Xo̱jo̱n Salmoo̱ 62:4 - Xo̱jo̱n eén Néná

⁴ Ta̱soboá ndyi̱niꞌánkjójnú nga mejénjnú ku̱i̱chíjmingíjnú ki̱a̱ ngi̱ndie nínga tikón, achichí tsjá májnú nga ꞌbíndisójnú, ndso̱ꞌbájnú tsꞌénchíkonñé, ta̱nga ngi̱jii̱n ini̱ma̱jnú, ni xi ꞌniú ndajín sꞌijii̱n.

Xo̱jo̱n Salmoo̱ 62:4 ပူးပေါင်းရင်းမြစ်များ

Xo̱jo̱n Salmoo̱ 119:163

Chꞌóna kjo̱a̱ndisoo̱, ¡kó tsjajín mána! Ta̱nga tjóna kjo̱a̱bokoyáa̱.

Xo̱jo̱n Salmoo̱ 28:3

Ngata̱ ki̱a̱jín nijan chjaféní ngi̱jii̱n xota̱ xi ꞌniú ndajiín, kui xi ni xi ꞌniú ndajín ndyi̱tsꞌe̱én, ngatꞌa̱ kui xotaa̱, kjo̱a̱a̱ kjo̱a̱xioó ndyi̱chji̱a̱jo xota̱ xi xkjín, ta̱nga ngi̱jin ini̱ma̱a̱ je tikoón ni xi ndajiín.

Xo̱jo̱n Salmoo̱ 5:9

Ngatꞌa̱ jmí kjo̱a̱kixi̱jiín ni xi chji̱a̱ tsꞌoa kui xotaa̱, ni xi ndajín boá ngayeje ni xi ndyi̱a̱ nga̱ntsꞌo̱a̱, nga̱tsjo̱ó xí tji̱e̱nti̱xa̱ boá na̱xo̱o̱, kó ta̱soboá ni ndiso boá xi chji̱a̱ na̱je̱n.

Xo̱jo̱n Salmoo̱ 51:6

Ja̱koxi̱ boá nga mejeén xchi̱e̱ ji ni xi tjiꞌmaá, kuíni nga ꞌma ꞌma te̱ꞌéní kjo̱a̱kjínkóo̱n.

Xo̱jo̱n Salmoo̱ 52:3

Tsja ngase maa̱ ni xi ndajín niꞌín, ta̱bo̱a̱jiín ni xi ndaa̱, tsja ngasee̱ éndísoó, ta̱bo̱a̱jiín kjo̱a̱kixi̱i̱.

Xo̱jo̱n Salmoo̱ 55:21

Én xí katsꞌénkjién inda ngase kamá ta̱bo̱a̱jiín mantekiyaa̱, ta̱nga ngi̱jin ini̱ma̱a̱ kjo̱a̱xchán boá xi kisꞌiee̱, én xí tsíchji̱a̱ inda ngase kamá ta̱bo̱a̱jiín istii̱, ta̱nga kui boá xi ki̱cha̱ xi yojó ngajó ngaboaá kamá.

Énkjínkón 13:5

Xota̱ xi kixi̱i̱ chꞌórií kjo̱a̱ndisoo̱, kó xota̱ xi ꞌniú ndajiín, kuí boá xi niꞌánchꞌó ko̱jo xi yandikónjín.

Énkjínkón 6:17

Xota̱ xi nkꞌakoo̱n, xota̱ xi ꞌbindísoó, xota̱ xi tsꞌenkꞌién xota̱ xi jmí jéjiín,

Matioo̱ 2:16

Kósꞌe̱ nga kamákjiín Erondee̱ nga tsꞌenṉcha̱jo já kjínkoón, achichí katsꞌénxchán, kó katsangiya tsi̱ꞌe̱ nga kiniꞌánkꞌién ngayeje jákjíndí xíꞌín xi ngindiee̱ nga jó noó, xi síndo ndí na̱xi̱ńdáꞌniú Belee̱n ko̱jo ngayeje ndí nangi xi síndotꞌa kui ngi̱ndiee̱, ngatꞌa̱ askosoón ni̱xtjin xikó katsoó kui já kjínkoón.

Matioo̱ 22:15

Kósꞌe̱ já fariseoo̱ kijíkꞌínda kótsꞌèn ku̱i̱ꞌíjñaá ngo chja̱ya̱ Kjisoo̱, tsi̱ꞌe̱ nga ngo ni xi ndajín ka̱tso̱.

Matioo̱ 22:23

Kui ni̱xtjii̱n jachókoón Kjisoo̱ já sanduseo̱, kui xota̱ xi tsó nga ngiti̱ foaꞌáꞌyájín xoò xota̱ xi je jesoón,

Matioo̱ 27:1

Nga kisisie̱èn, ngayeje já ngito̱ko̱o̱ chináꞌmii̱ ko̱jo já xchá ngito̱ko̱o̱ na̱xi̱ńdaá, kamátikó xtín tsi̱ꞌe̱ nga índa nga sa̱ꞌínkꞌién Kjisoo̱,

Rkaa̱ 11:39

Kósꞌe̱ Ndi̱a̱a̱, bi̱ katsoó kui nda̱a̱: –Jún já fariseo̱, niꞌántsjiejnú nga̱xto̱n ti̱bo̱a̱ ko̱jo boso̱jnú, ta̱nga ngi̱yaa̱ ini̱ma̱jnú tjikítsie maá ni xi kasakojnú ta̱ngatꞌanii̱ kjo̱a̱chejéjnú ko̱jo kjo̱a̱ndajínjnú.

Rkaa̱ 20:20

Kó kanangiyachoo̱n xota̱ xi askondá, xi ti̱xꞌi̱a̱n xota̱ xi kixi̱ sa̱ꞌín yojoo̱, tsi̱ꞌe̱ nga ku̱i̱ntꞌiè ngo én xí ndajín xi ka̱tso̱, kó bo̱a̱ tsꞌén sa̱ꞌínkꞌasꞌien Kjisoo̱ ngi̱ya ngaꞌniuú, ko̱jo xaá nda̱ xi xtitjoón kui ngi̱ndiee̱.

Juaa̱ 8:44

Na̱ꞌmijnú xindajín ndiabloo̱ boá, kó ni xi mejeén xindajín kuí ni xi mejénjnú si̱ꞌánjnú. Ngaskande koó nga ítjatsꞌennii̱ nga̱sondiee̱ nga xindajín ini̱ma̱ tsꞌenkꞌién, ko̱jo ndiso, ngatꞌa̱ jmí ja̱koxi̱jiín. Kjiꞌanga chji̱a̱ éndísó, nii̱rí xí chji̱a̱, ngatꞌa̱ ndiso kuí, kó kuí boá xi na̱ꞌmii̱ kjo̱a̱ndisoo̱.

Xota̱ Roma̱ 1:32

Jè be kui xotaa̱ nga kjo̱a̱kitii̱ Néná tsó nga ngayeje xota̱ xi tsꞌén kuí nii̱, chjiéngá ko̱yà, ta̱nga jmí tsi ta̱ ta̱kó bo̱a̱ ndyi̱tsꞌèn tsi, ngaskande tsja maa̱ kjo̱a̱a̱ xota̱ xi ndyi̱tsꞌèn kuí nii̱.

Xota̱ Roma̱ 7:22

Ngatꞌa̱ ngi̱jii̱n ini̱ma̱na tsja mana kjo̱a̱kitii̱ Néná.

Ni xi akakoo̱ 22:15

Ta̱nga ndi̱tsén jàn kꞌuíndo ngayeje xota̱ xi ndajín, ko̱jo xi ndyi̱tsꞌèn kjo̱a̱tjiꞌe, kui xi ta̱xkiya ndyi̱tsꞌèntsjàjo̱ yojoo̱, xi ndyi̱tsꞌènkꞌién ini̱ma̱, xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo kui xi ndyi̱tsꞌèntjó ko̱jo xi ndyi̱tsꞌèn kjo̱a̱ndiso.