Xo̱jo̱n Salmoo̱ 66:7 - Xo̱jo̱n eén Néná

⁷ Ta̱ngatꞌanii̱ ngaꞌniú xí tjiín, nga kuí boá xi botixómáná ngatsjéni̱xtjin. Kui boá xi konda ngayeje na̱xi̱ńdaá. Ngata̱ nkꞌajín ꞌboxié yojoo̱ xota̱ xi kitikjo̱a̱a̱.

Xo̱jo̱n Salmoo̱ 66:7 ပူးပေါင်းရင်းမြစ်များ

Joo̱b 9:4

Achichí tsie kjo̱a̱kjíntakón ko̱jo ngaꞌniú xí tjiín, ꞌyá xí ka̱maa̱ nga ku̱i̱ꞌítikjájo̱ Néná, sꞌe̱ skoyaá nga kui xi sa̱ꞌín.

Xo̱jo̱n Salmoo̱ 11:4

Néná ki̱a̱ tikón na̱ngo̱xi̱ tsjiee̱, kó ndiꞌakꞌajmii̱ boá nínga tikón ngi̱ndie xi botixómá, kó tsꞌénkotsijee̱n ko̱jo tsꞌénkotꞌa ni xi tsꞌén xota̱ nga̱sondiee̱.

Xo̱jo̱n Salmoo̱ 140:8

Ji Ne, ngata̱ boeꞌéndièjín ji nga xota̱ xi ꞌniú ndajiín, ka̱ma ni xi mejeén sa̱ꞌín, ngata̱ boeꞌéndièjíi̱n, nga kjo̱tjosón ni xi je índa.

Xo̱jo̱n Salmoo̱ 145:13

Ngatsjéni̱xtjin nga ji xi ko̱ti̱xome ji, ngatꞌa̱ ngatsjéni̱xtjin nga niꞌínkjatjosén ni xi ꞌmíyetjén ji, kó ngayeje nii̱ xi tjótsꞌèn niꞌínde ji.

Xo̱jo̱n Salmoo̱ 33:13

Néná tsꞌénkotsijenni ndeskande ki̱a̱ ndiꞌakꞌajmii̱, kó tsꞌénꞌbíndikón ngayeje xota̱ nga̱sondiee̱,

Xo̱jo̱n Salmoo̱ 62:11

Ngo ndi̱yà je tsíchji̱a̱ Néná, kó jó ndi̱yà jè tsintꞌie an kui nii̱: «Néná boá xi tikoón ngaꞌniuú.»

Xo̱jo̱n Salmoo̱ 75:6

Ngatꞌa̱ kjo̱a̱yandikoón, jmí tsi ki̱a̱ ndibání xtji̱e̱e̱n nínga fotjo tsꞌueé, ko̱jo tsi nínga ꞌbosꞌien, ti̱nde ki̱a̱jín ndibánií nínga nangi kixií.

Éksondo̱ 18:11

Néná boá xi jaꞌáxínjnú ngayeje kui kjo̱a̱ni̱ma̱ xi katsꞌénkjaꞌatiójnú xota̱ Ejipto̱ xi nkꞌa kamaá yojoo̱. ¡Ngotꞌe̱ ꞌne̱ nga be an nga Nee̱ xota̱ Israee̱l xí tjín ngasee̱ ngaꞌniú ta̱bo̱a̱jiín ngayeje ne xi ngasee̱!»

Matioo̱ 28:18

Kó Kjisoo̱ kijíkóntiñaa̱, sꞌe̱ bi̱ katsoó: –Jè katseꞌéna xá nga kotixomáa̱ ngayeje ni xi tjín ndiꞌakꞌajmi jàn ko̱jo ni xi tjín tꞌanangii̱.

Matioo̱ 6:13

Kó ngata̱ boeꞌéndièjín ji nga chjátꞌayákónjne̱, xín ti̱ꞌinkjeꞌejne̱ ni xi ndajín, ngatꞌa̱ jí tse̱ ngi̱ndie nínga botíxomaa̱, ko̱jo ngaꞌniuú, ko̱jo kjo̱a̱jee̱, ngatsjéni̱xtjin. Bo̱a̱ kjiꞌi.