Xo̱jo̱n Salmoo̱ 7:16 - Xo̱jo̱n eén Néná

¹⁶ Ni xi ndajín xi tsꞌén, ti̱kuíní xi ndajín sa̱ꞌiín, kó kjo̱a̱tamaá, ti̱kuíní to̱ko̱ xi kꞌo̱kanieé.

Xo̱jo̱n Salmoo̱ 7:16 ပူးပေါင်းရင်းမြစ်များ

Na̱ Estee̱r (Ebreo̱) 7:10

Kó Amaa̱n ki̱a̱ ikjienboaꞌa yá xí katsjákjo̱a̱ nga kamánda tsi̱ꞌe̱ nga kjuiénboáꞌá Marndokeoo̱ katsaki, kósꞌe̱ bo̱a̱ tsꞌén nga jaꞌajenda kjo̱a̱niꞌánxchaán ree̱.

Na̱ Estee̱r (Ebreo̱) 9:25

Ta̱nga kjiꞌanga na̱ re Estee̱r jachó ngindyi̱ko̱n ree̱, kui ree̱ katsjákjo̱a̱ nga ka̱manda ngo xo̱jo̱n, xi kjitꞌa nga ti̱ kuii̱ Amaa̱n kꞌo̱kanieé ni ndajín xi je índa kondraa̱ xota̱ jundíoo̱, kuíni nga ikjienboaꞌani kui, ko̱jo ngayeje ndií.

Joo̱b 4:8

Jè kamábe an ngotꞌe̱ ꞌne̱, nga xota̱ xi tsꞌén ni xi ndajiín, ti̱ ndajín maá nga.

Xo̱jo̱n Salmoo̱ 141:10

¡Ti̱ꞌin ji nga ti̱ kuii̱ ku̱i̱xo̱ya kui chja̱ya̱ xi ndyi̱ꞌbíndo! Ta̱nga an ki, ¡ꞌna̱xiéꞌéní, kó tꞌíjñitꞌaxínní!

Xo̱jo̱n Salmoo̱ 35:8

¡Ngatjandibánié ni xi ndajín ngindiee̱ nga sku̱i̱e̱! ¡Ngatꞌákayà ti̱ kuii̱ chja̱ya̱ xi kui íjñá, kó ki̱a̱ ngatꞌákayà nga on ka̱maa̱!

Xo̱jo̱n Salmoo̱ 36:12

Kósꞌe̱ kjiꞌá boá nga ku̱i̱xo̱ xota̱ xi tsꞌén ni xi ꞌniú ndajiín, ¡ku̱i̱xo̱ tꞌanangi, kó ngiti̱ kjo̱stjíe̱njín ngase!

Xo̱jo̱n Salmoo̱ 36:4

Ndeskande ndatsi to̱kó kjiꞌijña ngase, nga ta̱soboá ni xi ndajiín boá xi tsꞌénkjó, jmí tsi ndi̱yà xí ndaa̱ xi tsoꞌbá, ngatꞌa̱ ma chꞌójiín ni xi ndajín xi tsꞌén.

Xo̱jo̱n Salmoo̱ 57:7

Ji Ne, ini̱ma̱na jè tikónnda nga mejeén si̱eé só, kó si̱eé só ko̱jo salmo̱.

Xo̱jo̱n Salmoo̱ 9:16

Néná jè akó yojoo̱, kó kixi̱ tsꞌén je katsꞌénseén xotaa̱. Xota̱ xi ꞌniú ndajiín, ti̱kuíní xi ixóyà chja̱ya̱ xi índo.

Énkjínkón 1:19

Nga fetꞌani, bo̱a̱ kjiꞌi ni xi maa̱ xota̱ xi xki̱ꞌáto̱o̱n, kui xi ta̱ngatꞌanii̱ kui nii̱ nga fesón.

Énkjínkón 26:27

Xi sa̱ꞌínda ngo ti̱xa̱, ti̱kuíní bo̱a̱ xi ki̱a̱ kꞌo̱kayà, xi ngo ndi̱jo̱ sa̱ꞌíngátíkjayá, ti̱kuíní ndi̱jo̱o̱ xi sa̱ꞌínkjítie kui.

Eklesiastee̱ 10:8

Xi sa̱ꞌínda ngo ti̱xa̱, ka̱márií nga ki̱a̱ kꞌo̱kayà. Xi ko̱kján ngo xó, ka̱márií ye̱ skji̱ni̱e̱e̱.