Xo̱jo̱n Salmoo̱ 69:4 - Xo̱jo̱n eén Néná

⁴ ¡Kjín ngase ma xi nde jmí kjo̱a̱jín nga chꞌoo̱ an, ta̱bo̱a̱jiín tsja̱ xi tjiín tokó án! Achichí ngaꞌniú xí tjiín xota̱ xi mejeén sa̱ꞌínkꞌiénna, kondra̱na je kamá, kó nde jmí kjo̱a̱jiín, kó ngotꞌe̱ ꞌne̱ chjiéngá án kꞌuichjí án kjo̱a̱a̱ ni xi ánjín katsꞌenchejé án.

Xo̱jo̱n Salmoo̱ 69:4 ပူးပေါင်းရင်းမြစ်များ

Xo̱jo̱n Salmoo̱ 35:19

Ngata̱ mojnókiejínna kui xi nde jmí kjo̱a̱jiín nga kondra̱na kjima, ti̱nde ngatꞌa̱ ꞌbíchjándsójín ndyi̱ko̱n kui xi nde jmí kjo̱a̱jiín nga an sa̱ꞌínchꞌóna.

Xo̱jo̱n Salmoo̱ 40:12

Ngatꞌa̱ achichí má ni xi ndajín xi je jaꞌatjiyajonna, jè katsꞌénna kui ni xi ndajiín, nde ngiti̱ májín kjininkꞌá an ndyikón án, kjín ngase ma ta̱bo̱a̱jiín xikó kjiꞌi ma tsja tokó án, kó ini̱ma̱na je ngiti̱ chikjo̱a̱jiín.

Xo̱jo̱n Salmoo̱ 59:3

Ngatꞌa̱ chja̱ya̱ je íjñána kui xota̱ xi mejeén sa̱ꞌínkꞌiénna, xota̱ xi ꞌniú ndajiín je ndyi̱ꞌmìyá nga ni xi ndajín ka̱mana, kó jmí tsi kjo̱a̱a̱ nga ndajín katsꞌén ko̱jo tsi katsꞌenjé an, ji Ne.

Xo̱jo̱n Salmoo̱ 6:7

Nde ngiti̱ ndajín tsijenna, ta̱ngatꞌanii̱ kui kjo̱a̱ni̱ma̱a̱, ¡jè kjima ti̱ka̱ má an, ta̱ngatꞌanii̱ ngayeje kondra̱na!

Juaa̱ 15:25

Ta̱nga ngayeje kui nii̱ kjima, tsi̱ꞌe̱ nga kjifotjosón ni xi kjitꞌa xo̱jo̱n kjo̱a̱kitii̱ kui xotaa̱, xi bi̱ tsó: “Nde jmí kjo̱a̱jín nga katsꞌénchꞌóna.”

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

1 Xo̱jo̱o̱n Peé 2:22

Kristoo̱ ngojín jé katsꞌén, ti̱nde jmíni̱xtjin tjín xí tsꞌenṉcha̱jo nga tsíchji̱a̱,

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.