Xo̱jo̱n Salmoo̱ 53:5 - Xo̱jo̱n eén Néná

⁵ achichí katsakjónní ki̱a̱ nínga jmí nijín xi ka̱ma ko̱nda̱konní, ngatꞌa̱ Néná atítsojoboa ńdaa̱ xota̱ xi kjo̱a̱xchán sa̱ꞌínjoo̱ ji. ¡Jí boá xi katseꞌée̱ kjo̱a̱soboá ngatꞌa̱ Néná boá xi katsꞌénchꞌó!

Xo̱jo̱n Salmoo̱ 53:5 ပူးပေါင်းရင်းမြစ်များ

Joo̱b 15:21

Ngatsjéni̱xtjin nga ntꞌié ni xi mindyiandíkoón, kó kjiꞌanga sakoó kjo̱a̱xió, fochó xota̱chejeé, kó kjánjo̱.

Xo̱jo̱n Salmoo̱ 14:5

Ki̱a̱ boá nínga kjo̱tsièndíkón májnú, ngatꞌa̱ Néná kjo̱a̱ndaa̱ xota̱ xi kixi̱i̱ boá xi tikón.

Xo̱jo̱n Salmoo̱ 141:7

Kósꞌe̱ bi̱ ka̱tso̱ xotaa̱: «Ńdaa̱ jè ki̱a̱ kisꞌiyojo tꞌanangii̱».

Xo̱jo̱n Salmoo̱ 2:4

Ta̱nga Néná kui xi botixómá ki̱a̱ ndiꞌakꞌajmii̱ mojnó, kó mojnókie kui xotaa̱.

Xo̱jo̱n Salmoo̱ 35:26

Ngatjaꞌa kjo̱a̱soboá, ko̱jo ngatama sibéjón yojoo̱ ngayeje xota̱ xi tsja maa̱ nga ndajín kjimana, soboá ngatamaa̱ ko̱jo ngatama tsobéjii̱n kui xi yiꞌi ngase maá yojoo̱, kó ta̱kjo̱a̱ maa̱ an.

Xo̱jo̱n Salmoo̱ 35:4

Ti̱ꞌinkjeꞌe ji kjo̱a̱soboá ko̱jo ti̱ꞌintsobéjìi̱n xota̱ xi mejeén sa̱ꞌínkꞌiénna, ti̱ꞌinkjí nginí ji nga̱xto̱n ko̱jo ti̱ꞌintsobéjìi̱n xota̱ xi mejeén nga ndajín ka̱mana.

Xo̱jo̱n Salmoo̱ 40:14

Ti̱ꞌintsobéjìi̱n ko̱jo te̱ꞌée̱ kjo̱a̱soboá ngayeje xota̱ xi mejeén sa̱ꞌínkꞌiénna, ti̱ꞌin ji nga ko̱nga nga xcha̱ja ngayeje xota̱ xi mejeén nga ndajín ka̱mana.

Xo̱jo̱n Salmoo̱ 73:20

Xikó má má nga foaꞌáná, bo̱a̱ má tsꞌén kjiꞌanga kjo̱a̱ꞌaá ji Ne, chꞌo ka̱maa̱ xikó kón kui xotaa̱.

Énkjínkón 28:1

Xota̱ xi ꞌniú ndajiín, monga ndatsi jmí tsi tjimíyotji̱ngii̱, ta̱nga xota̱ xi kixi̱i̱ maꞌniátakón nga xió ꞌbíjñá, xikó maá ngo xandi̱je̱.

Kjo̱a̱chaꞌaá 2:6

Katsꞌénkjatsón ndiꞌandikoón, xikó maá tsi ngo ndiꞌa ti̱ki̱e̱n nínga tjitjíe̱ nii̱, katsꞌénkjatsón ngi̱ndie nínga kamátikó xotaa̱. Néná boá xi katsꞌén nga ki̱a̱ na̱xi̱ńdáꞌniú Jerusalee̱n kiniꞌánchíyá sꞌué xí maa̱, ko̱jo ni̱xtjin ndikoón. Kó nga ꞌniú katsꞌénxchán, katsꞌénchꞌó nda̱ ree̱ ko̱jo chináꞌmii̱.

Lebitiko̱ 26:36

Kó kui xi kꞌuíndo ngasee̱, achichí ꞌniú kuindyiandikóo̱n ki̱a̱ nangii̱ kondraa̱ nínga síndo. Kó nga ku̱i̱ntꞌie̱é nga kꞌo̱ka ngo xka̱a̱ ngo yá, ko̱ngandikón xikótsꞌèn monga ngo xi ki̱cha̱ndojó tjimíyotji̱nginii̱, ¡ku̱i̱xo̱ kui xotaa̱ ndatsi jmíjín xi ndyi̱mongatji̱ngii̱!