Xo̱jo̱n Salmoo̱ 59:12 - Xo̱jo̱n eén Néná

¹² Xki̱ nga kjíxꞌá tsꞌoa, tsꞌénjé nga chji̱a̱, ti̱ kui xi ngatixóyà chja̱ya̱a̱ kjo̱a̱nkꞌakoo̱n, ko̱jo kjo̱a̱a̱ ni ndiso ko̱jo ni xi ndajín xi ndyi̱chji̱a̱.

Xo̱jo̱n Salmoo̱ 59:12 ပူးပေါင်းရင်းမြစ်များ

Joo̱b 12:24

»Néná boá xi tsꞌén nga xota̱ xi botixómaá chíyaá kjo̱a̱kjíntakoón tsi̱ꞌe̱ nga ngiti̱ sku̱i̱e̱jín mí ni xi sa̱ꞌín.

Xo̱jo̱n Salmoo̱ 10:2

Achichí nkꞌa maá yojoo̱ xota̱ xi ndajiín nga mongatji̱ngii̱ xota̱ ni̱ma̱a̱, ta̱nga ti̱kuíní xi ku̱i̱xo̱ya chja̱ya̱ xi índo kui.

Xo̱jo̱n Salmoo̱ 10:7

Én xí chji̱a̱ tsꞌoa, tjikítsie maá ni xi ndajín, ko̱jo kjo̱a̱ndiso, ko̱jo kjo̱a̱chꞌáṉcha̱ kó ngindie na̱je̱n síndoꞌmaá ni xi tsꞌénꞌónná, ko̱jo ni xi ndajín xi mejeén sa̱ꞌín.

Xo̱jo̱n Salmoo̱ 79:12

Ji Ne, ti̱ꞌin ji nga kui xota̱ na̱xi̱ńdá xí síndotꞌajne̱, yito ndi̱yà bo̱a̱ kjiꞌi ngatꞌíchjí, kjo̱a̱a̱ kui ni xi ndajín xi katsꞌénjoo̱ ji.

Énkjínkón 11:6

Kjo̱a̱kixi̱ xi tsꞌén xota̱ xi kixi̱i̱, kuí boá xi kꞌo̱xiéꞌá, ta̱nga xota̱ xi ꞌboṉcha̱a̱, ti̱kuíní kjo̱a̱ndikonkoón xi chja̱ya̱a̱ ka̱ma.

Énkjínkón 12:13

Xota̱ xi ndajiín ti̱kuíní xi ꞌbókayá chja̱ya̱a̱ kjo̱a̱ndiso xi chji̱a̱, ta̱nga xota̱ xi kixi̱i̱ kjo̱tjongírií yojoo̱ kjo̱a̱a̱ ni xi ndajiín.

Énkjínkón 18:7

Kjiꞌanga chji̱a̱ xota̱ xi kitikjo̱a̱a̱, ti̱kuíní yojoo̱ xi ndajín tjítsꞌeén, kó kjo̱a̱a̱ kui nii̱, ti̱kuíní yojoo̱ xi tsꞌénꞌbijñaá ngo chja̱ya̱.

Énkjínkón 6:2

Tsi je katseꞌé ji ndso̱ꞌbe, ja̱ ti̱kuíní ée̱n xi chja̱ya̱a̱ ka̱ma ngatꞌa̱ chjiéngá si̱ꞌinkjatjosén ji kui nii̱.

Kjo̱a̱chaꞌaá 3:62

Jè yé ji ngayeje ni xi ndyi̱chji̱a̱ kondra̱na, ko̱jo nga, nga ngo ni̱xtjii̱n nga an ndyi̱chji̱a̱taꞌinna.

Matioo̱ 27:25

Kó bi̱ katsoó xota̱ na̱xi̱ńdaá: ¡Ji̱n ko̱jo ndíjne̱ ngatamajéjne̱ kjo̱a̱a̱ nga ko̱yà kuí nda̱a̱!

Matioo̱ 27:63

kó bi̱ katsó: –Ndi̱a̱, je jaꞌátsjienjne̱ nga kui nda̱ ndisoo̱, bi̱ katsó nga kisꞌijña: Ngije kjo̱a̱ꞌa ján ni̱xtjin kjo̱a̱ꞌáꞌyána.

Rkaa̱ 23:5

Ta̱nga kui jaá ꞌniú katsꞌén, nga bi̱ katsó: –Indyiátsobeé xota̱ na̱xi̱ńdaá nga akóyá ngayeje nangi Jundea̱, ki̱a̱ ítsꞌi̱yanii̱ nangi Ngalilea̱ ngaskande kꞌi̱e̱e̱.