Xo̱jo̱n Salmoo̱ 51:5 - Xo̱jo̱n eén Néná

⁵ Ja̱koxi̱ boá nga ngi̱jii̱n ni xi ndajiín nga kamánda an, ko̱jo nga jè tjínna jé nga nga yeꞌéna na̱anna.

Xo̱jo̱n Salmoo̱ 51:5 ပူးပေါင်းရင်းမြစ်များ

Jenesii̱s 5:3

Andaa̱n kisꞌiee̱ ngo ndí xí xikó má kjiꞌi ko̱jo xikó má tsꞌén tjíjii̱n kui, bo̱a̱ má kisꞌie, kó See̱t ítꞌajaꞌén. Kó kisꞌie ngasee̱ ndí xí xi̱ꞌin ko̱jo ndí xí ínchjín. Úchán ko̱jo kantié noó Andaa̱n nga katsen See̱t, kó ngi jin úchán nó kisꞌijña nga̱sondie.

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Joo̱b 14:4

ꞌYá xí ka̱maa̱ sa̱ꞌíntsjie ni xi ndándií. Ta̱ꞌyajínni.

Xo̱jo̱n Salmoo̱ 58:3

Xota̱ xi ꞌniú ndajiín, jè ndajín ndeskande ngindiee̱ nga stse̱én, xota̱ xi ndisoo̱ ndeskande nga síndo ngi̱ya ndo̱bo̱a̱ndií na̱áa̱n nga jè ndajín.

Lebitiko̱ 15:18

»Tsi ngo nda̱ ko̱jo ngo na̱ sa̱ꞌíntsjajo̱ yojoo̱, chjiéngá tsjiejín ka̱ma ngaskande nga ka̱majñoó, kó chjiéngá ko̱ngóyá ngijee̱.

Juaa̱ 3:6

Tsi ngo xota̱ xi yojo nga katsen, yojo boá, kó tsi xi ngatꞌaa̱ nga A̱siénni̱xtjin Néná stse̱nní, a̱siénni̱xtjin boá.

Xota̱ Roma̱ 5:12

Kó kuíni nga, xikoó nga jeé jeꞌe kui nga̱sondiee̱ kjo̱a̱a̱ ni xi katsꞌén Andaa̱n, kó nga jeé jeꞌejo̱ kjo̱a̱bo̱yaa̱, kuíni nga kjo̱a̱bo̱yaa̱ kasakoo̱ ngayeje xotaa̱, ngatꞌa̱ ngayejee̱ nga katsꞌénjé.

Xota̱ Éfeso̱ 2:3

Ti̱ bo̱a̱ ti̱ tsꞌén kixindyión ngayeje ñá kje̱ꞌe ni̱xtjin, nga ki̱a̱ tsangíntji̱ngíi̱, ko̱jo nga kiniꞌánkjatjosóo̱n kui ni xi kamámejeén yojoná, ko̱jo ni xi kiniꞌánkjó. Kuíni nga Néná kamá atíjéná, xikoó xota̱ xi ngasee̱.