Xo̱jo̱n Salmoo̱ 7:8 - Xo̱jo̱n eén Néná

⁸ Ji Ne, ji xi kixi̱ tsꞌén niꞌínsée̱n xota̱ na̱xi̱ńdaá: ¡ndókjo̱e̱ ji tsi nda ko̱jo tsi ndajín katsꞌen an, kó te̱ꞌéjéní, ta̱nga chꞌi̱e̱xki̱ ji nga kixi̱ án, ko̱jo nga jmí jéjínna!

Xo̱jo̱n Salmoo̱ 7:8 ပူးပေါင်းရင်းမြစ်များ

Jenesii̱s 18:25

¡Jí boá ngo Ne xi kotsijee̱n tsi nda ko̱jo tsi ndajín ndyi̱tsꞌèn ngayeje xota̱ nga̱sondiee̱! ¡Kó jí ka̱májín nijan si̱ꞌinkꞌin ji xota̱ xi ndajín ndyi̱tsꞌe̱én ko̱jo xota̱ xi nda ndyi̱tsꞌe̱én! ¡Jí boá ngo Ne xi ndse̱je̱n tsꞌenseén ngayeje xotaa̱!

Jenesii̱s 31:53

Kó kui Néná xí tsi̱ꞌe̱ Abraa̱n ko̱jo xi tsi̱ꞌe̱ Najoo̱r na̱ꞌmindyiboaná, kuí xí ngatamabe tsi nda ko̱jo tsi ndajín ndyi̱niꞌán». Kó Jakoo̱b ngiboanéná katsó nga katsꞌénkie kui Néná xí katsꞌéndikón Isa̱ na̱ꞌmii̱.

Xo̱jo̱n Salmoo̱ 11:4

Néná ki̱a̱ tikón na̱ngo̱xi̱ tsjiee̱, kó ndiꞌakꞌajmii̱ boá nínga tikón ngi̱ndie xi botixómá, kó tsꞌénkotsijee̱n ko̱jo tsꞌénkotꞌa ni xi tsꞌén xota̱ nga̱sondiee̱.

Xo̱jo̱n Salmoo̱ 25:21

Jí boá xi tsꞌénkoyaa̱. Kjo̱a̱kixi̱na ko̱jo kjo̱a̱a̱ nga jmíjínna jé, kuí boá kui nii̱ xi sa̱ꞌín nga sa̱ꞌin an.

Xo̱jo̱n Salmoo̱ 26:1

Ji Ne, kixi̱ ti̱ꞌinsénní, ngatꞌa̱ kixi̱ tikòn an, kó nde jó nde jánjín ꞌbijñáa̱ ini̱ma̱na nga ji ꞌniákoo̱n.

Xo̱jo̱n Salmoo̱ 26:11

Ta̱nga an ki Ne, to̱kó kixi̱ kotíjña̱ an, ngatamani̱ma̱a̱ an, kó ꞌna̱xiéꞌéní.

Xo̱jo̱n Salmoo̱ 41:12

Kó kjo̱a̱a̱ an ki, jí boá xi ngatsjéni̱xtjin nga ko̱si̱ke̱jení, kó ngatsjéni̱xtjin nga ki̱a̱ kꞌuijñíní nínga tindyin ji.

Xo̱jo̱n Salmoo̱ 43:1

¡Ti̱ꞌin ji nga kixi̱ si̱ꞌansenna ji Ne, kó ꞌna̱xiéꞌéní! ꞌNa̱xiéꞌéní ngi̱ya tsja xota̱ xi bejiín ji, ko̱jo kjo̱a̱a̱ xota̱ xi ꞌniú ndajiín, ko̱jo xi ꞌboṉcha̱a̱.

Xo̱jo̱n Salmoo̱ 78:72

Kó Ndabii̱ kuí boá xi askoo̱n xota̱ na̱xi̱ńdaá xikó kjiꞌi nda ini̱ma̱a̱, kó kuí boá xi akoó ndi̱yà, xikó tsꞌén maa̱ niꞌánxá.

Xo̱jo̱n Salmoo̱ 82:1

Néná boá xi tikóntjoón kui ngi̱ndie nínga botíxoma xi tikón ki̱a̱ nkꞌajmii̱, kó ngamasiee̱n ngayeje ne xi ki̱a̱ síndoo̱, kuí boá xi tsꞌénjeé:

Xo̱jo̱n Salmoo̱ 9:8

Kó kixi̱ tsꞌén sa̱ꞌínjeé xota̱ na̱xi̱ńdá xí tjín nga̱sondiee̱, kó ta̱ són sa̱ꞌínjo̱ na̱xi̱ńdaá nga sa̱ꞌínjeé.

Xo̱jo̱n Salmoo̱ 96:13

Nga sie ngindyi̱ko̱n Néná, ngatꞌa̱ jè ndibá, ngatꞌa̱ jè ndibákatíjeé xota̱a̱ kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó kjo̱a̱ꞌniátakoón sa̱ꞌínkjién nga ko̱tíjeé xota̱ na̱xi̱ńdaá.

Xo̱jo̱n Salmoo̱ 98:9

Ngatꞌa̱ Néná ndibákatíjeé kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó ndse̱je̱n tsꞌén ko̱tíjeé ngayeje xota̱ na̱xi̱ńdaá.

Énkjínkón 19:1

Chjí ngasenii̱ nga xota̱ ni̱ma̱ xi kixi̱ ka̱má, ta̱bo̱a̱jiín tsi xota̱ xi kitikjo̱a̱ ko̱jo tsi xi ta̱xkiya chji̱a̱ ka̱má.

Ni xi kamá 17:31

ngatꞌa̱ nga Néná jè jaꞌájin ngo ni̱xtjin nga kixi̱ tsꞌén ko̱tíjeé xotaa̱ kui nga̱sondiee̱, kó jè jaꞌájin ngo nda̱ xi sa̱ꞌín kui nii̱, kó jè íjñá chi̱bo̱a̱ná ngayeje ñá, kjiꞌanga katsꞌénkjaꞌáꞌyaá ngi̱jii̱n xota̱ xi je jesoón.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

1 Xota̱ Tesalónika̱ 2:10

Jún ko̱jo Néná xí chistiko̱jnú, nga ji̱n xi xota̱ tsjie ji̱n, xota̱ xi kixi̱, ko̱jo xota̱ xi jmíjín xi chꞌo tsꞌén kandokjo̱a̱taꞌin kamájne̱ nga kisꞌiṉtjajne̱ ngi̱jinjnú jún xi sꞌijinjnú Néná.