Xo̱jo̱n Salmoo̱ 63:3 - Xo̱jo̱n eén Néná

³ Ngatꞌa̱ kjo̱a̱ni̱ma̱takóo̱n nda ngase, ta̱bo̱a̱jiín kjo̱a̱mindyioo̱n. Ndso̱ꞌba án boá xi si̱eé nga sa̱ꞌíntsjaá.

Xo̱jo̱n Salmoo̱ 63:3 ပူးပေါင်းရင်းမြစ်များ

Xo̱jo̱n Salmoo̱ 21:6

Ngatsjéni̱xtjin nga niꞌínchikonñí ji, kó sꞌikitsie maá kjo̱a̱tsja, nga ki̱a̱ tindyinjìi̱n.

Xo̱jo̱n Salmoo̱ 30:12

tsi̱ꞌe̱ nga najén án si̱eé salmo̱, kó nga jmíni̱xtjin nga xió kꞌuijñá ngase. Ji Ne tsa̱ꞌa̱n, ngatsjéni̱xtjin nga ji xi sa̱ꞌintsjaá.

Xo̱jo̱n Salmoo̱ 30:5

Ngatꞌa̱ ta̱ ngotjón tsí bo̱a̱ nga tsꞌénxchán, ta̱nga ngatsjéni̱xtjin nga nda xota̱ ma. Xchaꞌára̱ nga ni̱xtji̱e̱e̱n, ta̱nga nga kamángindyiojoón jè tsjá kꞌuiéna.

Xo̱jo̱n Salmoo̱ 4:6

Kjín má xota̱ xi bi̱ tsꞌén bosíyá: ꞌYá xí ko̱kóna ni xi ndaa̱. Ji Ne tsa̱ꞌa̱n, takejne̱ ndiꞌií kje̱n ji, kó kuí xí ngatsꞌéntsíjenjne̱.

Xo̱jo̱n Salmoo̱ 42:2

Ini̱ma̱na xíndaá nga mejeén sku̱i̱e̱ Néná, kui Néná xí tikoón. Kjiꞌání nga kjuín án na̱ngo̱xi̱i̱, kó kjóchó an ngindyikin ji.

Xo̱jo̱n Salmoo̱ 51:15

Ji Ndi̱a̱ chjáxꞌé jí ndso̱ꞌba án, kó ndso̱ꞌba án si̱eé só nga sa̱ꞌíntsjaá.

Xo̱jo̱n Salmoo̱ 66:17

Ndso̱ꞌba án boá xi katsꞌenkjién án nga tsíchji̱a̱a̱ kui, kó najén án boá xi katsꞌentsjàa̱ jaꞌeén.

Xo̱jo̱n Salmoo̱ 68:25

Xota̱ xi siee̱ boá xi tjimátjón, sꞌe̱ jaskan tjimá já xí tsꞌénkjánieé, ki̱a̱ ngi̱jii̱n ínchjín xo̱ngò xí tsꞌénkjánié panderoo̱.

Xo̱jo̱n Salmoo̱ 69:16

¡Ti̱ꞌinsénní ji Ne, ngatꞌa̱ achichí nga nda kjo̱a̱ni̱ma̱takóo̱n, ndibékasíke̱jení ta̱ngatꞌanii̱ kui kjo̱a̱ni̱ma̱takón tsie xi tjiín!

Xo̱jo̱n Salmoo̱ 96:6

Kjo̱a̱jee̱ ko̱jo kjo̱a̱yandikoón boá xi síndo ngindyi̱ko̱n kui, kó ki̱a̱ ndiꞌandikoón ki̱a̱ tikón ngaꞌniuú ko̱jo kjo̱a̱tsjakjiꞌii̱.

Éksondo̱ 33:18

Kósꞌe̱ Moisee̱ bi̱ katsoó Néná: —Te̱ꞌéndièní nga skotsijèe̱n kje̱n ji.

Xota̱ Roma̱ 12:1

Kó kuíni ntsꞌie, ꞌniú míꞌájnúꞌun ta̱ngatꞌanii̱ kjo̱a̱ni̱ma̱takoón Néná, tsi̱ꞌe̱ nga kui si̱ꞌankꞌasꞌienjnúu̱ yojojnú xikoó ngo kjo̱a̱tjó xi tikón, ko̱jo xi tsjie, ko̱jo xi tsja ka̱maa̱ Néná. Kuí bí kjo̱a̱niꞌántsjà xi ja̱koxi̱ xi chjiéngá ko̱e̱ꞌé.

Xota̱ Roma̱ 6:19

Chjiájojnúꞌun xikoó xota̱ ta̱ chiboa, ngatꞌa̱ indajnú kó sꞌe̱ tsí kjimakjínjnú kui nii̱. Ngatꞌa̱ xikótsꞌèn ngasꞌe̱ kiniꞌánkꞌasꞌienjnúu̱ yojojnú ni xi ndándií ko̱jo ni xi ndajiín, tsi̱ꞌe̱ nga kiniꞌánjnú ni xi ndajínkjiꞌi, ngotꞌe̱ ꞌne̱ ti̱ꞌankꞌasꞌiénjnúu̱ yojojnú xaá ni xi kixi̱i̱, tsi̱ꞌe̱ nga tsjietsꞌén ku̱i̱ndyionjnú.

1 Xota̱ Korinto̱ 6:20

Ngatꞌa̱ Néná je tsꞌatsiejnú nga katsjá ngo chjí, kó kuíni nga ti̱ꞌankjiénjnú yojojnú tsi̱ꞌe̱ nga ko̱e̱ꞌéjnúu̱ kjo̱a̱je Néná.

Xota̱ Filipo̱ 1:23

Ngatꞌa̱ achichí niꞌin mana nga ngo nga jó kui nii̱ xi kjo̱a̱ꞌajin an: Ngatꞌa̱ ta̱ bo̱a̱ mejénna ko̱yà án, tsi̱ꞌe̱ nga ki̱a̱ kotíjña̱ an nínga tikón Kristoo̱, ngatꞌa̱ nda ngase kjimana kui nii̱,

Xota̱ Ebreo̱ 13:15

Kuíni nga ngatsjéni̱xtjin si̱ꞌantsjàa̱ Jesukristoo̱, ngatꞌa̱ ja̱ Néná boá xi ndyi̱niꞌántsjáa̱ nga bo̱a̱ ndyi̱niꞌán, kuí nii̱ xi kjo̱a̱tjóná, ni xi ku̱i̱chji̱a̱ ndso̱ꞌbá nga ka̱tso̱yà nga Kjisoo̱ xi ndií Néná.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.