Xo̱jo̱n Salmoo̱ 68:4 - Xo̱jo̱n eén Néná

⁴ ¡Ndàjnúu̱ Néná! Ndàjnúu̱ salmo̱ nga si̱ꞌankjiejnú jaꞌeén. ¡Tꞌíjñandajnúu̱ ndi̱ya̱à kui xi fotsoꞌbásón nga̱són ṉdi̱i̱! ¡Kuí boá xi ꞌmí Néná! ¡Tsja ngatamajnú ngindyi̱ko̱n kui!

Xo̱jo̱n Salmoo̱ 68:4 ပူးပေါင်းရင်းမြစ်များ

Xo̱jo̱n Salmoo̱ 16:11

Jí boá xi ko̱kéní ndi̱ya̱à kjo̱a̱mindyioo̱n. ¡Kjiꞌanga an tindyinjinní achichí tsjá ꞌbéna! ¡Kjiꞌanga ki̱a̱ tikóntꞌáa̱ nga kixi̱i̱, ngatsjéni̱xtjin nga tjínna kjo̱a̱tsja!

Xo̱jo̱n Salmoo̱ 18:10

Ngo keruu̱b kisꞌijñasón, kó kijítji̱e̱n ki̱a̱ nga̱soón tjo̱o̱.

Xo̱jo̱n Salmoo̱ 5:12

Ji Ne, jí boá xi niꞌínchikonñí xota̱ xi kixi̱i̱, kó kjo̱a̱nda xi tjiín ji foaꞌatjiyajoo̱n kui, xikoó ngo ni xi ꞌbíchjaá ni xi ndajín.

Xo̱jo̱n Salmoo̱ 66:2

¡Ndàjnúu̱ salmo̱ kjo̱a̱a̱ kjo̱a̱je xi tjiín jaꞌeén! ¡Te̱ꞌéjnúu̱ kjo̱a̱je nga ko̱ndájnúu̱!

Xo̱jo̱n Salmoo̱ 66:4

¡Ngayeje xota̱ nga̱sondiee̱ ko̱siéntikoó ngindyikin ji, kó sa̱ꞌíntsjaá nga si̱eé só! ¡Si̱eé salmo̱ ta̱ngatꞌanii̱ jaꞌée̱n!

Xo̱jo̱n Salmoo̱ 67:4

¡Tsja ngatamajnú, kó tsjatsꞌèn ndajnú jún ngayeje xota̱ na̱xi̱ńdá! Ngatꞌa̱ jí boá xi kixi̱ ko̱ti̱xomée̱ xota̱ na̱xi̱ńdaá. ¡Kó jí boá xi ko̱kée̱ ndi̱yà xota̱ nga̱sondiee̱!

Xo̱jo̱n Salmoo̱ 68:33

Kui xi fotsoꞌbásón nga̱soón nkꞌajmii̱, ndeskande ni̱xtjin xcháján, ¡tsitsíjenjnúu̱ kuí boá xi chji̱a̱, kó ꞌniú ndaꞌyaá nda̱a̱!

Xo̱jo̱n Salmoo̱ 83:18

¡Kó ngatamabe nga ta̱ jí tsí, ji xi ꞌmií Néná, nga jí boá xi Néná xí tikón nkꞌajmii̱ xi tsꞌénbotixómaá ngayeje nga̱sondiee̱!

Xo̱jo̱n Salmoo̱ 97:11

Ndiꞌií boá xi tsꞌentsíjee̱n xota̱ xi kixi̱i̱, kó tsjaá kjo̱a̱tsja xota̱ xi kixi̱ síndo ini̱ma̱a̱.

Éksondo̱ 3:14

Kósꞌe̱ Néná bi̱ katsoó Moisee̱: —Bo̱a̱ tꞌíi̱n nga Án boá kui Ne xi tikón ngatsjéni̱xtjii̱n, kó Án boá xi ꞌmína AN XI AA̱N, bo̱a̱ tꞌíi̱n ngayejee̱ nga Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b, kui xi xota̱ xi xchájnú. »Kuíni nga tꞌen ji nangi Ejipto̱, kó tꞌítikí jí ngayeje xota̱ ngito̱ko̱o̱ xota̱ Israee̱l, kó bo̱a̱ tꞌíi̱n nga an, Nee̱ kui xotaa̱, ki̱a̱ jatjokjaà ji, kó nga jè kamábe an kjo̱a̱ni̱ma̱ xi ndyi̱foaꞌatio ki̱a̱ nangi Ejipto̱.

Éksondo̱ 6:3

Xota̱ xi xcháa̱, Ne xi tjiín ngayeje ngaꞌniuú katsóna, ta̱nga kamábejín kó ꞌmí jaꞌén ja̱koxi̱na, kó kuí bí xi̱ꞌbi̱: AN XI AA̱N.

Énkjínkón 10:28

Xota̱ xi kixi̱i̱, ndyi̱koyaa̱ nga tsja tsꞌén kꞌuíndo, ta̱nga xota̱ xi ꞌniú ndajiín, kjo̱a̱ndasen boá xi kjo̱a̱chiyaá.

Ndeuteronomio̱ 33:26

Kó nga fetꞌani, Moisee̱ bi̱ katsoó ngayeje xotaa̱: «¡Jún xota̱ Israee̱l, jmíjín ingo ne xi xikoó Néná! Néná boá xi nda̱ ree̱ ndiꞌakꞌajmii̱, kó ngatsjéni̱xtjin nga ko̱síko̱jójnú.