Xo̱jo̱n Salmoo̱ 51:12 - Xo̱jo̱n eén Néná

¹² Te̱ꞌé nginí kjo̱a̱tsja xi tjiín kjo̱a̱ꞌnaxiéꞌáa̱, kó ngo a̱siénni̱xtjin xi nda ngatasikójona.

Xo̱jo̱n Salmoo̱ 51:12 ပူးပေါင်းရင်းမြစ်များ

Xo̱jo̱n Salmoo̱ 119:133

Takéní ndi̱yà nínga kjuín án, xikó kase nga kiꞌmíyetjén, ¡mejénna sa̱ꞌinkjatjosón an kjo̱a̱botíxomàa̱! Ngata̱ boeꞌéndièjín ji nga ndajín ka̱mataꞌin an, ti̱nde nga boeꞌéndièjín ji nga ni xi ndajiín kꞌo̱kajin an.

Xo̱jo̱n Salmoo̱ 13:5

Ngatꞌa̱ an, kjo̱a̱ni̱ma̱takóo̱n boá xi kjimaꞌniáko̱n an, kó ini̱ma̱na achichí tsjá ka̱maa̱ kjo̱a̱a̱ kjo̱a̱ꞌnaxiéꞌáa̱.

Xo̱jo̱n Salmoo̱ 17:5

Ki̱a̱ tsꞌénfítji̱ngi an ndi̱yà xí tse̱, tsi̱ꞌe̱ nga ko̱ngajonjín ndsa̱ko án.

Xo̱jo̱n Salmoo̱ 19:13

¡Chje̱ꞌéxínní kjo̱a̱nkꞌakoo̱n nga! ¡Ngata̱ boeꞌéndièjín ji nga kui sa̱ꞌínna! Kósꞌe̱ kjiꞌá boá nga ngiti̱ sa̱ꞌinjéjín an, ko̱jo nga ngiti̱ jmí jé kꞌuiéjínna kjo̱a̱a̱ nga ta̱nisién ndajín katsꞌen an.

Xo̱jo̱n Salmoo̱ 21:1

Ji Ne, nda̱ ree̱ achichí tsjátjiín kjo̱a̱a̱ ngaꞌniú xí tjiín ji, kó kjo̱a̱a̱ kjo̱a̱ꞌnaxiéꞌáa̱, ¡achichí tsjá maá!

Xo̱jo̱n Salmoo̱ 24:4

Ta̱kuítsí xota̱ xi tsjie tsjaa̱, ko̱jo xi tsjie ini̱ma̱a̱, kui xi jmíjéjiín, ko̱jo kui xi jmí tsi ta̱xkiya ndyi̱tsꞌéndíkón ni xi jmí ni chjíjiín, ti̱nde índisojín nga sa̱ꞌínkjatjosón ngo ni.

Xo̱jo̱n Salmoo̱ 35:9

Achichí tsjá ka̱mana kjo̱a̱a̱ Néná, achichí tsjá ka̱mana kjo̱a̱a̱ kjo̱a̱ꞌnaxiéꞌaá.

Rkaa̱ 1:47

Kó a̱si̱énni̱xtjinna iskjínkꞌá má nga tsja kamaá kjo̱a̱a̱ Néná xí ꞌboxiéꞌána.

Xota̱ Roma̱ 14:4

Kó ꞌyání jí nga titsitsijinkóo̱n tsi nda ko̱jo tsi ndajín ndyi̱tsꞌèn mosoo̱ kje̱ꞌe xota̱. Tsi tajá tikón ko̱jo tsi kꞌo̱ka nga tjítsꞌén xaá kui mosoo̱, ndi̱a̱a̱ xí be tsi nda ko̱jo tsi ndajín katsꞌén, ta̱nga tajá kꞌuijñá kui mosoo̱, ngatꞌa̱ Ndi̱a̱ná tjínrií ngaꞌniú nga ka̱maa̱ ko̱síko̱jo.

Xota̱ Roma̱ 8:15

Ngatꞌa̱ jmí tsi a̱siénni̱xtjin xi moso̱ tsꞌénná xi katseꞌéjnú tsi̱ꞌe̱ nga ko̱ndoko̱n nginíjnú, ngo a̱siénni̱xtjin xi ndií Néná tsꞌénná xí katseꞌéjnú, kuíni nga bi̱ ꞌmí: “¡Abba! ¡Na̱ꞌmi!”

2 Xota̱ Korinto̱ 3:17

Ngatꞌa̱ Ndi̱a̱ná kuí boá xi A̱si̱énni̱xtjii̱n, kó nínga tikón A̱si̱énni̱xtjii̱n Ndi̱a̱ná, tjín kjo̱a̱ndé.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,