Xo̱jo̱n Salmoo̱ 59:10 - Xo̱jo̱n eén Néná

¹⁰ ¡Néna xi tjiín kjo̱a̱ni̱ma̱takoón, kuí boá xi ko̱síko̱jona! ¡Néna boá xi ko̱kóna kótsꞌèn sa̱ꞌìi̱n kondra̱na!

Xo̱jo̱n Salmoo̱ 59:10 ပူးပေါင်းရင်းမြစ်များ

Xo̱jo̱n Salmoo̱ 112:8

Jmí kjo̱a̱jín nga tjín ni xi nda̱ ka̱maa̱, ti̱nde jmí kjo̱a̱jín nga tjín ni xi stsa̱kjonní, ngaskande jè tsꞌenkjó má nga kui xi je katsꞌeén ngayeje kondra̱a̱.

Xo̱jo̱n Salmoo̱ 21:3

Kꞌinchjeꞌéyindiye jí nga katseꞌée̱ kjo̱a̱niꞌánchikonñé xi je kachjeꞌéjin ji, kó ngo korona̱ to̱nsinié xi nda ikꞌíꞌé ji to̱ko̱.

Xo̱jo̱n Salmoo̱ 46:8

¡Ndibájnú, kó tꞌíndikónjnú ni yiꞌi xi je katsꞌén Néná, jè íjñátiya ngayeje nga̱sondiee̱!

Xo̱jo̱n Salmoo̱ 5:8

Ji Ne, tꞌenje̱ní ndi̱ya̱à kjo̱a̱kixi̱i̱, kó ta̱ngatꞌanii̱ xota̱ xi kondra̱na, ti̱ꞌinna̱xe̱ ji kje̱n án ndi̱yàa̱.

Xo̱jo̱n Salmoo̱ 54:5

Te̱ꞌéꞌoyé nginíi̱ ni xi ndajín xi tsꞌénjo̱na kondra̱na, kó ta̱ngatꞌanii̱ kjo̱a̱kixìi̱ nga ti̱ꞌinkjie ji.

Xo̱jo̱n Salmoo̱ 54:7

ngatꞌa̱ jí boá xi kachjeꞌéxín ji ni nda̱ kjimana, kó ndyikón án má xi je kamábe nga je kiniꞌánchaja kondra̱na.

Xo̱jo̱n Salmoo̱ 56:2

Nga ngo ni̱xtjii̱n nga ndyi̱tsjániéna kondra̱na, ¡achichí má xi nkꞌakon maa̱ yojoo̱ nga ndyi̱kjánjo̱na!

Xo̱jo̱n Salmoo̱ 56:6

Ndyi̱ꞌbitíkó yojoo̱, ko̱jo ndyi̱kondaꞌmana, kó ndyi̱kotsijee̱n ni xi tsꞌen an, ¡achichí mejeén nga sa̱ꞌínkꞌiénna!

Xo̱jo̱n Salmoo̱ 59:17

Jí boá xi boeꞌéní ngaꞌniú, jí boá xi siee salmo̱, ngatꞌa̱ jí boá xi tichínní, ko̱jo jí boá Ne xi ni̱ma̱ maa̱ an.

Xo̱jo̱n Salmoo̱ 79:8

Ngata̱ ji̱njín chjeꞌéchjíjne̱ jé xí katsꞌén xota̱ xi xchájne̱ ngasꞌe̱, ¡tsá ye ji! Kó ngatjandibániéjne̱ kjo̱a̱ni̱ma̱takóo̱n, ngatꞌa̱ jè ta̱nisién ꞌniú jè kiniꞌánchajajne̱.

Xo̱jo̱n Salmoo̱ 91:8

Nga ja̱koxi̱ ndyikin má ji xi sku̱i̱e̱, kótsꞌèn nga xota̱ xi ꞌniú ndajiín ko̱e̱ꞌéchjií.

Xo̱jo̱n Salmoo̱ 92:11

kó ndyikón án xikótsꞌèn si̱ꞌanchaja kondra̱na. Kó tji̱bo̱a̱nijón án ku̱i̱ntꞌie̱é kui xota̱ xi ndajín, xi kondra̱ tsa̱ꞌa̱n kisꞌińdoni.

2 Xota̱ Korinto̱ 1:3

Nganiꞌántsjaá Néná, kui xi Nee̱ ko̱jo Na̱ꞌmii̱ Ndi̱a̱ná Jesukristoo̱, kui xi Na̱ꞌminá ko̱jo xi Néná xí ma ni̱ma̱a̱ ñá, ko̱jo xi tsjangaꞌniúná ngatsjéni̱xtjin.

1 Xota̱ Tesalónika̱ 4:15

Ngatꞌa̱ kui ni xi ndyi̱ꞌmìyájne̱ eén Ndi̱a̱ná boá, nga ñá xi ta̱kó tindyión nga̱sondiee̱ nga kji̱ndi̱bá nginí Ndi̱a̱ná, ki̱a̱jín kongíntjóo̱n kui xota̱ xi je jesoón.

1 Xo̱jo̱o̱n Peé 5:10

Kó ngije ikitjatiójnú chií kjo̱a̱ni̱ma̱ chiboa ni̱xtjin, kui Néná xí tsi̱ꞌe̱ ngayeje kjo̱a̱ndaa̱, kui xi Jesukristoo̱ katsꞌénkjién nga tsíchji̱a̱ná, tsi̱ꞌe̱ nga sa̱kóná kjo̱a̱je xi fejiín, kui nga tsꞌén xi chjiéngá ka̱majnú, nga tsjangaꞌniújnú, ꞌniú ngatꞌijñájnú, ko̱jo nga tsjandièjín nga jó nga ján kꞌuijñaá ini̱ma̱jnú.