Xo̱jo̱n Salmoo̱ 61:4 - Xo̱jo̱n eén Néná

⁴ Mejénna nga ngatsjéni̱xtjin kotíjña̱ an ki̱a̱ na̱ngo̱xi̱ ndikóo̱n, ko̱jo nga nda kotíjña̱ an ki̱a̱ ngindie nga̱a̱ nga xchínní.

Xo̱jo̱n Salmoo̱ 61:4 ပူးပေါင်းရင်းမြစ်များ

Xo̱jo̱n Salmoo̱ 15:1

Ji Ne, tꞌíyéní, ꞌyání xi ka̱ma kꞌuijñá ndiꞌandikóo̱n. ꞌYání xi ka̱ma kꞌuijñá na̱xi̱ ndikóo̱n.

Xo̱jo̱n Salmoo̱ 17:8

Chínní xikoó tsi ndyikin ji, ngi̱ndie nga̱a̱ tꞌíjñiꞌmíní,

Xo̱jo̱n Salmoo̱ 23:6

Ja̱koxi̱ boá, nga kjo̱a̱ndàa̱ ko̱jo kjo̱a̱ni̱ma̱takoón, kꞌuíndojinna ngayeje ni̱xtjin nga kotíjña̱ an nga̱sondie, kó ndiꞌaa̱ Néná ngatsjéni̱xtjin nga ki̱a̱ kotíjña̱ an.

Xo̱jo̱n Salmoo̱ 27:4

Ta̱ ngo tsí ni xi je tsíꞌáa̱ Néná, kó kuí boá ni xi kongase an: Nga ki̱a̱ kotíjña̱ an ndiꞌaa̱ Néná ngayeje ni̱xtjin nga kotíjña̱ an nga̱sondie, tsi̱ꞌe̱ nga skuie an kjo̱a̱tsjakjiꞌii̱ Néná, ko̱jo nga ki̱a̱ sa̱ꞌinkjó án ki̱a̱ na̱ngo̱xi̱i̱.

Xo̱jo̱n Salmoo̱ 57:1

¡Ngatamani̱ma̱a̱ an, ji Ne! ¡Ngatamani̱ma̱a̱ an! ¡Ngatꞌa̱ jí boá xi kjimaꞌniátakoón, kó ki̱a̱ kotíjña̱ nga xchínní ngindie tji̱nkꞌi̱e̱én nga̱a̱, ngaskande nga kjo̱a̱ꞌa ni xi ndajiín!

Xo̱jo̱n Salmoo̱ 61:7

Kó ngatsjéni̱xtjin nga kꞌuijñá ki̱a̱ ngindyi̱ko̱n Néná, ¡tꞌíjñinde ji kjo̱a̱ni̱ma̱takón ko̱jo kjo̱a̱kixi̱ tsi̱ꞌe̱ nga xchoón!

Xo̱jo̱n Salmoo̱ 62:7

Néná boá xi ꞌboxiéꞌána, kó kuí boá xi kjo̱a̱jena, Néná boá kui ndi̱jo̱je nínga botíjña̱ ꞌma an, Néná boá xi konna.

Xo̱jo̱n Salmoo̱ 63:7

¡Ngatꞌa̱ jí boá xi bosíke̱jení! ¡Kó achichí tsjá mána nga sie an, ngatꞌa̱ ngindie tji̱nkꞌi̱e̱én nga̱a̱ tikón an!

Xo̱jo̱n Salmoo̱ 90:1

¡Ji Ne, ta̱kjiꞌání nga ji xi kjima ji xikoó tsi ngi̱ndie nínga mindyionjne̱!

Xo̱jo̱n Salmoo̱ 91:1

Kui xi tikón nga Néná xí tikón nkꞌajmii̱ skoón, ki̱a̱ kꞌuijñá ngindie nkꞌieén Néná xí tjiín ngayeje ngaꞌniuú.

Xo̱jo̱n Salmoo̱ 91:4

Tsja̱nga̱a̱ ko̱óꞌmánii̱, kó ngindie nga̱a̱ ka̱ma ku̱i̱ndyin ji, kjo̱a̱kixi̱i̱ kui, xikónií ngo ni xi ꞌbíchjaá ni xi ndajiín xi skoón jí.

Xo̱jo̱n Salmoo̱ 92:13

Ki̱a̱ kꞌuítji̱e̱ ki̱a̱ Ndiꞌaa̱ Néná, kó ki̱a̱ ko̱a̱ja̱a̱ naxó ki̱a̱ ndi̱tsen Néná.

Énkjínkón 18:10

Jaꞌeén Néná, kuí boá xi xikoó ngo tarié xi ꞌniú tikón, kó ki̱a̱ boá nínga fí manga manga xota̱ xi kixi̱i̱, nga mongase nga ko̱si̱ko̱jo.

Matioo̱ 23:37

¡Jún xota̱ na̱xi̱ńdáꞌniú Jerusale̱n, jún xota̱ na̱xi̱ńdáꞌniú Jerusale̱n, xi niꞌánkꞌiénjnú já chji̱ni̱e̱ꞌe̱én Néná, kó ndi̱jo̱ foyàjnú xota̱ xi nangiyajnú! ¡Kótjín ndi̱yà kamámejénna itikojnúꞌun, xikótsꞌèn ꞌbitíkó ndií xo̱nda̱na̱aa̱n ngindie nga̱a̱, kó kamámejénjínjnú!

Xota̱ Ebreo̱ 6:18

Kó Néná ndisojín, ngatꞌa̱ jó ni ni nga sasíkjojín kjo̱a̱a̱ ni xi katsóyàtjón nga tsja̱a ko̱jo nga katsjá tsꞌoa. Kó bo̱a̱ tsꞌén kꞌuiéná ngo ngaꞌniú xi ꞌniú, ngatꞌa̱ ñá mejénná nga Néná skónná, kó ꞌniátakón ñá nga ndyi̱chiyá nga kui xi tsja̱aná ni xi katsóyàtjónná.

Ni xi akakoo̱ 3:12

Kui xi sa̱ꞌiín, kuí xí tsjàa̱ nga kui xi ka̱ma yáseé na̱ngo̱xi̱i̱ Ne xi tsa̱ꞌa̱n, kó jmíni̱xtjin kjo̱tjo kui ngi̱ndiee̱, kó nga̱són yojoo̱ sa̱ꞌinꞌindó an jaꞌeén Ne xi tsa̱ꞌa̱n, ko̱jo jaꞌeén na̱xi̱ńdaá Ne xi tsa̱ꞌa̱n, kui xi na̱xi̱ńdáꞌniú Jerusale̱n xi tja̱tsi̱e̱e̱ xi ndibání ndiꞌakꞌajmii̱ Ne xi tsa̱ꞌa̱n, kó ti̱ bo̱a̱ ti̱ tsꞌén kꞌuijñáa̱ yojoo̱ jaꞌén tja̱tsi̱e̱na.

Na̱ Ruu̱t 2:12

¡Néná nga tꞌíchjií ngayeje ni nda xi kiniꞌín ji! ¡ꞌNiú nda ngatsꞌénjoo̱ kui Néná xí tsi̱ꞌe̱ na̱xi̱ńdá Israee̱l, kui xi timindyisé ji nga skoón!