Xo̱jo̱n Salmoo̱ 68:1 - Xo̱jo̱n eén Néná

¹ ¡Ye ꞌne̱ Ne, ti̱sítji̱n ji, kó ti̱ꞌintsojoboe ji kondra̱a̱! ¡Ti̱ꞌin ji nga ko̱ngandikón ngindyikin ji, xota̱ xi chꞌoo̱ ji!

Xo̱jo̱n Salmoo̱ 68:1 ပူးပေါင်းရင်းမြစ်များ

Xo̱jo̱n Salmoo̱ 21:8

Ndse̱ boá xi sa̱ꞌínkjié ngayeje kondra̱a̱, ndse̱ kixi̱ boá xi sa̱ꞌínkjié ngayeje xi chꞌoo̱ ji.

Xo̱jo̱n Salmoo̱ 44:26

¡Ti̱sítji̱n ji kó ndibékasíke̱jejne̱ ꞌne̱! ¡ꞌNa̱xiéꞌéjne̱ ta̱ngatꞌanii̱ kjo̱a̱ni̱ma̱takóo̱n!

Xo̱jo̱n Salmoo̱ 59:11

¡Ngatꞌa̱ niꞌínkꞌínjín ji Ne, tsi̱ꞌe̱ nga xchi̱yàjiín xota̱ na̱xi̱ńdána! ¡Ta̱sá kjin ti̱ꞌintsojoboe ji nga si̱ꞌinkjìn jí ngaꞌniúu̱, ti̱ꞌin ni̱ma̱kjo̱a̱ ji! ¡Ji Ne, jí boá xi ꞌbíchjée̱ ni xi ndajiín!

Xo̱jo̱n Salmoo̱ 68:14

Kjiꞌanga Néná xí tsi̱ꞌe̱ ngayeje ngaꞌniuú tsangatji̱ngii̱ já ree̱, nchꞌàn ixó ki̱a̱ nangi soón na̱xi̱ Salmoo̱n.

Xo̱jo̱n Salmoo̱ 68:30

Ti̱ꞌinxchínje̱ ji kui xota̱ xi xikó maá cho̱ tamá xí síndo ngi̱ndyió na̱xi̱i̱, kui xi xikó maá ngo xtín cho̱yojo toro̱, ko̱jo ndií cho̱yojo xi tsi̱ꞌe̱ na̱xi̱ńdaá, kui xi ndyi̱tsjánié to̱ntiboaa̱. ¡Ti̱ꞌintsojoboe ji xota̱ na̱xi̱ńdá xí achichí tsjá maá nga kjaán!

Xo̱jo̱n Salmoo̱ 89:10

Jí boá xi kiniꞌínꞌíi̱n ko̱jo xi kiniꞌínkjiékjo̱a̱ ji nangi Ejiptoo̱, kó ngaꞌniuú ndse̱ kiniꞌínkjín jí nga kiniꞌíntsojoboe ji kondra̱a̱.

Éksondo̱ 20:5

Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna,

Xki̱ 10:35

kó Moisee̱ bi̱ katsó: «¡Ne tsa̱ꞌa̱n, ti̱sítji̱n ji! »¡Ti̱ꞌin ji nga xota̱ kondraa̱ ngatanga ndikón! ¡Ti̱ꞌin ji nga xota̱ xi chꞌoo̱ ji kjin ngatꞌíndonii̱ ji̱n!»

Ndeuteronomio̱ 7:10

ta̱nga nde kꞌo̱ndíyájiín nga sa̱ꞌínkjié xota̱ xi tsꞌenchꞌó.