ

Jenesii̱s 20:5

Ti̱ kuíní Abraa̱n xi ndichja xò má na̱ Saraa̱ katsóna, kó na̱ Saraa̱, ntsꞌié án má Abraa̱n katsó kui nga. Nda tsꞌén tikón kjo̱a̱kjíntakónna, ngatꞌa̱ jmí ni xi ndajínkjiꞌi katsꞌénjín an.

Xo̱jo̱n Salmoo̱ 10:15

Chjátꞌé jí tjiaa̱ ko̱jo ṉꞌni̱u̱ xota̱ xi ndajiín, ti̱ꞌinkjie ji ni xi ndajín xi ndyi̱tsꞌèn, ngaskande nga kju̱i̱e̱ yeje kui nii̱.

Xo̱jo̱n Salmoo̱ 10:18

kó ꞌmijindeje̱ ji xota̱ xi síndo xꞌi̱a̱a̱n, ko̱jo xota̱ xi ndajín kjimataꞌii̱n, tsi̱ꞌe̱ nga ingojín xota̱ nga̱sondiee̱ xi sa̱ꞌiín ni xi ꞌniú ndajín kje̱ꞌe xota̱.

Xo̱jo̱n Salmoo̱ 11:5

Néná kjitꞌayákón xota̱ xi kixi̱i̱, ta̱nga chꞌórií xota̱ xi ndajiín, ko̱jo xi tsja maa̱ nga tsꞌén ni xi ꞌniú ndajiín.

Xo̱jo̱n Salmoo̱ 139:1

Ji Ne, jè yé cha̱n cha̱nní, ¡jè yé ji kó kón an!

Xo̱jo̱n Salmoo̱ 17:3

Jè kichitꞌe ji ini̱ma̱na, jè kitsitsijìnní nga jñoó nga kachjatꞌayékínní, kó jmí ni xi ndajín kasakojiín, jè be an nga jmí én chꞌo tsó kuichji̱a̱jín an.

Xo̱jo̱n Salmoo̱ 18:21

Ngatꞌa̱ ki̱a̱ tsꞌénfítji̱ngi an ndi̱ya̱à Néná, kó jmí ni xi ndajín tjítsꞌenjín an, ti̱nde tjítsꞌenkjinjáa̱n yojona kui.

Xo̱jo̱n Salmoo̱ 26:2

Chítꞌeni Ne, kó chjátꞌeyekínní, chítꞌe ji ni xi tsꞌenkjó án, ko̱jo ni xi tjíjin ini̱ma̱na.

Xo̱jo̱n Salmoo̱ 35:23

¡Tindyie ndyikin, kó ti̱ndyinde ji nga ko̱ꞌna̱xiéꞌéní! ¡Ji Ne, ji Ndi̱a̱, tꞌenjindaje̱ní kjo̱a̱a̱ ni xi kjimana!

Xo̱jo̱n Salmoo̱ 37:23

Néná boá xi nda tsꞌénkjí nínga fí kui nda̱ xi Néná tsjá maá ndi̱yà nínga tsoꞌbá.

Xo̱jo̱n Salmoo̱ 40:2

Kó tsꞌaxiéna nga tsꞌénkayà an ki̱a̱ ti̱xa̱ nínga nda̱ máná, ki̱a̱ ngi̱jin ndásee̱ chi̱ndyiaa̱. Kuí boá xi ngo ndi̱jo̱je asién són ndsa̱ko án, kó ꞌniú nda katsꞌénkjítsoꞌbána.

Xo̱jo̱n Salmoo̱ 43:1

¡Ti̱ꞌin ji nga kixi̱ si̱ꞌansenna ji Ne, kó ꞌna̱xiéꞌéní! ꞌNa̱xiéꞌéní ngi̱ya tsja xota̱ xi bejiín ji, ko̱jo kjo̱a̱a̱ xota̱ xi ꞌniú ndajiín, ko̱jo xi ꞌboṉcha̱a̱.

Xo̱jo̱n Salmoo̱ 44:21

kó Néná, a mí tsí je kamákjiín kui nii̱ tsobo̱a̱, ngatꞌa̱ kui jè be ni xi tjiꞌmaá ini̱ma̱a̱.

Xo̱jo̱n Salmoo̱ 58:6

Ji Ne, ¡chjátꞌé jí ṉꞌni̱u̱ kui xotaa̱! Ji Ne, ¡chjátꞌé jí ṉꞌni̱u̱ kui xandi̱je̱e̱!

Xo̱jo̱n Salmoo̱ 9:9

Néná boá xi skoón xota̱ xi ndajín mataꞌii̱n, kuí boá xi tsja̱angaꞌniuú xotaa̱ kjiꞌanga nda̱ ka̱maa̱.

Xo̱jo̱n Salmoo̱ 96:10

Bi̱ nga tsó xota̱ na̱xi̱ńdaá: «¡Néná boá xi tsꞌénbotixómá!» Kuí boá xi ꞌniú íjñá kui nga̱sondiee̱, kó ka̱matíyájiín. ¡Kuí boá xi kixi̱ ko̱tíxomaa̱ ngayeje na̱xi̱ńdaá!

Xo̱jo̱n Salmoo̱ 96:13

Nga sie ngindyi̱ko̱n Néná, ngatꞌa̱ jè ndibá, ngatꞌa̱ jè ndibákatíjeé xota̱a̱ kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó kjo̱a̱ꞌniátakoón sa̱ꞌínkjién nga ko̱tíjeé xota̱ na̱xi̱ńdaá.

Xo̱jo̱n Salmoo̱ 98:9

Ngatꞌa̱ Néná ndibákatíjeé kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó ndse̱je̱n tsꞌén ko̱tíjeé ngayeje xota̱ na̱xi̱ńdaá.

Ni xi kamá 12:23

Ti̱ kuii̱ chi̱bo̱a̱ ngo ndítsjiee̱ Néná katsjaá ngo chiꞌin Erondee̱, ngatꞌa̱ katsjájiín kjo̱a̱je Néná, kó chi̱ndo katsꞌénkjié nga kꞌien.

Xota̱ Roma̱ 16:25

Nganiꞌántsjaá Néná, kui xi maa̱ nga tsja̱ngaꞌniújnú, xikó tsó kui éntjatsi̱e̱ xi tsꞌénꞌbini̱jmì án, ko̱jo ni xi tsꞌénbokoyá an kjo̱a̱a̱ Jesukristoo̱, xikó kjiꞌi kjo̱a̱a̱ ni xi tjíndaa̱ Néná, ni xi tjiꞌmá ndeskande ngindiee̱ nga kamánda kui nga̱sondiee̱.

1 Xota̱ Tesalónika̱ 3:13

Néná nga tsja ngaꞌniuú ini̱ma̱jnú, kó kjiꞌanga kjo̱e̱ꞌe nginí Ndi̱a̱ná Jesukristoo̱ nga kjo̱e̱ꞌéjo̱ xota̱ na̱xi̱ńdá tsjiee̱, nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú, ko̱jo nga ꞌniú tsjie ku̱i̱ndyionjnú ngindyi̱ko̱n Néná xí Na̱ꞌminá.

1 Xo̱jo̱o̱n Peé 5:10

Kó ngije ikitjatiójnú chií kjo̱a̱ni̱ma̱ chiboa ni̱xtjin, kui Néná xí tsi̱ꞌe̱ ngayeje kjo̱a̱ndaa̱, kui xi Jesukristoo̱ katsꞌénkjién nga tsíchji̱a̱ná, tsi̱ꞌe̱ nga sa̱kóná kjo̱a̱je xi fejiín, kui nga tsꞌén xi chjiéngá ka̱majnú, nga tsjangaꞌniújnú, ꞌniú ngatꞌijñájnú, ko̱jo nga tsjandièjín nga jó nga ján kꞌuijñaá ini̱ma̱jnú.

Xo̱jo̱o̱n Jundaa̱ 1:1

Án xí ꞌmína Jundaa̱, mosoo̱ Jesukristoo̱ ko̱jo ntsꞌi̱e̱ Sandiyaá, tsꞌentindejnúꞌun ngayejejnú jún xota̱ xi Néná xí Na̱ꞌmii̱ tjoó, ko̱jo xi je tsíchji̱a̱a̱, kui xota̱ xi Jesukristoo̱ tsꞌénkoón.

Ni xi akakoo̱ 2:23

kó sa̱ꞌínkꞌién an ndií, kó ngayeje xota̱ na̱ngo̱xi̱i̱ sku̱i̱e̱ nga an be án kókjiꞌi ngi̱jii̱n kjo̱a̱kjíntakoón, ko̱jo ngi̱jin ini̱ma̱a̱ xotaa̱, kó nga ngo nga ngo xotaa̱ tsjàa̱ ta̱ xikó kjíꞌí ni xi katsꞌén.