Xo̱jo̱n Salmoo̱ 51:4 - Xo̱jo̱n eén Néná

⁴ Ta̱ soboá kondra̱ tse̱ boá nga katsꞌenjé án, ndajínkjiꞌi ni xi katsꞌen an ngindyikin ji, kó kuí boá kui nii̱ xi bokó nga kixi̱ ji nga botíjé jí, ko̱jo nga tsjie boá kui kjo̱a̱kixi̱ xi niꞌín ji.

Xo̱jo̱n Salmoo̱ 51:4 ပူးပေါင်းရင်းမြစ်များ

Jenesii̱s 20:6

Kó kui ngi̱jin ńjñá jàn Néná, bi̱ katsoó Abimelee̱k: —Jè be an nga kji̱e̱ niꞌínjín ji ni xi ndajín, kuíni nga katsjandièjín an nga tsjajníje̱ ji kui naa̱, ko̱jo nga si̱ꞌin jé jí kondra̱ tsa̱ꞌa̱n.

Jenesii̱s 38:7

Ta̱nga Néná tsjajín kamaá ni xi katsꞌén Ee̱r, kó Néná ngiti̱ katsjandièjiín nga kisꞌijña ngase nga̱sondie.

Jenesii̱s 39:9

Ngojín ni xi íchjána, kꞌi̱e̱ kui ndiꞌaa̱ jmíjín ingo xi nkꞌa ngase xaá, ta̱nga ji chjo̱ón má ji, kó tsi an kjojñajoo̱, sa̱ꞌin jé an ngindyi̱ko̱n Néná.

Xo̱jo̱n Salmoo̱ 50:4

Ndeskande nkꞌa jàn tsꞌéntsáyaà nkꞌajmii̱ ko̱jo tꞌanangii̱, tsi̱ꞌe̱ nga kui xi sa̱ꞌínjeé xota̱ na̱xi̱ńdaá.

Xo̱jo̱n Salmoo̱ 50:6

Nkꞌajmii̱ ka̱tso̱yà kjo̱a̱kixi̱i̱ Néná, ngatꞌa̱ Néná boá xi Ne ndiꞌamasiee̱n.

Lebitiko̱ 5:19

Kuí boá kui nii̱ xi ngo kjo̱a̱tjó xi niꞌánkꞌasꞌien kjo̱a̱a̱ nga niꞌánjetakón jé».

Rkaa̱ 15:21

Kó kui nda̱a̱, bi̱ katsó: “Na̱ꞌmi, jè katsꞌenjé án kondraa̱ ndiꞌakꞌajmii̱, ko̱jo katsꞌenjé án ngindyikin ji, kó ngaskande ngiti̱ ka̱májín ndíi̱ sení.”

Rkaa̱ 7:29

Kó ngayeje xota̱ na̱xi̱ńdá ko̱jo já xí foaꞌáꞌyá to̱n xi machjítjé nii̱, nga tsintꞌieé Juaa̱, katsꞌénkixi̱ yojoo̱ ngindyi̱ko̱n Néná, nga katsjandiè nga Juaa̱ atíndá,

Ni xi kamá 17:31

ngatꞌa̱ nga Néná jè jaꞌájin ngo ni̱xtjin nga kixi̱ tsꞌén ko̱tíjeé xotaa̱ kui nga̱sondiee̱, kó jè jaꞌájin ngo nda̱ xi sa̱ꞌín kui nii̱, kó jè íjñá chi̱bo̱a̱ná ngayeje ñá, kjiꞌanga katsꞌénkjaꞌáꞌyaá ngi̱jii̱n xota̱ xi je jesoón.

Xota̱ Roma̱ 2:5

Ta̱nga ta̱ngatꞌanii̱ kjo̱a̱kitikjo̱a̱a̱ ko̱jo nga ini̱màa̱ mejénjiín sa̱ꞌínkꞌoyà, kuíni nga tiꞌbítikíi̱ kjo̱a̱xchán yojòo̱, ni̱xtjin nga Néná sa̱ꞌínxchán ko̱jo nga ko̱kó nga kixi̱ tsꞌén ko̱tíjé,

Xota̱ Roma̱ 3:4

¡Jmí!, Néná ngatsjéni̱xtjin nga ja̱koxi̱ boá ni xi tsó, kó ngayeje xotaa̱ nga ndiso, xikótsꞌèn kjitꞌa xo̱jo̱n eén Néná: Kixi̱ ka̱ma ji kjo̱a̱a̱ ni xi sé jí, kó ji si̱ꞌin ji, kjiꞌanga xchítꞌaa̱ tsi nda ko̱jo tsi ndajín ni xi kiniꞌín ji.

Xo̱jo̱o̱n Sandiyaá 2:11

Ngatꞌa̱ kui Néná xi bi̱ katsoó: “Ka̱májín si̱ꞌintꞌée̱ kjo̱a̱ chjóo̱n ko̱jo tsi xi̱ꞌíi̱n”, ti̱ bi̱ ti̱ katsó nga: “Ka̱májín si̱ꞌinkꞌin ji xota̱.” Kó kuíni nga tsi si̱ꞌintꞌejíi̱n kjo̱a̱ xi̱ꞌíi̱n ko̱jo tsi chjo̱ón, ta̱nga tsi tjín xi si̱ꞌinkꞌin ji, je ikiyiní ji kui kjo̱a̱kitii̱.

Xo̱jo̱o̱n Sandiyaá 2:9

Ta̱nga tsi skján ndyi̱niꞌánjo̱jnú xotaa̱, ndyi̱niꞌánjéjnú, ngatꞌa̱ ti̱kuíní kjo̱a̱kitii̱ xi bokó nga tjínjnú jé.

Ni xi akakoo̱ 16:5

Kó tsintꞌie an nga ndítsjie xi tsi̱ꞌe̱ ndáfoaa̱, bi̱ katsó: –Jí xí kixi̱ ji, jí xí jí, Ndi̱a̱, jí xí kamá ji ngasꞌe̱, jí xí tsjie ji, ngatꞌa̱ jí xí kiniꞌínjée̱ kui nii̱,

Ni xi akakoo̱ 19:11

Kó kamábe an nga tji̱e̱nti̱xa̱ ndiꞌakꞌajmii̱, kó ngo ndi̱je̱ tiboa tikón ki̱a̱a̱, kó kui nda̱ xi tikónsoón kuí xí ꞌmí xi ꞌNiátakón ko̱jo xi Ja̱koxi̱i̱, ngatꞌa̱ nga kixi̱ atíxoma nga askjantjé.